Efesus 2:2 - Allah Wene Hurumbik Keron

² Eke it kweanmonen suruk etno hag dag suruk wilil, it dag surukon inahurangge une etno hinesanggo holtikip-o. Eke it inowe ari kidia it aphe Allah wene holtuk elehon epmano inowe-at wereg-o.

Efesus 2:2 ပူးပေါင်းရင်းမြစ်များ

Matius 11:19

Eke An Allahen minduhup naha­rision etno waharikikseg, ik inim, orom inim naruk wilil weregma, hit obohen, ‘Ap du bik himiek-o, At ebe etno it ap uang onggo kino urukon etno inim, eke it dag surukon epmano inim inomin wilil, orom inim, ik anggur inim inahumsoho naruk-o,’ ulug iri­kip-o. Ariroho irikibon oke, At Allahen ahla burukon etno demat suruk halug, ari fam At Allahen demat yig nisaruk-o ulug inahla buhup-o,” ulug yig ise­bag.

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Matius 13:38

Eke eyabukmu yapag ambeg etno hag o kweanma duma-at wereg-o; eke i angge fanowon yapahon etno hag it Allah udaki-at wereg-o,” ulug yig isaruk apareg, eke fobik yig isaruk wilil, “Eke hohol i yapahon etno hag, it iblis udaki etno-at wereg-o.

Markus 4:19

eke an suon ulug urukon etno inim, eke inindi fam yi angge di angge surukon epmano inim, it inindi ariroho ebetukon ari obog-at inindimu anggen yihikup fug-o.

Lukas 16:8

Yig ituk apagma, eke at ap anggimbu ikni etno esanggo holtuk apareg, yig ituk wilil, ‘It obog hat homini welamag ulug hindi enggaren holal etno miraloko embehen hihi-o,’ ulug yig epag-o. Ariroho yig epareg fam, it aphe kweanmon duma ineyabuk inindi enggatoho surukon oke, it o seleg udaki epmano hag dorat inindi enggatoho suruk-o,” ulug At Yesusen yig isebag.

Lukas 22:31

At Yesusen Petrus etno yig ituk wilil, “Simon wai, hesanggo holin-o. Eke ap misihen hulim anggen ahap fultuk etno hag, at iblis etno hit obog hinindi kahaliog ulug waruhu-o.

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Yohanes 13:2

Ariroho wilil, eke fobik At Yesus omini epmano inim inaharom hupmu angge nuog ulug horie ebag. Horie uruk apagma, at iblis etnowen at Yudas, Simon Iskariot amloho etno indi kahaltuk wilil, haren At Yesus senebukag ulug yonggo lamihin-o, ulug indi kahalfag.

Yohanes 13:27

Og ituk apagma, at Yudas etnowen orom roti webag. Waruk apagma, at iblis etno indimu kebag. Kuruk apagma, At Yesusen yig ituk wilil, “Haren ariroho sik ulug hahla buruk ahenon etno dulum-at sin-o,” ulug yig epag.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 15:19

Eke hit it aphe kweanmon wene ebetuk elehon epmano ilitoho welatlepmen, iren nit ninomini-at-o, ulug hinobam inindi hunduhuk welatlep-o. Ariroho welatlebon oke, hit hag it aphe kweanmon wene ebetuk elehon epmano hinim dambuksoho welam nowen ulug imig hinaptikik etno fam iren inambit hisaruk-o.

Yohanes 16:11

Eke alem At Allahen inoag deloko imbisawon etno yanggul isahu ari, at iblis o kweanma inikni suon neken welatision etno arat oag deloko imbirisi-o ulug yanggul isahu-o.

Yohanes 7:7

Eke it yi aphe di aphe kweanmon etnowen hit inambit hisao eleg oke, Anden hit ariroho suruk ahep ari dag-at suruk ahep-o, ulug yig isaruk ahi etno fam, inambit nearuk-o.

Yohanes 8:23

Ariroho uruk apagma, eke At Yesusen yig isaruk wilil, “Hit hinebe etno o apma kweanma dumon-at welahep-o. Eke An hag nebe boholmon-at welahi-o. Eke hit hag o kweanma dumon-at welahep-o. Eke An hag nebe o kweanma welahi fug-o.

