2 Timotius 3:2 - Allah Wene Hurumbik Keron

² Eke fobik it aphe an-at hulik ulug inahla burukon etno inim, an uang nindi urukon etno inim, inindi arikon epmano inim, inonggarehen suontepatarukon etno inim, eke it aphe inobam denggeltukon etno inim, eke iniknisi inune holtuk elehon etno inim, eke wa ulug uruk elehon etno inim, eke Allah wene fanoroho ebetuk elehon etno inim,

2 Timotius 3:2 ပူးပေါင်းရင်းမြစ်များ

Matius 15:6

Ariroho yig isaruk ahep ari, hiniknisi hinisasi ininuk suontepfuk hinamberaken-at suruk wilil, it nin hag ariroho siuk ulug yig isaruk ahep-o. Ariroho yig isaruk wilil, Allah wene etno seberoho umbuog ulug-at suruk ahep hisihi-o.

Lukas 12:15

Yig ituk apareg, eke fobik it obog yig isaruk wilil, “Yi angge di angge nindi nindi uruk wilil huluog ulug surukon epmano hit ariroho sehe ha nowen ulug yaharoho welamiek-o. Eke ap misig aharek yi angge di angge anggolo wereg halug, epmano fam fanoroho welaruhu fug-o,” ulug yig isebag.

Lukas 16:14

Yig isaruk apagma, it Farisi ap inesanggo holtuk apareg, uang anggen inindi hunduhuk welapag etno fam At Yesus ahunda yapag.

Lukas 6:35

It hinim healeg welahebon epmano hinim hinindi hunduhuk welamiek-o. Ariroho wilil, elamna-at og isaruk sohorep isalug, mondog-at og isaruk amiek-o. Ariroho suruk hisalug, At Hinikni suon Allah etnowen onggo suon fanowon-at og isarukmu, hinebe At udaki-at welamuhup-o.

Kisah Para Rasul 5:36

Eke horog kidia ap inuk Teudas etno an suon ulug waharuk apareg, omini empat ratus inim welapag. Inim weregma, at ebe watuk wilil, omini epmano obog muko wilip isaruk apagma, at une eleg apag.

Roma 11:18

Eke ari fam, it e fanowon inggik neken yumbuksoho amburuson epmano hinambit isaruk wilil, hit suontepata fug-o. Eke hit hag e inggik neken-at welahep-o. Ari halug, hiren e omanggen etno oag werehepfuruk ahep fug-o. E omanggen etnowen hag hit hinoag werehep hisaharuk-o.

2 Korintus 5:15

Eke ari halug, nit kidia niniluk welaheon epmano nit ninahla buruk aheon sukon epmano sohorep isalug, At ninake warapareg iluksoho minapahon etnowen ahla burukon etno-at niren suruk amag ulug ninake warapag-o.

Filipi 2:21

Eke it yi aphe di aphe epmanowen inonggareg ineyabuk sukon inahla burukon oke, At Yesus Kristus eyabuk sukon etno hag inahla buruk eleg-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

2 Tesalonika 2:4

Eke at ap dahon waruhuon etnowen it aphe Allah obam ebetukon epmano seberoho imbiseheg, eke du At Allah ulug urukon etno sohorep iseheg suruk wilil, an-at suon welahi-o ulug uruk aruhureg, eke At Allah ibamen minatuk wilil Allah nebe an-at welahi-o, ulug yig hisahu-o.

1 Timotius 1:20

It inapeleg atision ari ininuk misig Himeneus eke misig Aleksander etano inapeleg atusareg fam, fobik inenggal wene At Allah obam denggeltukon etno sohorep isawon iniluk amagsoho arat at iblis etno inobam umbukag ulug yig itikik-o.

1 Timotius 1:9

Eke wene duroho suruk amuk eke duroho suruk am fug ulug ebahon etno it aphe fano surukon epmanowen fano suruk amag ulug yig isebag fug-o. Ari it dag surukon inim, eke it dahan fahan surukon inim, eke iniknisi inisasi war inaptukon etno inim, eke it ap watukon etno inim,

1 Timotius 3:3

eke ambusu nenek surukon etno naruk elehon halug, eke asine elehon halug, eke indi humbulihon halug, eke indi fanowon halug, eke yikangge aptuk elehon halug, eke yi angge di angge kweanmon nindi ulug heahil sil nuruk elehon halug, it ap aphe inindi aso welamon etno arion-at fuloko imbisawag-o.

