3 Yohanes 1:5 - Allah Wene Hurumbik Keron

⁵ Nomin-o, it Allah udaki epmano hambeg waharukmu, yalmako og inaptuk atikin ari fano-at suruk atikin-o. It ap huso-at ma, yalmag isaruk atikin-o.

3 Yohanes 1:5 ပူးပေါင်းရင်းမြစ်များ

Matius 24:45

At Yesusen yig isaruk wilil, “Anggimbu indi enggaron ilukon etno sa-o? Ari, at o unde etnowen anggimbu fanowon etno heako umbulug, it anggimbu nin epmano inowe neken wilil, inaso welaheg, eke osi epmano inaharom nintul nantul og iseheg suruk amag ulug minduhupfuruk-o.

Matius 25:16

Laruk apagma, at anggimbu misig uang anggen lima ribu og epahon etnowen onggo nintul nantul hundutuk wilil, uang anggen nin obam seberoho lima ribu-at ombatebag-o.

Lukas 12:42

At Ninowe etnowen yig ituk wilil, “At anggimbu indi enggaron ilukon etno sa-o? Ari, at o unde etnowen anggimbu fanowon etno o aso welamag ulug heako umbulug, yabuk fanoroho suruk amag ulug yig iseheg, eke anggimbu nin epmano inaharom nintul nantul og iseheg suruk amag ulug minduhupfuruk-o.

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Roma 12:13

Eke it hinomini nin Allah udakion epmano inaharek eleg halug, yi angge di angge fikfag og isaruk amuk-o. Eke ap huso yatmen waharuk isalug fanoroho-at ninim nohulen ulug yig isimuk-o.

Galatia 6:10

Eke ari halug, ninebe niniluk wilil, it aphe werlekon hag fanowon etno inobam imbiseheg suruk am oke, it ninomini ninim Allah wene waruk aheon epmano mondog-at fanowon etno inobam imbisaruk amuk-o.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.

Ibrani 13:2

Eke it ap huso hinibam waharuk isalug, hinim fanoroho welamon etno hinapeleg am fug-o. Eke it ap nin bilin welapahon epmanowen ap huso ninambeg waheson du malaikat ulug inapeleg oke, inim fano welapag-o.

3 Yohanes 1:10

Fobik an hit hinambeg waruhukseg, aren sirision obog bukaloko yig hisahuk-o. At une dahon urukon etno inim, enggal-at nobam denggeltukon etno inim, obog-at bukaloko yig hisahuk-o. Nin sirision etno du wereg-o. It ninomini hinambeg waharukmu, ninim nohulen ulug yig isaruk eleg-o. Eke it ninen ninim nohulen ulug urukon etno sohorep isiek-o ulug it Allah udaki wereg ambehen selema wilip isiog ulug suruk-o.

3 Yohanes 1:3

It ninomini epmano waharusareg, at duroho wereg ulug yig nitusa-o. At Allah inuk waruk wilil haren suruk ahenon etno yig nitusa-o. Yig nituk atusama, nahien harikik-o.