2 Timotius 4:8 - Allah Wene Hurumbik Keron

⁸ Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

2 Timotius 4:8 ပူးပေါင်းရင်းမြစ်များ

Matius 24:36

Yig isaruk apareg, eke fobik yig isaruk wilil, “Eke ebe suhu etno maram suhu-o? Ari nit ninapeleg-o. Ilikia suhu ano, hupmu suhu ano ulug nit ninapeleg-o. Eke it malaikat epmano inapeleg at-o. Eke An Allahen minduhup naharision etno napeleg at-o. Eke At Ninikni akeleg-at iluk-o.

Matius 7:22

Eke fobik o ari sambit it aphe anggolo epmanowen yig nituk wilil, ‘Ninowe-o, Hat hinuk fam wene yig isaruk soag etno Hat hapeleg ano? Eke Hat hinuk fam yi angge di angge obog-at sukfuganggeroho suruk soag epmano Hat hapeleg ano?’ ulug yig nimuhup-o.

Lukas 10:12

Eke At Allahen bilin o Sodom etno dorat war inapahon oke, eke it aphe nin inambit hun hinaptukon epmano inaren baltuk atlug inabua heheg eleg mondog-at war inabuhu-o,” ulug yig isaruk apareg, lahap isebag.

Roma 2:5

Eke At Allah asineyen demat ninaren balepfulug onggo baloko selegma ninombisahaku etno sambit o dagma hombahakuon oke, hat hahlahiroho welahen ari fam mondog dagma-at hombahaku-o.

Roma 8:23

Ariroho suruk ari, it yi angge di angge wal hebahon epmano inakelehen-at hinel watuk eleg-o. Eke nit bilin alem neken At Roh Kudusen og nisarision etno fobik og nisawon etno aso wilil, At Allahen At udaki mondog welamag ulug ninombisahukon etno inim, eke ninebe fanoroho suontep nisahukon etno inim aso wilil, hinel watuk ahe-o.

1 Korintus 2:9

Eke wene misig du Alkitab fam weregma yig nisaruk wilil, “It aben inilanggen haruk apag fuhon etno inim eke inesanggo holtuk apag fuhon etno inim eke inindi ebetuk apag fuhon etno inim, At Allahen nit aphe At obam hinindi hunduhuk welaheon etno og nisiog ulug dugsoho ninombisahabag-o.”

1 Korintus 3:13

ulug inakeleg inakeleg surukon epmano fobik At Yesus waruhu etno fam o ari keroho faltusa ulug obog selegma aruhu-o. Selegma atuk aruhumu eke o ari sambit alem selegma aruhu-o. Ariroho selegma aruhu ari yabuk alem keroho surusa ulug hondok fam selegma aruhu-o.

1 Korintus 9:25

Eke it obog inambik homagmag aptukon ari inoag wereg amag ulug fikfag suruk wilil, inunggulasum filik atukon epmano huluog ulug suruk oke, eke nit hag filik atuk elehon epmano huluog ulug suruk ahe-o.

2 Korintus 5:2

Eke ninibam o boholmen og nisawon epmano ninindien suruk ahe-o.

Filipi 3:11

eke At ebe warapag etno hag, nindi dahon waramon etno inim, huliog ulug nahla buruk ahi-o. Ariroho nahla buruk wilil, eke niluk atlug nindi fanowon minamon etno inim huliog ulug nahla buruk ahi-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

1 Tesalonika 1:10

eke At Amloho Yesus aphe waratuk ambeg epmanowen iluksoho minduhupfuruk apagma, At Allah asineyen yig nisarukmu, dil ninapahon etno boholmen waharukim aso welahebon etno inim, it aphe obog iniluk wilil yig nisaruk-o.

1 Tesalonika 5:4

Eke ariroho suhu oke, eke hit o hikmu neken welahep fug-o nomini. Eke at ap o aso werehon etno it inalomnangge herahuog ulug kurukim ilanggen yaharoho wereg etno hag, hit yuhun-at weregma, at etno sambit waruhu halug, hinahut lahu fug-o.

2 Tesalonika 2:8

Eke at ap dahon etno arat waharuk aruhumu, At Ninowe suon Yesus etno oag weregsoho waharuk aruhureg, At ele ahahe oag werehon etno fam ap dahon etno warepfuhu-o.

1 Timotius 6:19

It ariroho fano mondog suruk isalug, iniluk welamon etno holawag ulug kidia o andorli neken umburuk-o. O andorli ari iren fano surukon etno fam fobik iniluk welamon etno holahup-o.

2 Timotius 1:10

eke kidia At Yesus Kristus ninili warukon etnowen At Allahen hinabua hisaruk-o, ulug dindiloko yig nisarisi-o. Ariroho wene fano wene etno yig nisaruk wilil, hiniluk welamon wene etno yig hisaruk ahi-o, ulug yig nisarisireg fam, waratukon alem etno elegsoho imbirisi-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 1:18

Nebe bik nea waharisireg fam, At Yesus waruhu etno sambit At Allahen abua hawag ulug sembahyang uruk ahi-o. Eke at bilin an o Efesus wereg neyeheg yalmag naptisi etno hat hiluk-o.

2 Timotius 2:5

Eke ap misihen onggo huliog ulug buahen larukon etno hag, it ninen ariroho buahen laruk amuk ulug wene holal embebahon etno ilitoho suruk eleg halug, onggo etno holahu fug-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 12:11

Ariroho ninesanggo war ninaptuk halug niren ninahla buruk wilil, ariroho war ninaptuk ari, ninindi fano amag ulug-at war ninaptuk eleg-o. Eke ninindi dag amag ulug-at war ninaptuk-o, ulug ninahla buruk aheon oke, ninesanggo war ninaptuk etno fam fobik At apma seberoho wilil, fanoroho ninesanggo holtuk nisalug, Aren onggo fanowon ari, ninobabut motoho wilil, ninindi fanoroho welamon etno-at og nisahu-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

1 Petrus 1:4

Nit ninebe ketoho ninombisahiog ulug weregma, fobik fanowon etno At udaki og nisahu ulug ninindi ebetuk ahe-o. Og nisahuon etno dag atlug, eleg am nowen ulug, o boholma dugsoho umburuk-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.

Wahyu 19:11

Eke fobik boholma sok husig weregma nilanggen lahap haruk atikik­mu, wam kuda huluon misig waharisi-o. Waharukmu, wam etno amboloag fam ap misig waharisi-o. At ap waharision etno inuk Demat urukon soaleg welatisi-o. Inuk Demat soalehon etnowen aphe fano­roho-at inoag deloko imbisaruk wilil, yuhun-at o dagma imbisa­ruk atisi fug-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.

Wahyu 22:20

Eke At yi wene di wene obog yangguloko yig nisarukon etnowen “An dulum-at waruhuk,” ulug yig nisaruk-o. Ariroho yig nisaruk halug, niren, “Demat, dulum manu-o, Ninowe Yesus,” ulug uruk ahe-o.

Wahyu 4:10

it penatua inebe dua puluh empat epmanowen At horie uruk ambeg werehon etno olohotma inolohore wanduksoho ying atuk wilil, At itog mondog wereg etno inuk suontepfurusa-o. Suontepfuruk wilil, it inunggulasum etno At horie uruk ambeg etano olohot fil koroko umburusa-o.

Wahyu 4:4

Mase surukmu, eke At horie uruk ambeg etno horogsoho it penatua epmano inasum huluon yiko inunggulasum emas fam sehon epmano wanteg wilil, inebe dua puluh empat it horie urukon epmano fam dahagsoho horieg weregma isarikik-o.