2 Timotius 4:3 - Allah Wene Hurumbik Keron

³ Eke fobik it aphe ninen wene demat ulug yanggul isawon etno sohorep isalug, inindien-at suruk wilil, ap misihen yanggul niseheg, at misihen yanggul niseheg yig nisarukmu, ninesanggo holtulen yig nisawag-o, ulug uruk amuhupmu, it dindilabug inesanggo holuk inindion etno-at yig isaruk amuhup-o.

2 Timotius 4:3 ပူးပေါင်းရင်းမြစ်များ

Lukas 20:19

Yig isaruk apagma, eke it wene unde epmano inim, it Allah unde epmano inimen wene ilitoho neken yig nisehek du nit farim-at yig nisehek-o, ulug inahla buruk apareg, ebe o epma-at hele wabulen ulug sebareg oke, aphe anggolo atuk apagma, inakolen bok apag.

Lukas 6:26

Eke it aphe inuneyen fanowon yig hisaruk isalug, hinabua-o. It amuk nabi ap inenggal ebahon etno ariroho-at inuneyen hit fanowon yig isebag-o,” ulug At Yesusen yig isebag.

Yohanes 8:45

Ariroho wereg oke, eke Anden wene demat urukon etno yig hisaruk nealug, hiren nobam ebetuk ahep fug-o.

Kisah Para Rasul 17:21

it Atenaon inim, it huso neken epma werehon inim yi angge di angge seheg eleg wilil wene keron misig heahuog ulug nintul nantul bok welatusareg, ariroho yig itusa.

1 Korintus 2:1

Eke an nebe bilin hinambeg waharikikseg, At Allahen sebahon wene etno-at dindiloko yig hisa waharikik-o, nomini. Eke it ap ninindi wereg ulug inahla burukon epmanowen inune yaron, fanowon neken uruk etno hag an yig hisa waharikik eleg-o.

1 Korintus 2:4

Eke ariroho wilil, it aphe ninindi wereg ulug inahla burukonen inune enggatoho uruk etno hag wene yig hisarikik fug-o. An Roh Kudus oag werehon etno fam hurumbik dindiloko yig hisiog ulug sirikik-o.

Galatia 4:16

Eke an wene demat urukon etno yig hisarikik etno fam hit ninim healeg neken welatukuk buruk ahep ano?

1 Timotius 1:10

eke it wanggik surukon etno inim, eke it aphe herag inaptukon etno inim, eke it inenggal urukon etno inim, eke it wene fano wene seberoho umburukon etno inim, it obog dag surukon sohorep isalug fano mondog suruk amag ulug wene duroho suruk amuk eke duroho suruk am fug ulug ebahon etno yig isaruk-o.

2 Timotius 1:13

Eke wene demat ulug yanggul hitikikon etno ilitoho suruk ariog ulug seneg welaruhun-o. Ariroho At Yesus Kristus hinim wilil, wene du demat ulug eberoko weheg, eke At Yesus inim, it aphe inim hindi hunduhuk welaheg suruk aruhun-o.

Yudas 1:18

It etnowen wene hurumbik etno uruk wilil, “Fobik hit hinahunda yabuhubon etno waharuk amuhupseg, it inindi dahonen surukon etno-at sil wamuhup-o,” ulug wene hurumbik ebahon etno hit hiniluk-o.