2 Timotius 4:2 - Allah Wene Hurumbik Keron

² kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

2 Timotius 4:2 ပူးပေါင်းရင်းမြစ်များ

Lukas 7:23

Eke at misig An nobam demat ulug ebetuk halug, fobik at etno ili wahu-o,” ulug yig isebag.

Lukas 7:4

Lahap isaruk apagma, At Yesus ambeg waharuk apareg, inune inabuaregsoho yig ituk wilil, “Yesus wai. Nit ap hayonggo lahap nisa wahaon etno bik ha lamihin-o.

Lukas 9:60

At Yesusen yig ituk wilil, “It waratukonen it warehon epmano kweanma salep isaruk amag ulug sohorep isin-o eke hat hag, At Allah weregmen sukon etno yig isil alu-o,” ulug yig epag.

Kisah Para Rasul 13:5

Kuruk apareg, eke fobik o Salamis etno wapag. Waharuk apareg, it Yahudi ap wereg ambeg epmano at Yohanes Markus etno inim Allah wene yig isebag.

Kisah Para Rasul 16:13

Waharukukseg, nininggik dorat ninim wilil o sembahyang fam o sili etno sohorep isalug, it Yahudi ap ninim sembahyang uog ulug, o ik ayegma epmano amburukuk. Amburuk atukukseg, horie ulug weregma it hweap epma wonggaltuk atusama, ninim wene urukuk.

Kisah Para Rasul 20:7

Eke fobik o sono hari Minggu ulug it ninomini ninim hari Sabtu fam hupmu orom nawon kubuog ulug wonggaltuk atukukseg, at Paulusen it aphe yig isaruk wilil, at ebe o sono liog ulug suruk atisireg fam, hubanggo homanoho ilimbul yig nisarisi.

Kisah Para Rasul 28:16

Eke fobik o Roma kota suon etno waharuk atukukseg wilil, at Paulus ap sehen senehon misihen aso welamag ulug ibam akelegma imbik larusa.

Roma 10:15

Eke it wene yig isil nuruk amag ulug mondep isaruk eleg halug, wene etno keroho yig isil nuruk amuhup-o? Eke ari halug, Alkitab etnowen yig nisaruk wilil, “It wene fano wene yig isil wamon etno inahientoho wereg-o,” ulug yig nisaruk-o.

Roma 12:12

Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.

Galatia 6:6

Eke ap misig at ap misihen Allah wene yanggul itukon halug, at aharek yi angge di angge epmano ap yanggul itukon etno og ituk amag-o.

Kolose 1:25

Ari At Allahen an neyabuk og nepareg fam, Allah wene uruk amon etno sumbut hisaruk ahi-o.

Kolose 4:3

Hit ariroho sembahyang uruk wilil, At Paulusen it aphe Allah wene fanoroho yig isaruk amag ulug hinindi ebetuk wilil, nake sembahyang uruk amiek-o.

1 Tesalonika 1:6

Ariroho welatukukseg fam, hinilanggen nisaruk atikipseg, nit ilitoho seheg, eke At Allahen urukon etno ebereheg, suruk atikip-o. Eke ariroho suruk hiseheg, dahon anggolo hinobam umburuson oke, eke At Roh Kudus etnowen og hisarukmu, hinahientoho wilil, wene etno eberoko warikip-o.

1 Tesalonika 5:14

Eke it yabuk seheg eleg yuhun-at sil nurukon epmano inesanggo wareheg, eke it ap inindi angginon epmano inahlahairep iseheg, eke it inindi oag elehon epmano inindi oag werehep iseheg, eke it obog hinune fanowon-at yig iseheg suruk amag ulug yig hisihi-o.

1 Tesalonika 5:20

Eke it aben Allah wene yig hisamin ulug demat uruk halug, ninambit uk fug-o.

1 Timotius 4:13

Eke an wamon etno naso wilil, nintul nantul Allah wene etno wane seheg, eke inesanggo wareheg, eke wene etno yanggul iseheg suruk amin-o.

1 Timotius 5:20

Eke it aphe dag surukon halug, it aphe nin inakol amagsoho selegma-at inesanggo watuk amin-o.

2 Timotius 2:21

Eke ari ilitoho ap misihen wene inenggal urukon etno sohorep isaruk halug, sohorluk fanowon anduhunmu wereg etno ilitoho welaruhu-o. Ariroho weregma, At Ninowe etnowen yig isaruk wilil, “Hat hebe fanowon ari yabuk fanowon du suhun-o,” ulug yig iruhu-o.

2 Timotius 2:25

Eke it hag inindi wereg atlug ioba yatuk wilil, wene demat urukon etno iniluk atuk amuhupseg,

2 Timotius 3:10

Eke hat hag, wene yanggul isaruk ahion etno inim, eke an sil nuruk ahion etno inim, eke ariroho suhuk ulug nahla buruk ahion etno inim, eke Allah wene demat ulug nahla ebetuk ahion etno inim, eke aphe winimug yig isaruk ahi fuhon etno inim, eke aphe ninim ninindi hunduhuk welaheon etno inim, eke dahon etno nobam umburukmu nahla bugsoho welahion etno inim, obog-at hiluk welahen-o.

Titus 1:13

Eke it inebe ariroho wereg isalug, haren hune oag weregsoho winimug yig isahun-o. Ariroho yig isahun ari Allah wene demat ulug inindi ebebukag ulug yig isahun-o.

Titus 2:15

Wene du yig isaruk wilil, it aphe hune inesanggo holtukon epmano inaso welaheg, eke inesanggo wareheg suruk amin-o. Ariroho suruk healug, eke ap misihen hat seberep hahaku fug-o.

Ibrani 13:22

Nomini-o, hit hinindi oag wereg amag ulug an wene yig hisihion du hinindi seberoho wilil, hinesanggo fanoroho holtuk amag ulug yig hisihi-o. Eke an holal ari ebe yaron neken bal hisihi fug-o.

Wahyu 3:19

Eke it aphe obog nindi hunduhukon epmano inonggalem mot amag ulug winimug yig iseheg, inesanggo wareheg suruk ahi-o. Ari halug, hinobabut fano amag ulug hiren dag suruk ahebon epmano sohorep isiek-o.