2 Timotius 3:4 - Allah Wene Hurumbik Keron

⁴ eke inenggal-at yig isarukon etno inim, eke nenekon neken sil nurukon etno inim, eke inonggarehen inindi lehepatarukon etno inim, eke At Allah inim inindi hundutuk welam sohorep isalug it inindien-at surukon etno inim,

2 Timotius 3:4 ပူးပေါင်းရင်းမြစ်များ

Kisah Para Rasul 19:36

Eke it aphe obog ariroho iniluk-o. Ari halug, hit hinindi eleg neken suruk ahep etno sohorep isalug, bok-at welamiek-o.

Kisah Para Rasul 7:52

Eke it nabi ap epmano hit hinetamuki Allah wene yig isa waharuk apagma, iren muko wilip iseheg, inebe warep iseheg sebag-o. Eke it nabi ap epmano bilin, ‘Allah anggimbu fanowon waruhu,’ ulug hurumbik yig isaruk heheg oke, dahon etno-at inobam embebag. Eke fobik At hinili warukon ari Allah anggimbu fanowon etno hiren senoko watikip-o.

Roma 11:20

Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

1 Timotius 3:6

Eke ap keron halug, minduhupfuk fug-o. Onggarehen suontepatahu ari fam, at iblis inuk suontepatebagma, onggo og epahon etno hag, at ap etno ariroho suk nowen-o. Eke ap keron ari minduhupfuk hai-o.

1 Timotius 5:6

Ariroho uruk amuhubon oke, at hwe suhweon indien bulug-at dahan fahan suruk wilil, ebe ilukon oke, warehon neken wereg-o.

1 Timotius 6:17

Eke it inaharek kweanmon yi angge di angge anggolo werehon halug, inindi suontepataruk wilil ninaharek epmano fam fano welaruhuk-o ulug uk nowen ulug yig isimin-o. Eke nit ninahien hawag ulug At Allah yi angge di angge anggolo og nisarukon etnowen-at fano ninabuhu-o ulug uruk amagsoho yig isimin-o.

Yudas 1:19

Ari it winimug nisaruk ari, ninambit ulug o misig laheg sil nurukon etno inim, it aphe kweanmon epmano inim, it Allah Roh Kudus inindimu kuruk elehon epmano inim inawene amuk-at ebahon wereg-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.