2 Timotius 4:4 - Allah Wene Hurumbik Keron

⁴ Ariroho suruk amuhup ari fam wene demat urukon etno inesanggo holuk sohorep isalug, we inenggal dindilabug urukon etno-at inesanggo holtuk amuhup-o.

2 Timotius 4:4 ပူးပေါင်းရင်းမြစ်များ

Matius 13:15

Hinahla buruk ahebon etno hai neken-at buruk ahep-o. Eke ariroho buruk wilil, hinesanggo dohurepataruk ahep-o. Eke hinilanggen inim-at buhepataruk ahep-o. Eke At Allahen yig hisaruk wilil, hit hinebe fano-at welatlepmen, hinilanggen fano helep-o. Eke hinesanggo inim fano holtep-o. Eke hinahla inim fanoroho buruk atlep-o. Ariroho suruk wilil, An nawene etno waruk atlep-o. Warukmu, eke Anden fano hinaple-o,’ ulug at Yesaya etnowen yig isebag-o.

Kisah Para Rasul 7:57

Yig isaruk apagma, it epmanowen holehe ha nowen ulug inasengseng anggolo suruk wilil, inesanggo latuk apareg, it obohen dulum-at ininggik senepag.

2 Tesalonika 2:11

Eke it epmanowen enggal wene etno demat inahla bukag ulug yamintal surukon oag werehon etno At Allahen inobam imbisaruk-o.

1 Timotius 1:4

Eke iren dindilabug eheg, eke ninetamu inuk ulug yi angge di angge inuk yig iseheg suruk wilil, wene anggolo uruk isalug, At Allahen hurumbik yig nisebahon etno ilitoho suruk eleg-o.

1 Timotius 4:7

Ariroho wilil, urunanggeroho urukon etno inim, eke dindilabug urukon etno inim sohorep isin-o. Sohorep isalug fano wene etno ilitoho suruk ariog ulug yanggul saruk amin-o.

1 Timotius 6:20

Timotius wai, yi wene di wene hat unde welamag ulug yig hitikikon epmano fanoroho hat seneg welaruhun-o. Eke it aben inune suon uruk wilil, inenggal urukon etno inim, eke it Allah wene inapeleg wilil nit wene keron etno niniluk at-o, ulug yamintal neken urukon etno inim, obog-at sohorep isin-o.

2 Timotius 1:15

Eke it obog o Asia werehon epmano inim, eke it Figelus, Hermogenes etno inimen sohorep naharusa etno hat hiluk-o.

Titus 1:14

Eke it Yahudi aben suit dindilabug urukon etno inim, eke it ap wene demat urukon etno inambit haruk wilil, inongga­rehen ariroho siek ulug yig isarukon etno inim, obog-at sohorep isawag ulug yig isahun-o.

Ibrani 13:25

Ariroho yig hisihi ari, At Allah etno hit obog-at hinabua hisaruk amag ulug yig hisihi-o.

2 Petrus 1:16

Ari halug nomini-o, At Ninowe Yesus Kristus oag werehon waruhu ulug, yig hisaruk ahi etno yi wene di wene inenggal urukon epmano mutlug lawag ulug yig hisaruk ahi fug-o. Nit ninilanggen At Yesus sukfuganggeroho surukmu harukuk-o.