2 Yohanes 1:5 - Allah Wene Hurumbik Keron

⁵ Ari halug nahaloho-o, nit ninindi misig-at welam ari fano-o. Wene du akelehon yig hituk ahi fug-o, amuk ebahon etno-at yig hituk ahi-o.

2 Yohanes 1:5 ပူးပေါင်းရင်းမြစ်များ

1 Yohanes 3:11

Eke ninomini at misihen nindi eheg, at misihen nindi eheg nit sukag ulug, wene etno amuken yig nisebag-o.

1 Tesalonika 4:9

Eke anden hinomini hinim fanoroho hinindi hunduhuk welamuk ulug yig hisao ari hai-o. At Allahen hit hinomini hinim fanoroho hinindi hunduhuk welamuk ulug yanggul hisarisi-o.

Yohanes 15:12

Eke Anden yig hisihi ari, alem suon neken misig du yig hisamin-o. Anden hit nindi hunduhuk welahi etno hag, hit hit ariroho-at hinindi hunduhuk welamuk-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

1 Yohanes 4:20

Eke at misihen Allah nindi-o ulug urukon oke, omini amberak hun inaptuk halug, at ap ari enggal urukon-at wereg-o. Ap etno omini ilanggen isarision amberak hun inaptuk ari, at etnowen Allah ebe ilanggen haruk eleg wilil, keroho indi hunduhuk welaruhu-o?

1 Petrus 4:8

Eke misig du alem suon neken yig hisaruk ahi-o. Ari hit hinomini hinim fikfag hinindi hunduhuk welamuk-o. Hinomini hinim hunduhuk wilil, iren dahan fahan suruk isalug, seberoho imbisahup-o.

2 Petrus 1:7

ninindi fanowon etno holahukseg, fobik ninomini ninindi hunduhuk welamon etno holahuk-o, ninomini ninindi hunduhuk welamon etno holahukseg, fobik yi aphe di aphe ninindi hunduhuk welamon etno holahuk-o.

Ibrani 13:1

Eke hit At Kristus hinim hinindi hunduhuk wilil, it hinomini hinim ariroho-at hinindi hunduhuk welamuk-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Yohanes 15:17

Eke An ariroho yig hisihi ari, hit hit hinindi hunduhuk welamag ulug yig hisihi-o,” ulug yig isebag.

2 Yohanes 1:1

Nahaloho-o, an ap Allah wene yig isarukon etnowen holal du baltuk ahi-o. An it Allah wene urukon epmano ninim wilil, hat inim, hat hudaki inim, hit obog nit ninindi hunduhuk welahe-o.