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

Kisah Para Rasul 19:35

Ariroho uruk atusama, fobik at o Efesus wene holal baltukon etnowen it aphe inune eleg amag ulug yig isaruk atisireg, it inune ilik eleg bok wereg iseheg, yig isaruk wilil, “Nomini, hit Efesus ap du. Nit ninibam o Efesus epma at Artemis suon ibam etno inim, eke helep uson boholmen ambik wapahon etno inim nit-at unde ulug niniluk welahe-o.

Kisah Para Rasul 5:3

Og isa laruk apagma, at Petrus etnowen yig ituk wilil, “Ananias wai, hat keroho ulug iblis hindimu kehekma, At Roh Kudus etno ambolma dahalehen-o? Eke hahuang og hituson etno obog-at og hisaruk ahi, ulug yig nisehenon oke, nin minggiroko herahapatehen-o.

Roma 12:2

Eke it aphe kweanmon dumen suruk etno hag suruk am fug-o. Eke At Allahen hinindi ebetuk ahebon etno ketoho hinombisahukag ulug At akeleg-at mutlug laruk amuk-o. Ariroho laruk hisalug, At Allahen duroho siuk ulug yig hisawon etno hiniluk amuhup-o. Eke At Allahen duroho suhup ahla burukon etno atog arat ahla birisi ari, fanowon ahien hawon etno-at ahla birisi-o.

1 Korintus 5:10

ininggikmu arikon welaheg, eke komo wene yig isarukon epmano sohorep isalug dil dil angge seheg, eke kwanangge amurli hundireheg surukon epmano hinim hunduhuk welam fug ulug, it wene inapelehon farim yig hisarikik fug-o. Anden bilin ariroho yig hiselemen, hit kwean du famen wilip atlep-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Galatia 1:4

Eke o dagma welahe ambeg dumen ninili wawag ulug At Ninikni Allahen ahla buruk apareg fam, At Kristus nit dag suruk aheon ninonggo bal ninabiog ulug warapag-o.

Efesus 1:21

Ariroho walug laharuk apagma, At Kristus etno etlema wilil, yi ap di ap suon inim, eke yi ap di ap inoag werehon inim, eke yi angge di angge inuk suon kidia werehon epmano inim, eke fobik welamuhubon epmano inim obog-at At apma wereg isalug, At Inowe suon wereg-o.

Efesus 2:11

Eke hit hinebe Allah wene hinapeleg wilil endag apahon epmano it Yahudi aben ininggiken surukon epmano fam, nit hag niniyunggul ambilik balehon welahe-o, eke hit hag hiniyunggul ambilik baleg elehon welahep-o ulug yig hisebahon etno hit bilin keroho welatukuk ulug hinahla ebetuk amiek-o.

Efesus 2:13

Eke bilin ariroho wilil, yatma neken welatikibon oke, At Kristus Yesus hinim dambuksoho hinombisahukag ulug At Kristus amep deloko umbulug warapareg fam, kidia hinebe horog-at neken welahep-o.

Efesus 2:3

Eke bilin Allah wene ninapeleg wilil, ninim ilitoho-at welatukuk-o. Ariroho wilil, ninakelehen yuhun-at seheg, eke ninebe kweanmon-at wilil ariroho suk ulug ninahla buruk atukukon epmano-at seheg suruk atukuk-o.

Efesus 4:17

Eke ari halug, At Ninowe inuk fam nune oag weregsoho yig hisaruk ahi-o, eke it ap Allah wene inapelehon epmano inindimu urunanggeroho ebetuk wilil o hikmu werehon epmano ilitoho suruk am fug-o.

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

Efesus 5:6

Eke ap misihen enggal yig hisaruk wilil, hinindi kahalik wam nowen-o. Eke it aphe Allah wene inesanggo holtuk eleg wilil, inenggal urukon epmano At Allahen asine inobam umbuhu-o.

