Efesus 2:7 - Allah Wene Hurumbik Keron

⁷ Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.

Efesus 2:7 ပူးပေါင်းရင်းမြစ်များ

Roma 2:4

Eke At Allah etno ninabua nisaruk wereg heheg, at une sebeluk ulug uruk ahen ano? Eke nit dag suruk aheon epmano ninobam ninapelegsoho apma ninombisahalug, ninindi wereg amag ulug ninabuen yig nisarukon epmano hapelegma uruk ahen ano?

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 2:4

Ariroho suruk nisalug, At Allah asine ninobam umburuk heheg welatukuk-o.

Efesus 3:21

Eke ari halug, it obog At Kristus Yesus inuk waruk wilil, At udaki neken werehon epmanowen At Allah inuk-at nintul nantul suontepfuruk amag ulug an demat yig hisihi-o.

Efesus 3:5

Eke o amuk wene heraho welapahon etno aphe yig isebag fug oke, kidia At Allahen Roh Kudus etno fam it At awene yig isil lawag ulug mondep isebahon epmano inim, eke it nabi epmano inim bukaloko yig isarisi-o.

2 Tesalonika 1:12

Eke ariroho fanoroho wereg hisalug, hit farim At Ninowe Yesus inuk suontepfeheg, eke At Yesus farim hit hininuk suontepfeheg suruk amuhup-o. Eke At Ninikni Allah inim, eke At Ninowe Yesus Kristus inimen ninabua nisarusa-o ulug suontepfuruk amuhup-o.

Titus 3:4

Ariroho suruk atu­kukon oke, eke fobik At Allah ninili warukon etnowen indi hun­duhuk wilil ninabua nisaruk atisireg, ninili warisi-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.