Efesus 1:4 - Allah Wene Hurumbik Keron

⁴ Eke o kweanma duma awan wal haruk eleg wilil, nit At Kristus inuk fam At Allah udaki welamag ulug Aren arat imig ninapag-o. Eke nit ninebe At il fam dag seheg eleg-at wilil ninobabut fano-at welamag ulug imig ninapag-o.

Efesus 1:4 ပူးပေါင်းရင်းမြစ်များ

Matius 24:22

Eke dahon at inobam umbukon ari, At Allahen dulum-at maha ninombisahalep fugmen, nit yi aphe di aphe obog-at ninuselep-o, ulug inahla buhup-o. Eke At Allahen maha imbisahu ari, At udaki fuloko imbisebahon epmano inabua isaruk wilil maha imbisahu etno fam, o dahon inobam umbukon horog arat aruhu-o.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Yohanes 10:16

Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Kisah Para Rasul 13:48

it Allah wene inapelehon epmano inahien anggolo haruk wilil, Allah wene etno demat ulug suontepfebag. Suontepfuruk apareg, eke it iniluk initog mondog welamag ulug heako imbisebahon epmano wene eberoko webag.

Kisah Para Rasul 15:18

ulug At Allahen amuk hurumbik ebahon etno wereg-o,” ulug at Yakobusen yig isaruk apareg,

Kisah Para Rasul 18:10

An ninim wilil, sohorep isalug, bok welaruhun fug-o. It o duma nudaki anggolo weregma, hat howabuhup fug-o,” ulug yig itisi.

Roma 8:33

Eke Allah udaki imig inapahon epmano inobam at sen une dahon yig isahu-o? It alem dahon inobam werehon epmano hag At Allahen-at elehep isaruk-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Efesus 3:17

eke At Kristus obam ebetuk hisalug, At ebe hinindimu welaheg suruk amag ulug an sembahyang uruk ahi-o.

Efesus 4:2

Ariroho suruk wilil, hinindi seberoho welaheg, eke hinune fanoroho yig iseheg, suruk amuk-o. Eke hinomini hinim hinindi hunduhuk wilil, fanoroho hinim welamuk-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Efesus 5:27

Ariroho inakeleg-at imbisebareg fam, At udaki epmano dag seheg eleg fano mondog welamag ulug endag inapag-o.

Filipi 2:15

Eke hit ariroho suruk ahebon etno At Allah udaki oke, it aphe yuhun-at wilil dahan fahan surukon epmano inanggelegma welahep-o. Eke hit ariroho inanggelegma wilil, wene iniluk amon etno yig isaruk hisalug, soholoal boholma werehon oke yangguk atuk etno hag, hit epmano eral fisaho neken inanggelegma welamuk-o. Ariroho wereg hisalug, At Kristus waruhu etno sambit an nahien hahuk-o;

Kolose 1:22

Hinebe At udaki atikipseg fam, hinindi dahon sohorep isalug, hinobabut motoho hinombisaharuk atisireg, at olohotma hinombisaharisi-o.

Kolose 2:2

Allah wene etno hiniluk wilil, hinindi demat ulug ebetuk amuhupseg, hit hinoag weregsoho welamuhuben ulug hit hinake yabuk suruk ahi-o. Eke ari halug, At Kristus bilin heraho neken welapahon etno ebe iniluk atlug,

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

1 Tesalonika 3:12

Eke niren hinobam ninindi hunduhuk welahe etno hag, hinomini hinim hunduhuk welamon etno inim, eke it aphe obog hinim hunduhuk welamon etno inim, At Ninowe etnowen anggolo og hisawag ulug sembahyang uruk ahe-o. Ariroho og hisahu halug, hinindi oag werehep hisahaku-o. Eke ariroho og hisaruk aruhumu, hinobabut fano mondog welamuhup-o. Ariroho wereg hisalug, At Ninowe udaki epmano obog inim waharuk amuhupmu, At Ninikni Allah il fam hit hinindi fano mondog welamuhup-o.

1 Tesalonika 4:7

Eke At Allahen yi dag di dag suruk amag ulug wol hinaptisi fug-o. Aren hinobabut fanoroho suruk amag ulug wol hinaptisi-o.

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

2 Timotius 2:19

Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

1 Petrus 1:20

At Kristus etno hit hinake-at oag deloko umburuk apareg, fobik kweanma belabik wapag.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

1 Yohanes 4:16

Eke nit hag, At Allah nit indimu hunduhuk wereg etno niniluk atisimu, ninahla buruk ahe-o. At Allah it aphe indimu hunduhuk wereg-o. Weregma, omini inim hunduhuk werehon halug, Allah inindimu wilil, inim wereg-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.