2 Timotius 3:13 - Allah Wene Hurumbik Keron

¹³ Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

2 Timotius 3:13 ပူးပေါင်းရင်းမြစ်များ

2 Korintus 6:8

Eke nit ninebe epmano it ap ninen suontep nisahakeg, dorontep nisahakeg, eke ninobam denggeleheg, eke it ninen fano suruk ulug inilanggen heheg, eke niren demat ulug uruk aheon etno inenggal uruk ulug yig niseheg suruk-o.

1 Timotius 4:1

At Roh Kudusen duroho ulug bukaloko yig nisaruk-o, eke fobik it ap ninen Allah wene demat urukon etno seberoho umbulug, it setanen inenggal wene urukon etno yanggul isaruk amuhup-o.

2 Timotius 3:8

Eke o amuk it Yanes Yambres etanowen at Musaen ebahon etno ninambit-o ulug seberepfebag etno hag, kidia it ap inindi elehon epmano wene demat urukon etno inapeleg wilil, wene etno ninambit-o ulug seberepfuruk-o.

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

2 Petrus 2:20

Eke at ap misig o kweanmen surukon etno sohorep isalug, At Ninowe Yesus Kristus une urukon esanggo holtug halug, fobiken iog suhuluk kwalem dahon etno laruk wilil, dahon etno obam ombataruk-o.

2 Petrus 3:3

Eke misig du hit hiniluk amag ulug yig hisaruk ahi-o. Fobik it ap inindien bulug inenggal urukon etno yig hisa wamuhup-o. Yig hisa wamuhupseg, hinahunda yabuog ulug yig hisaruk wilil,

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 18:23

Eke eral fisaho etno epma welaruhu fug at-o. Eke o Babel epmen aben hwe holahup fug at-o. Eke it nin o Babel epmen onggo hundutuk wilil, inaharek anggolo holaruson oke, it yi aphe di aphe obog inenggal-at yig isaruk atu­sa-o,” ulug at ma­laikat etnowen irisi-o.