2 Yohanes 1:11 - Allah Wene Hurumbik Keron

¹¹ Hinune fanoroho yig isahup halug, hit at ap etnowen dag surukon-at suruk amuhup-o.

2 Yohanes 1:11 ပူးပေါင်းရင်းမြစ်များ

Efesus 5:11

Eke it aphe o hikmu wilil, yi angge di angge ebe elehon surukon etno hinim welam fug-o. Eke it o hikmuen surukon epmano o seleg etno fam inaren balepfuruk amuhukseg, dag sehep ulug yig isaruk amuk-o.

1 Timotius 5:22

Eke at ap misig Allah yabuk suruk amag ulug ungguluag hinggik senoko dulum-at minduhupfuk fug-o. Eke at ap misig dag suruk halug, haren hinim ilitoho suk fug-o; hat hobabut akeleg-at wilil, fanoroho welamin-o.

Ibrani 5:13

Eke it ag ambusu narukon ari, udag doron neken-at wereg-o. Eke it udag doron ari, inindi eleg wilil, du fano du dag ulug inapeleg-at wereg-o.

Yudas 1:23

It nin inabua suhupseg, hinahmu isahup-o. Eke it dag surukon epmano halug, inasum-at amben wereg-o, ulug hik isa lahup-o.

Wahyu 18:4

Ariroho uruk atisimu, eke fobik boholmen une suon uruk wilil, “Nudaki-o, hit o epmen wilik maniek-o. At hwe duen dag surukon etno hit ilitoho sirikip fug halug, at obam dahon etno umburukon hinobam umbuk nowen-o.