Efesus 5:8

Eke hit bilin o hikmu welatikibon oke, At Ninowe udaki atikipseg, o selegma-at welahep-o. Eke ariroho wilil, at o seleg udaki wereg etno hag welamuk-o.

Efesus 6:12

Eke nit wim aptuk ahe etno aphe ninim aptuk ahe fug-o. Eke at setan etno inim, eke at omini inoag werehon boholmon epmano inim, eke it inowesi dahon o hikmu werehon epmano inim, it obog-at ninim wim aptuk ahe-o.

Kolose 1:21

Ari hiren bilin yi dag di dag sukon hinahla buruk wilil, suruk atikipseg fam, huso neken At Allah hinim healeg welatikip-o. Ariroho welatikibon oke, eke kidia At Allah Amloho warapag etno fam, hinebe At Allah udaki atikip-o.

2 Timotius 4:10

Eke at Demas etno hag kweanmen surukon etno indi ebetuk atisireg, sohorep naharisi-o. Sohorep naharuk atisireg, o Tesalonika larisi-o. Eke at Kreskes o Galatia etno larisi-o. Eke at Titus o Dalmatia etno larisi-o.

Yakobus 1:27

Eke At Ninikni Allah etno awene waruk nisalug, duroho suk-o; it udag inisasi elehon halug orom og iseheg, eke it hweap suhweon halug yalmag iseheg, eke kweanmen surukon etno seberoho embeheg suruk amuk-o.

Yakobus 1:7

Eke at misig, “Demat og niruhu ano, eleg ano?” ulug ahla burukon halug, At Allahen og iruhu fug-o.

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.

1 Petrus 1:14

Eke Allah wene-at holtuk wilil, amuk hinapelegma yi angge di angge suruk atikibon epmano seberoho sohorep isalug, fanoroho welamiek-o.

1 Petrus 4:3

Eke it Allah wene waruk elehonen dag suruk etno ilitoho hit o amuk anggolo suruk atikip. Ariroho suruk wilil, hit yi dag di dag seheg, ambusu nenek surukon etno nenggeg, wanggik seheg, kwanangge etno amurli hundereheg suruk atikip-o. Ariroho suruk atikibon oke, eke kidia dag suk ninambit atisi-o, ulug uruk ahep-o.

2 Petrus 2:14

Eke it epmano hwe dahon inilag warukon etno-at suog ulug heahil nuruk-o. Heahil nuruk wilil, nintul nantul dag suk ulug inahla buruk-o. Inahla buruk wilil, bak yep suruk etno hag, iren aphe inindi elehen epmano dag sukag ulug inindi kahalik waharuk-o. Ariroho suruk wilil, inindi dag mondog-at wereg isalug, fobik At Allahen waramiek yig isahu-o.

1 Yohanes 3:10

Eke it Allah udakion inim, it iblis udakion inim surukon ari ilit eleg-o. It mot mot suruk elehon, inomini inambit isarukon halug ari, Allah udaki fug-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

1 Yohanes 4:4

Eke hit hag Allah udaki-at welahep-o. It inenggal urukon epmano hinapmarep isarikip-o. Ari Roh Kudus hinindimu werehon etno oag wereg halug, yi angge di angge kweanmen urukon epmano seberepfirisi-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

1 Yohanes 5:4

Abutseon yig nisarukon ari, ilitoho suruk wilil, eke it Allah udaki halug kweanmen sukon etno apmarepfuruk-o. Allah wene demat ulug ebetuk ahe halug, kweanmen sukon etno seberepfulug apmarepfuruk ahe-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 16:17

Balu inaptuk atusama, eke fobik at malaikat misig etnowen ahik oag fam honanggowon etno yuhun-at deloko belabik waha­risi-o. Belabik waharuk atisimu, eke o Allah ibam horie uruk ambeg etnowen une suon misig uruk wilil, “Kidia atog etno arat suruk-o,” ulug ariroho irisi-o.

Wahyu 20:2

Ariroho nilang­gen harikikseg weregma, eke fobik at malaikat etnowen walo amukon inuk misig Iblis, eke inuk misig Setan soalehon etno ebe inggik senetuk atisireg, seribu tahun welamag ulug hele waroko imbirisi-o.