2 Timotius 4:1 - Allah Wene Hurumbik Keron

¹ Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

2 Timotius 4:1 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Lukas 19:12

Buruk apareg weregma, At Yesusen yig isaruk wilil, “Ap suon misig o yatma epma inowe suon welamag ulug minduhup nahakupmu, suhuluk waruhuk-o, ulug ahla buruk apag-o.

Lukas 19:15

Uruk apagma, eke fobik ap etno inowe suon welamag ulug minduhupfebag-o. Minduhupfuruk apagma, at etno suhuluk wapag-o. Suhuluk waharuk apareg, at anggimbu uang anggen og isebahon epmano maren hundoko umburusareg og nimukon ulug ahla buruk apareg, hinog og inabiog ulug wol isebag-o.

Lukas 23:42

eke At Yesus etno yig ituk wilil, “Nowe Yesus wai, Hat Inowe suon neken waharuk aruhunteg, an nebe hapeleg atlug sohorep nahuk fug-o,” ulug yig epag.

Kisah Para Rasul 10:42

Narukukseg weregma, Aren wene fano wene etno aphe obog yig isa lahup ulug yig nisarisi-o. Eke An Yesus etno At Allahen fobik yi aphe di aphe inilukon inim, warehon inim, obog-at oag del inabukag ulug minduhup naharisireg fam, hit aphe obog yig isil alu-o, ulug yig nisarisi-o.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

2 Tesalonika 2:8

Eke at ap dahon etno arat waharuk aruhumu, At Ninowe suon Yesus etno oag weregsoho waharuk aruhureg, At ele ahahe oag werehon etno fam ap dahon etno warepfuhu-o.

1 Timotius 5:21

Eke At Allah Kristus Yesus inimen, it malaikat imig inapahon epmano inim, it obog inil fam nune oag weregsoho yig hituk ahi-o. Eke anden ariroho siuk ulug yig hirihion etno it hominien suruk isalug, yamintaltoho seberebuk fug-o. Eke yi angge di angge epmano hat homini-at og isaruk am fug-o.

2 Timotius 1:10

eke kidia At Yesus Kristus ninili warukon etnowen At Allahen hinabua hisaruk-o, ulug dindiloko yig nisarisi-o. Ariroho wene fano wene etno yig nisaruk wilil, hiniluk welamon wene etno yig hisaruk ahi-o, ulug yig nisarisireg fam, waratukon alem etno elegsoho imbirisi-o.

2 Timotius 2:14

An ariroho yig hirihion etno haren hudaki yig isaruk wilil, “Hit yi angge di angge farim winimug abuk fug-o,” ulug At Allah il fam yig isaruk amuk-o. Eke yuhun-at winimug aptukon etno fam aphe fano atuk eleg-o; yuhun-at winimug aptukon etno it aphe inesanggo holtuk atlug inindi dag atuk-o.

2 Timotius 4:18

Eke it apheyen dahon epmano nobam umburukmu At Allahen nili waruk aruhu-o. Nili waruk aruhureg, boholma At wereg ambeg epma nombahaku-o. Ari halug At inuk-at nintul nantul suontepfuruk amuk-o, ulug an demat yig hisaruk ahi-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.

1 Petrus 4:5

Hinobam denggeltuk ari, fobik At Allahen it inilukon inim, warehon inim inaren baloko imbisahu etno iniluk heheg, fobik At Allah niren suruk aheon epmano keroho yig imuhuk-o? ulug inakolen suruk-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

2 Petrus 1:11

Yi wene di wene yig hisihion epmano obog hiniluk weregma, an ninim nintul nantul dahagsoho yig hisaruk amuhuk-o.

2 Petrus 1:17

Eke At Allahen une oag weregsoho Yesus yig ituk wilil, “An Namloho nindi hunduhukon du nahien hiyihi-o,” ulug yig itukmu ninesanggo holtukuk-o.

1 Yohanes 2:28

At Yesus-at inim welam fano. Eke At fobik waruhumu, ninenggali elegsoho unda yatuk wilil, Ninowe-o, ulug heahi wabuhuk-o.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.