2 Timotius 4:18 - Allah Wene Hurumbik Keron

¹⁸ Eke it apheyen dahon epmano nobam umburukmu At Allahen nili waruk aruhu-o. Nili waruk aruhureg, boholma At wereg ambeg epma nombahaku-o. Ari halug At inuk-at nintul nantul suontepfuruk amuk-o, ulug an demat yig hisaruk ahi-o.

2 Timotius 4:18 ပူးပေါင်းရင်းမြစ်များ

Matius 13:43

Epma imbisaruk amuhupmu, eke it Allah udaki etno inolohore mo neken yatuk wilil, Inikni wereg ambeg epma inim wilil initog mondog welamuhup-o. Eke hit hinesanggo wereg halug, wene ari fanoroho holtuk amiek-o,” ulug At Yesusen yig isebag.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Lukas 11:4

It onggo og nisawag ulug werehon epmano inobam inapelegsoho ninapma imbisaruk ahe etno hag, Haren nit dag suruk aheon epmano ninobam ninapelegsoho hapma ninombisahuk-o. Eke ninindi kahalik waharukim, iblis lisoko wilipfin-o,’ ulug ihi etno ilitoho hit sembahyang uruk amuhup-o,” ulug yig isebag.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Lukas 22:29

Eke fobik An Niknien it aphe obog Inowe suon welamag ulug minduhup nahaku etno hag, hit suon welamag ulug minduhup hisahakukmu,

Yohanes 17:15

Eke it inebe epmano o kweanma dumen fuloko og inaplug o misig imbisawag ulug yig hirihi fug-o. Ariroho yig hirihi ari, at setan dag surukon etnowen inindi kahalik wam nowen ulug-at yig hirihi-o.

Roma 11:36

Eke yi angge di angge epmano obog bilin At Allahen-at wal hebareg fam, kidia inebe werehep isaruk-o. Eke yi angge di angge epmano At inuk su amag ulug-at wereg-o. Ari halug, niren nintul nantul Allah inuk-at suontepfuruk amuk-o.

Roma 16:27

Eke At Allah akeleg-at yi angge di angge alem iluk werehon etno At Yesus Kristusen surukon epmano fam inuk nintul nantul suontepfuruk amuk ulug an demat yig hisaruk ahi-o.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Korintus 10:13

Eke hinindi kahalik wamon etno hag, it yi aphe di aphe obog-at inindi kahalik waharuk halug, hinindi oag eleg am nowen ulug, At Allahen bilin hurumbik yig hisebag etno ilitoho maha hinombisahaku-o. Eke at misihen hinindi kahalik waharuk halug, hinindi oag weregsoho welamuhuben ulug, At Allahen hinili wahu-o.

1 Korintus 15:50

Eke alem du farim yig hisihi-o, nomini, ninebe ninahap kweanmon etno At Allah wereg ambeg kulug Aren angge etno holao ari hai-o. Eke filik atukon epmanowen dag atuk elehon etno holao ari hai-o.

2 Korintus 1:10

Eke nit hag war ninabuog ulug surukmu, Aren ninili warisi etno hag ninili waruk-o. Eke Aren ninili wahu ulug obam ebetuk ahe-o.

Galatia 1:5

Eke ari halug, At Allah inuk nintul nantul suontepfuruk amag ulug demat yig hisaruk ahi-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

2 Tesalonika 3:3

Eke At Allahen ebahon etno ilitoho-at suhu-o. Eke Aren hit hinindi oag werehep hisaharuk wilil, at ap dag surukon hinapma seberepfuhu-o.

1 Timotius 1:17

Fano naptisireg fam, At Ninikni Allah suon itog mondog werehon, aphe inilanggen haruk elehon etno inuk-at suontepfuruk amuk-o, ulug an demat yig hirihi-o.

1 Timotius 6:16

Eke At akeleg waratuk elehon itog mondog wereg-o. Eke At etno o selegma-at weregma, horogsoho lao hai-o. Eke At ebe apheyen inilanggen haruk eleg-o. Eke At ebe oag werehon itog mondog welamon etno At inuk suontepfuruk amuk-o ulug an demat yig hirihi-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

Ibrani 11:16

Ariroho lelebon oke, it inibam boholmon fanowon etno-at heag suog ulug sebag-o. Ariroho heag suog ulug suruk apagma, At Allahen Hinikni an at-o, ulug yig isaruk wilil, ambit isebag fug-o. Aren it inibam suon etno-at fal inaptuk apag-o.

Ibrani 12:22

Eke hit hag dom Sinai alma epmano laruk atikip fuhon oke, dom Sion ari At Allah iluk mondog werehon etno ibam, o Yerusalem boholmon, it malaikat inebe anggolo beribu-ribu wereg ambeg epmano hag horogsoho waharikip-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.

1 Petrus 5:11

At oag werehon etno itog mondog-at welaruhu-o. Demat yig hisihi-o.

2 Petrus 1:11

Yi wene di wene yig hisihion epmano obog hiniluk weregma, an ninim nintul nantul dahagsoho yig hisaruk amuhuk-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.