Efesus 2:8 - Allah Wene Hurumbik Keron

⁸ Eke At Allahen hinabua hisebareg fam hit demat ulug eberoko warukmu hinili warisi-o. Eke hit fano suruk hisalug, hinili warisi fug-o. We yuhun-at hinili warukon etno og hisarisi-o.

Efesus 2:8 ပူးပေါင်းရင်းမြစ်များ

Matius 16:17

Yig ituk apagma, At Yesusen yig ituk wilil, “Simon Yunus amloho wai, At Allah ahien hobam umburuk hihi-o, haren demat ariroho ehen ari, ap misihen yanggul hitukmu ehen fug-o. An Nikni boholma werehon etnowen hat hakeleg yig hitukmu ehen-o.

Matius 20:9

Ariroho yig isaruk atisimu, it ap hupmu jam lima fam yabuk suruson etno onggo uang anggen misig misig-at og isarusa-o.

Markus 16:16

Eke iren wene fano wene yangguloko yig isahubon etno inindien demat ulug eberoko waruk isalug, ikma belap inabuhup etno fam inili og inabuhuk-o. Eke wene etno inindimu eberoko waruk eleg isalug, oag deloko o dagma-at imbisahuk-o.

Lukas 7:50

At Yesusen hwe etno yig ituk wilil, “Hat hindi Allah obam ebetuk ahen etno fam hebe hili holehen ari fanoroho hibam lamihin-o,” ulug yig epag.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 4:10

Yig ituk apagma, At Yesusen yig ituk wilil, “An nebe At Allahen belap nabik waharision etnowen ik naminen honang nimin ulug yig hirihion etno haren An nebe ap du at ulug hiluk welatlenmen, haren An nambeg ariroho kino yig nitlenma, Anden ik ilukon etno og hetle-o,” ulug yig epag.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:35

Yig ituk apagma, At Yesusen yig isaruk wilil, “Orom roti ebe iniluk inaptukon ari An nebe at-o. Ari halug, it aphe obog An nambeg watlug nobam ebetukon epmano ik inim, orom roti inim obok hahup fug-o,” ulug yig isebag.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Yohanes 6:44

Ap misig At An Nikni lahap nabik waharision etnowen nambeg imbik waharuk eleg halug, Aren nambeg wam ari hai-o. Eke Aren imbik waharuk halug, o ari fam iluksoho minduhupfuhuk-o.

Yohanes 6:65

Ariroho iluk wilil, nin duroho yig isaruk apag, “Ari halug, Anden bilin yig hisaruk wilil, ‘Hit An nambeg wamon etno bilin Niknien og hisaruk eleg halug, hit hinonggarehen-at An nambeg wam ari hai-o,’ ulug yig hisarikik etno alem ari fam-at yig hisarikik-o,” ulug yig isebag.

Kisah Para Rasul 14:27

Laruk apareg, o Antiokhia epma it Allah wene warukon epmano obog-at wonggal inaptuk apareg, it etanowen At Allah inim wilil sil nuruk apahon epmano dindiloko yig isaruk apag. Yig isaruk wilil, “At Allahen it aphe At awene inapelehon epmano eberoko wawag ulug og isarisi-o,” ulug dindiloko yig isaruk apareg,

Kisah Para Rasul 15:11

Eleg-o, nit At Yesus onggo eleg og nisebag etno fam ninili waruk-o. Eke it ari fam-at inili waruk-o,” ulug at Petrusen yig isebag.

Kisah Para Rasul 16:14

Ninim wene urukukon etno at misig inuk Lidia, ibam Tiatiraon etno at ebe sum huluon fanowon at ambeg onggo baltukon welatisi. Eke at hwe etno Allah wene warukon oke, At Allahen fikfag esanggo warepfirisimu, at Paulusen irision etno indimu eberoko warisi.

