2 Timotius 4:10 - Allah Wene Hurumbik Keron

¹⁰ Eke at Demas etno hag kweanmen surukon etno indi ebetuk atisireg, sohorep naharisi-o. Sohorep naharuk atisireg, o Tesalonika larisi-o. Eke at Kreskes o Galatia etno larisi-o. Eke at Titus o Dalmatia etno larisi-o.

2 Timotius 4:10 ပူးပေါင်းရင်းမြစ်များ

Matius 12:32

Eke it ninen wene dahon An Allahen minduhup naharision etno nobam umburuk isalug, At Allahen inobam inapelegsoho sohorep isalug, apma imbisahu oke, eke it ninen wene dahon At Roh Kudus obam umburuk isalug, At Allahen kidia inim, fobik inim inobam inape­legsoho apma imbisahu fug-o,” ulug yig isebag.

Matius 26:56

eke kidia sen naptuk ahep ari, amuk it nabi ap Allah wene hurumbik yig isaruk apahon etnowen Alkitab wene baleg fam duroho senebuhup ulug embebahon etno demat seg atisi ulug inahla bukag ulug ariroho-at sen naptuk ahep-o,” ulug yig isebag. Yig isaruk apagma, At omini obog-at sohorep isalug hite wilip apag.

Lukas 14:33

ulug At Yesusen yig isaruk apareg, eke fobik yig isaruk wilil, “Ari ilitoho, hiren angge obog sohorep isalug eleg An nomini welam hai-o,” ulug yig isebag.

Lukas 16:13

Ap misig-at heheg, eke ap biren inanggimbu welam ari hai-o. Ari halug, ikni misig ambit haruk wilil, at misig indi hunduhuk welaruhu-o. Eke ikni misig eyabuk fanoroho suruk wilil, at misig eyabuk ambit heheg suruk aruhu-o. Ari halug, ap misig Allah anggimbu wilil, an uang anggen nindi ulug uruk am ari hai-o,” ulug At Yesusen yig isebag.

Lukas 17:32

Ari halug, bilin at Lot uhwe warapahon etno fam hinindi ebetuk amiek-o.

Kisah Para Rasul 13:13

Eke fobik at Paulus omini inim o Pafos etno sohorep isalug, ik weregma so fam o Pamfilia, Perga etno lebag. Laruk apareg, eke at Yohanes Markus etnowen it epmano sohorep isalug, suhuluk o Yerusalem lebag.

Kisah Para Rasul 15:38

at Paulus etnowen, “Eleg-o, at iog suhuluk liog ulug o Pamfilia epmen sohorep nisahalug akeleg-at larision etno ninim lahuk fug-o,” ulug yig ituk apagma,

Kisah Para Rasul 16:6

Eke fobik it etano o Frigia Galatia inim yig isil nurukmu, At Roh Kudusen yig isaruk wilil, “Hit o Asia wene yig isa fug-o,” ulug yig isaruk apagma,

Kisah Para Rasul 17:1

Eke fobik o Amfipolis, o Apolonia inim ya keheg sil waharuk atusareg, o Tesalonika kurusa. O Tesalonika epma it Yahudi ap o Allah wene uruk ambeg weregma,

Kisah Para Rasul 17:11

Kurusareg, wene yig isaruk atusama, it Tesalonika aben wene inambit urusa etno hag surusa fug. It wene etno inesanggo fanoroho holtuk wilil, At Paulusen demat yig nisehek ano? ulug iniluk amag ulug Alkitab etno nintul nantul wane suruk atusa.

Kisah Para Rasul 17:13

Waruk atusama, at Paulus etno o Berea epma Allah wene yig isaruk atisimu, warusa-o, ulug it Yahudi ap o Tesalonika werehon epmano inesanggo holtuk atusareg, o Berea inim aphe obog inindi kahaltil waharusa.

Kisah Para Rasul 18:23

Laruk atisireg, o epma inggik anggolo welatisireg, sohorep isalug o Galatia inim, Frigia inim ya keheg suruk wilil, it aphe Allah wene warukon epmano inindi oag wereg amag ulug yig isil waharisi.

2 Korintus 2:13

Ariroho harikikon oke, at ninomin Titus etno o epma ebe eleg harikikseg, nindi seneni anggolo ebetikik-o. Ariroho ebetuk atikikseg, it aphe epmon obog heahi warep isalug, o Makedonia etno waharikik-o.

2 Korintus 7:6

Eke At Allah ap inindi oag eleg isalug oag werehep isarukon etnowen at Titus ninambeg lahapfik waharisimu, ninindi oag werehep nisaharisi-o.

2 Korintus 8:16

Eke at Titus etno hit hinindi yabuk sukag ulug At Allahen indi oag werehep firision etno fam wa ulug yig ituk ahe-o.

2 Korintus 8:23

Eke at nomin Titus etno hag, ninim hit hinindi yabuk suruk ahe-o. Eke it ninomini nin at Titus inim hinambeg waharukon ari, it aphe demat ulug ebetukon epmanowen mondep isarusareg fam, At Kristus inuk etno suontepfuruk-o.

2 Korintus 8:6

Eke ari halug, at Titus etno bilin yabuk duma sirisireg fam, atog fobik neken hit Allah udaki hinim hinindi hunduhuk wilil, Allah ake umburuk amon etno yig hisawag ulug yig itukuk-o.

Galatia 1:2

Eke an it ninomini duma ninim welaheon epmano ninimen hit Allah udaki o Galatia o ahik ya da welahebon epmano heahi war hinaptuk ahe-o.

Filipi 2:21

Eke it yi aphe di aphe epmanowen inonggareg ineyabuk sukon inahla burukon oke, At Yesus Kristus eyabuk sukon etno hag inahla buruk eleg-o.

1 Timotius 6:10

Eke yi dag di dag surukon epmano alem yi angge di angge inim, uang inim nindi nindi urukon etno-at wereg-o. Eke it ap ninen uang ari-at nindi-o, ulug uruk wilil, wene demat ulug urukon etno sohorep isalug, eke ap misig wataruk wilil, yahayen bal saruk etno hag, it aphe nindi nindi urukon etno eleg atuk halug, inindi dag atuk-o.

1 Timotius 6:17

Eke it inaharek kweanmon yi angge di angge anggolo werehon halug, inindi suontepataruk wilil ninaharek epmano fam fano welaruhuk-o ulug uk nowen ulug yig isimin-o. Eke nit ninahien hawag ulug At Allah yi angge di angge anggolo og nisarukon etnowen-at fano ninabuhu-o ulug uruk amagsoho yig isimin-o.

2 Timotius 1:15

Eke it obog o Asia werehon epmano inim, eke it Figelus, Hermogenes etno inimen sohorep naharusa etno hat hiluk-o.

2 Timotius 4:16

Eke an bilin nili huliog ulug minatlug wene yig isarikikon etno it obohen sohorep naharusa ari, At Allahen inobam inapelegsoho apma umbukag-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Filemon 1:24

Eke it nomini ninim yabuk suruk aheon epmano, at Markus inim, eke at Aristarkhus inim, eke at Demas inim, eke at Lukas inim, it obohen heahi war haptuk-o.

2 Petrus 2:15

It aphe dag surukon epmano kwalem fanowon inapeleg atlug, werlekke laruk-o. Laruk wilil, at Bileam Beor amloho onggalem etno-at laruk-o. At Bileam etno amuk uang og nemag ulug ahla buruk wilil, kwalem dahon etno larukmu, enggalirepfebag etno hit hiniluk-o.