1 Timotius 6:10

Eke yi dag di dag surukon epmano alem yi angge di angge inim, uang inim nindi nindi urukon etno-at wereg-o. Eke it ap ninen uang ari-at nindi-o, ulug uruk wilil, wene demat ulug urukon etno sohorep isalug, eke ap misig wataruk wilil, yahayen bal saruk etno hag, it aphe nindi nindi urukon etno eleg atuk halug, inindi dag atuk-o.

1 Timotius 6:4

Eke at ap onggarehen suontepatarukon ari, indimuen yi wene di wene farim winimug iog ulug suruk-o. Ariroho suruk heheg, it apheyen nambit hambit eheg, eke hat dag ulug inobam denggeleheg, eke winimug abeheg surukon ari, it ap inindi ebetuk elehon etno alem neken wereg-o.

2 Timotius 3:4

eke inenggal-at yig isarukon etno inim, eke nenekon neken sil nurukon etno inim, eke inonggarehen inindi lehepatarukon etno inim, eke At Allah inim inindi hundutuk welam sohorep isalug it inindien-at surukon etno inim,

Yakobus 2:8

Ari halug, At Allah weregmen wene duroho suruk amuk eke duroho suruk am fug ulug ebahon etno-at suruk amiek-o. Eke bilin komo yig nisaruk wilil, “Hinonggareg hinindi fano saruk ahep etno hag, it aphe obog inindi fano inabiuk-o,” ulug yig nisarukon oke,

Yakobus 4:16

Eke hinonggareg hinuneyen, “Ari suhuk, ari suhuk,” ulug suontepataruk ahep ari, dag-at suruk ahep-o.

Yakobus 4:6

Eke nindi nindi urukon epmano arat og nisarision oke, obam seberoho ninobabut fano welamon etno og nisarision ari, Alkitab fam yig nisaruk wilil, “Ap nin inonggarehen suontepatarukon halug, At Allahen seberep isahu-o. Eke it ap nin inonggarehen seberepatarukon halug, suontep isahu-o,” ulug holal embebahon etno fam yig nisaruk-o.

1 Petrus 5:5

Eke ari halug, hit ap elege epmano it inanggohon inune holtuk amiek-o. Eke it inapma wilil, neyabuk du seg nimin-o, ulug yig hisaruk isalug, it inune fanoroho holtuk amiek-o. Ariroho sukag ulug Alkitab fam wene holal embebahon du hit hiniluk-o, “It inonggarehen suontepatarukon halug, fobik At Allahen seberep isahu-o. Eke inonggarehen seberoho werehon halug, fobik At Allahen suontep isahu-o,” ulug wene holal embebahon etno hinuluk weregma,

2 Petrus 2:10

Eke it aphe inenggal yig hisarukon ari inahlahiroho wilil, it malaikat boholmon etno inakol isaruk eleg-o.

2 Petrus 2:12

Eke it malaikat aphe inobam denggeltuk eleg oke, eke it inenggal wene yig isarukon epmano wam eli neken aben senoko war inabuog ulug wereg-o. Eke it inapelehon neken uruk isalug, fobik mondog war inabuhu-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.

Wahyu 13:1

Eke fobik walo suon misig ik laut ikmen lahik waharuk­mu nil harikik-o. An nilanggen haruk heheg, walo etno ayeg unggu­luagmen lahabehon nomaloen angge etno inim, eke ungguluag sabiren angge werehon etno inim, eke ungguluag sabiren angge etno fam inuk dahon holal balehon inim welatisi-o.

Wahyu 16:11

Ariroho oloken suruson oke, eke fobik At Allah yig ituk wilil, “Hat boholmen ukmu olo­kon ninobam umburuk ahen du hai-o,” ulug yig ituson oke, iren dahon suruson epmano sohorep isarusa fug-o.

Wahyu 16:21

Eleg atusama, eke fobik boholmen osit haplanggen helep suon ilitoho aphe inobam belabik waharisi-o. Ariroho belabik waharuk atisi­mu, it aphe epmano oloken suruk atusareg, Allah yig ituk wilil, “Hat osit haplanggen helep suon neken ninobam belabik wahen du hai-o,” ulug ariroho yig itusa-o.

Wahyu 16:9

Ariroho suruk atisimu, it aphe epmano mo oloken hinel anggolo watuk wilil, Hat Allahen mo olok ninobam umburuk ahen du hai-o, ulug ariroho yig ituson oke, eke iren dag surukon epmano sohorep isalug eleg At inuk suontepfurusa fug-o.