Kisah Para Rasul 16:31

it etanowen yig ituk wilil, “Hat homini hinim hinindi Yesus obam ebetuk atlihipmu, hinili wikon-o,” ulug yig ituk atusareg,

Roma 10:14

Eke ari fam, At obam ebetuk eleg wilil, keroho yig ituk amuhup-o? Eke At awene etno inesanggo holtuk eleg wilil, keroho obam ebetuk amuhup-o? Eke At awene etno yig isaruk eleg halug, keroho inesanggo holtuk amuhup-o?

Roma 10:17

Eke ari fam, wene inesanggo holtukon etno fam, demat ulug eberoko waruk amuhup-o. Eke Kristus awene fanowon yig isaruk etno fam inesanggo holtuk amuhup-o.

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

Roma 4:5

Eke ap misig onggarehen fano seheg eleg-at wilil, At Allahen nit dag suruk aheon epmano fano ninaptuk ulug obam ebetuk etno fam, At Allahen ap at obam ebetukon epmano ninim fanoroho welamuhuken ulug inim dambultuk-o.

Roma 9:16

Eke it du nahmu isahuk ulug nahla buruk atlug nahmu isaruk ahi-o,” ulug ariroho yig epag halug, it apheyen yi angge di angge surukon epmano fam At Allahen fuloko imbisaruk eleg-o. We At Allahen-at it du inabua isahuk ulug ahla buruk atlug fuloko imbisaruk-o.

Galatia 3:14

Eke ariroho sebag arien, At Allahen Abraham etno amuk yig ituk wilil, “An nahien it aphe inobam umbuhuk-o,” ulug hurumbik yig epahon etno it ap Allah wene inapelehon epmano ahien inobam umbukag ulug At Kristus Yesus ariroho sebag-o. Eke At Allahen Roh Kudus og isahuk ulug abug yig isebahon etno nit At obam ebetuk aheon epmano og nisawag ulug At Kristus ebe ariroho sebag.

Galatia 3:22

Eke at Alkitab etnowen yig nisaruk wilil, “It yi aphe di aphe kweanmon obog dag-at suruk-o,” ulug yig nisaruk etno fam, it aphe At Yesus Kristus obam ebetukon etno At Allahen og hisahuk ulug abug yig nisebahon etno og isaruk-o.

Efesus 1:19

eke nit Allah wene waruk aheon At Allahen oag weregsoho ninoag werehep nisaharukon etno inim, obog-at fanoroho ebebukag ulug yig hisihi-o. Eke nit ninoag werehep nisaharuk etno hag,

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Efesus 2:5

Eke nit ariroho Allah wene ninesanggo holtuk eleg wilil ninebe warehon neken welatukukon oke, At Allah nit ninobam indi hunduhuk wilil ahmu nisaruk apareg fam, At Kristus ninim niniluksoho minduhup nisaharisi-o. Eke At Allahen hinabua hisaruk etno fam hinili warisi-o.

Filipi 1:29

Eke hit hinabua hisaruk wilil, At Kristus anggimbu welamon etno og hisarisireg fam, hiren At Yesus obam ebetuk ahep-o. Eke At awene ebetuk ahep etno fam dahon etno hinobam umburuk-o.

Kolose 2:12

Ariroho hinombisahabag etno fam, hit hinebe ikma belap hinaptukmu, At Yesus o wikelma waroko embebag etno hag, hinindi dahon sohorep isa ambulug, At Kristus iluk apag etno hag, ikmen minatikip-o. Ari bilin At Allahen At Kristus iluksoho minduhupfebahon etnowen hit hinindi oag weregsoho ikmen minduhup hisaharisi-o.

2 Tesalonika 1:9

Imbisaruk amuhupmu, it epmano epma wilil, it At Allah olohore halug eleg At suon oag werehon etno inim welamuhup fug-o.

Ibrani 6:4

Eke it aphe Allah wene iniluk heheg, mondog sohorep isarukon ari, fobik inim ioba yatuk wilil, nit dag sehe ulug bukalukon etno hai aruhu-o. It aphe ariroho surukon epmano, bilin At Allahen o seleg etno og isarukmu, boholmen og isarukon etno inahientoho waruk isalug, At Roh Kudus etno inindimu kuruk atisi-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.