Efesus 2:3 - Allah Wene Hurumbik Keron

³ Eke bilin Allah wene ninapeleg wilil, ninim ilitoho-at welatukuk-o. Ariroho wilil, ninakelehen yuhun-at seheg, eke ninebe kweanmon-at wilil ariroho suk ulug ninahla buruk atukukon epmano-at seheg suruk atukuk-o.

Efesus 2:3 ပူးပေါင်းရင်းမြစ်များ

Markus 4:19

eke an suon ulug urukon etno inim, eke inindi fam yi angge di angge surukon epmano inim, it inindi ariroho ebetukon ari obog-at inindimu anggen yihikup fug-o.

Yohanes 1:13

Ariroho yig isebag ari, it aphe kweanmon inudaki endag atuk etno hag, At Allah udaki ulug endag apag fug-o. At Inikni Allahen-at endag inapag-o.

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

Kisah Para Rasul 14:16

Eke o amuk At Allahen yi aphe di aphe obog inobam dombog suruk amag ulug sohorep isebahon oke, inabuen yi angge di angge fanowon-at og isebag-o.

Roma 1:24

At Allahen it inindi elegsoho wilil dag sil nuruk amag ulug sohorep isebag.

Roma 11:30

Eke hit bilin Allah wene hinapeleg welatikibon etno epmano amuk Allah une hinesanggo holtuk atikip fuhon oke, kidia hag it Yahudi ap inesanggo holtusa fug ari fam, At Allahen hit hinabua hisarisi-o.

Roma 13:14

Eke At Ninowe Yesus Kristusen angge etno hinasehen hinasing neken wantalug wilil, hit hinebe kweanmon etnowen dahan fahan suk ulug hinahla bulug surukon etno hinesanggo holtug eleg ilitoho suk fug-o.

Roma 2:14

Eke it aphe Allah wene inapelehon epmano wene duroho suruk amuk eke duroho suruk am fug ulug ebahon etno inapeleg oke, inonggarehen inahla bulug wene duroho suruk amuk eke duroho suruk am fug ulug ebahon etno ilitoho suruk-o. Eke it epmano wene duroho suruk amuk eke duroho suruk am fug ulug ebahon etno inapeleg oke, inonggarehen-at ariroho siuk ulug yig saruk-o.

Roma 5:10

Eke nit At Allah ninim healeg welahoahon oke, At Amloho warapareg fam Aren nomini ulug dambul ninaptisi-o. Eke ariroho At Allah omini ulug ninim dambuksoho wereg niseheg, At Kristus iluk werehon etnowen ninili wahu-o.

Roma 5:9

Eke At ninake warapareg fam, alem dahon ninobam werehon etno elehep nisahabag halug, At Allahen asine ninobam umbuk nowen ulug ninili wahu-o.

Roma 6:12

Eke hit hinobabut amukon epmano wilil, hit hinindien bulug sirikibon epmano sohorep isuog ulug, alem dag surukon etnowen hit hinebe waramuhubon etno oag weregsoho seberep hisahuk nowen ulug yig hisihi-o. Eke hit hinebe atog-atog etnowen dag sehe ha nowen ulug alem dag surukon epmano apma seberoho welam fug-o.

Roma 7:18

Eke ari halug, an nobam alem fanoroho surukon etno mondog eleg ulug niluk-o. Eke an fanowon du suhuk ulug nahla buruk ahion oke, anden ilitoho sukon etno hai atuk-o.

Roma 9:22

Ariroho suruk ari hag, At Allahen ilitoho-at suruk-o. Eke At asine inobam umbukon epmano inim, eke Aren oag weregsoho sukon etno inim obog-at iniluk amag ulug, it aphe asine inobam imbiog ulug werehon epmano dulum war inabeheg eleg orog-at inaren baltuk atlug inebe elegsoho imbisiog ulug suruk-o.

1 Korintus 4:7

Eke hat hag ap sen hakeleg-at suon ulug ilanggen hearuk-o? Eke nongge hag og hitisi fug-o? Eke At Allahen obog og hitision oke, og hitisi fugmu neken, keroho ulug hat hinuk-at suontepataruk ahen-o?

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

Galatia 3:22

Eke at Alkitab etnowen yig nisaruk wilil, “It yi aphe di aphe kweanmon obog dag-at suruk-o,” ulug yig nisaruk etno fam, it aphe At Yesus Kristus obam ebetukon etno At Allahen og hisahuk ulug abug yig nisebahon etno og isaruk-o.

Efesus 2:2

Eke it kweanmonen suruk etno hag dag suruk wilil, it dag surukon inahurangge une etno hinesanggo holtikip-o. Eke it inowe ari kidia it aphe Allah wene holtuk elehon epmano inowe-at wereg-o.

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

Kolose 1:21

Ari hiren bilin yi dag di dag sukon hinahla buruk wilil, suruk atikipseg fam, huso neken At Allah hinim healeg welatikip-o. Ariroho welatikibon oke, eke kidia At Allah Amloho warapag etno fam, hinebe At Allah udaki atikip-o.

1 Tesalonika 4:13

Nomini-o, it hinomini waratuson epmano keroho wereg ulug hiniluk amagsoho yig hisul-o. Eke it aphe ninen, it warehon minamuhup fug-o, ulug inahla buruk wilil inindi dag atuk etno hag, hit ariroho dag am nowen ulug yig hisul-o.

1 Tesalonika 5:6

Eke it ap nohorukon etno ilitoho nohoruk am fug-o. Nit noho kunkan seheg eleg wilil aso fanoroho welamuk-o.

1 Timotius 6:9

Eke it aphe ninen ninaharek anggolo amag ulug heahil sil nurukon epmanowen yi angge di angge nindi nindi urukmu, inindi kahalik waharuk-o. Eke inindi kahalik waharukmu, bak helema waratuk etno hag, it aphe yi angge di angge nindi nindi urukon epmano inonggarehen wataruk amuhupseg, fobik mondog dag amuhup-o.

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

1 Petrus 1:14

Eke Allah wene-at holtuk wilil, amuk hinapelegma yi angge di angge suruk atikibon epmano seberoho sohorep isalug, fanoroho welamiek-o.

2 Petrus 2:14

Eke it epmano hwe dahon inilag warukon etno-at suog ulug heahil nuruk-o. Heahil nuruk wilil, nintul nantul dag suk ulug inahla buruk-o. Inahla buruk wilil, bak yep suruk etno hag, iren aphe inindi elehen epmano dag sukag ulug inindi kahalik waharuk-o. Ariroho suruk wilil, inindi dag mondog-at wereg isalug, fobik At Allahen waramiek yig isahu-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

1 Yohanes 2:16

Yi angge di angge kweanmon epmano ninilanggen haruk wilil, ari fam suon welaruhuk ulug buruk nisalug, Ninikni Allah sohorep isalug, ninalem kweanmon-at wereg-o.

1 Yohanes 2:8

Eke wene yig hisaminon du akelehon, keron neken-at yig hisaruk ahi-o. Wene ari At Kristus etnowen demat ulug uruk wilil, ilitoho sebag etno hag, hit ariroho wene ari demat-o ulug uruk wilil, ilitoho suruk ahep-o. Ariroho suruk ahep ari, o hikmu etno eleg atuk heheg, o seleg etno arat wereg atuk-o.