3 Yohanes 1:4 - Allah Wene Hurumbik Keron

⁴ Ari hit nudaki Allah inuk waruk wilil fano surukmu nesanggo holtuk atikikseg, nahien harikik-o.

3 Yohanes 1:4 ပူးပေါင်းရင်းမြစ်များ

2 Korintus 6:13

Ari halug, hit hinebe an nudaki neken weregma yig hisamin-o. Eke nit hit hinawene yig nisawon etno ninindi ebebuog ulug ninindi sok husig neken welahe etno hag, hit ariroho-at hinindi sok husig neken welamuk-o.

Galatia 2:14

Eke it obog inonggalem motoho laruk eleg wilil, wene fano wene etno dahapfurukmu isaruk atikikseg, at Petrus etno it obog inil fam yig ituk wilil, “Hat Petrus hebe Yahudi ap-at oke, it Yahudi aben suruk etno hag suruk am sohorep isalug, it Allah wene inapelehonen suruk etno hag suruk ahen du, hat keroho ulug it bilin Allah wene inapeleg welatuson epmano it Yahudi aben suruk etno hag sukag ulug uruk ahen-o,” ulug esanggo watikik-o.

Galatia 4:19

Ari halug, nudaki nindi hunduhukon wai. Eke hwe misig udag ahumlareg welatlug, udag ebe endetuk etno hag, At Kristus hit hinindimu welamag ulug, anden endag hinabiog ulug suruk ahi-o.

1 Tesalonika 2:11

Eke iniknisien inudaki fanoroho yig isaruk etno hag, yig hisaruk atukukon etno hit hiniluk-o.

1 Timotius 1:2

At Ninikni Allah inim, eke At Ninowe Yesus inimen inahien hobam embeheg, eke habua heyeheg suruk wilil, hinim welamag ulug yig hirihi-o.

2 Timotius 1:2

At Kristus Yesus ninim wilil niniluk welamon etno og hisahuk ulug hurumbik yig nisebahon wene etno-at yig isil nuruk ahi-o. Eke ari halug, At Ninikni Allah inim eke At Ninowe Kristus Yesus inim epmanowen inahien hobam embeheg, eke habua heyeheg suruk wilil, hinim welamag ulug yig hirihi-o.

Filemon 1:10

Eke at Onesimus etno an hele wareg wilil Allah wene yig itikikseg, namloho neken endag sarikikon etno farim yig hituk ahi-o.

1 Yohanes 2:1

Eke dag surukon etno sohorep isaruk amuhuben ulug, holal du bal hisihi-o, nudaki. Eke at misihen dag suruk halug, At Yesus Kristus Ikni Allah olohotma ninake urukon wereg-o.

2 Yohanes 1:4

Nahaloho-o, hat hudaki nin Allah wene warusa-o, ulug nesanggo holtikikseg, nahien harikik-o. At Allahen an nawene wimiek ulug yig nisebag etno fam, an nahien harikik-o.