Efesus 1:3 - Allah Wene Hurumbik Keron

³ Eke At Allah Ninowe Yesus Kristus Ikni etno wa ulug yig imuk-o. Eke nit At Kristus ninim wereg nisalug, At Allah ahien ninobam umburuk wilil, yi angge di angge boholmon epmano obog-at og nisaruk-o.

Efesus 1:3 ပူးပေါင်းရင်းမြစ်များ

Lukas 2:28

at Simeon etnowen Udag ebe ahoma wal kiko waruk apareg, Allah inuk suontepfuruk wilil,

Yohanes 14:20

Ariroho hiniluk wilil, An Nikni ninim ninebe misig-at welahe etno hag, hit An ninim ninebe misig-at welaheon epmano o ari sambit hiniluk amuhup-o.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Roma 12:5

Eke ari hag, nit Allah udaki epmano ninebe anggolo welahe oke, At Kristus ninim wilil, nit At ebe misig-at neken welahe-o. Ariroho weregma, nit ninakeleg sik At inggik iog sele neken welaheon epmano ebe etno fam dambuksoho ninombisaharuk-o.

Roma 15:6

Eke ari fam, hit obog hinebe dambuksoho hinune misig-at uruk wilil, At Allah Ninowe Yesus Kristus Ikni etno inuk-at suontepfuruk amag ulug yig hisihi-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 12:12

Ap inebe epmano misig-at oke, ininggik iniog wereg-o. Eke ap inebe ininggik iniog sele anggolo wereg oke, inebe misig-at wereg etno ilitoho, At Kristus ariroho misig-at wereg-o.

2 Korintus 1:3

At Allah Ninowe Yesus Kristus Ikni etnowen nit ninabua nisaruk wilil, yalmag ninaptukon etno wa ulug yig imuk-o.

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

2 Korintus 5:17

Eke ari halug, ap misig At Kristus inim werehon ari ket wal sehon neken wereg-o, eke amukon etno arat eleg atisireg, ket wal sehon etno-at wereg-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 3:9

Eke At ahien Abraham obam embebag etno hag, it yi aphe di aphe obohen At Allah obam ebetuk isalug, ahien inobam umburuk-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

Efesus 1:17

Eke Aren selegmaroho bukaloko yig hisarukon etno hit hinilanggen fenggeneg neken wilil, fanoroho ebebukag ulug sembahyang uruk ahi-o.

Efesus 1:20

At Kristus etno it aphe warehon wereg ambeg epmanowen At Allah oag werehon etnowen iluksoho minduhupfuruk apareg, o boholma At inggik bikit fil horieg welamag ulug walug lahabag-o.

Efesus 2:6

Eke nit At Kristus Yesus ninim dambuksoho ninombisaharuk atisireg, nit At Kristus ninim boholmen suon welamag ulug minduhup nisaharisi-o.

Efesus 3:10

Eke At Allah yi angge di angge obog wal hebahon etno bilin wene du heraho welamag ulug dugsoho embebahon oke, eke kidia At awene warukon epmanowen it malaikat inim, eke it inowesi boholmon inim, At Allah yiroho diroho suruk ilukon etnowen ahla buruk atlug, duroho suruk-o, ulug iren iniluk amag ulug yig isaruk-o.

Efesus 6:12

Eke nit wim aptuk ahe etno aphe ninim aptuk ahe fug-o. Eke at setan etno inim, eke at omini inoag werehon boholmon epmano inim, eke it inowesi dahon o hikmu werehon epmano inim, it obog-at ninim wim aptuk ahe-o.

Filipi 2:11

Kunuk uruk amuhupseg, it yi aphe di aphe obohen At Ninikni Allah inuk su amag ulug uruk wilil, “Nit Ninowe At Yesus Kristus-at wereg-o,” ulug selegma-at uruk amuhup-o.

Ibrani 8:5

Eke it ap kweanmon Allah unde epmanowen suruk ari, boholmen suruk heheg, ahut neken-at suruk-o. Ariroho suruk ari, bilin at Musaen sebag etno hag suruk-o. Eke at Musaen sebag etno, o Allah ibam etno faliog ulug suruk heheg, At Allahen yig ituk wilil, “Hat o duroho faliuk ulug bilin o dom fam epmanowen yig hitikikon etno ilitoho-at faliuk-o,” ulug yig epag.

Ibrani 9:23

Eke yi angge di angge boholmon ilitoho ulug kweanma ahut haloko embebahon epmano wam amep etno fam ho sebahon oke, yi angge di angge boholmon epmano Allah ake fanowon misig embebahon etnowen ho inapag-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.