2 Timotius 3:11 - Allah Wene Hurumbik Keron

¹¹ Eke o Antiokhia inim, o Ikonium inim, eke o Listra inim dahon mondog nobam umburukmu welatikik etno hiluk-o. Eke iren dahon etno nobam umburuson oke, At Allahen nili warisi-o.

2 Timotius 3:11 ပူးပေါင်းရင်းမြစ်များ

Kisah Para Rasul 13:14

Laruk apagma, eke it nin epmano o Perga epmanowen o Antiokhia Pisidia etno wapag. Waharuk apareg, o hari Sabat fam it o Allah wene uruk ambeg etno kuruk apareg, horie ebag.

Kisah Para Rasul 13:45

Wonggalik waharuk apagma, it Yahudi aben inilanggen isaruk apareg, inambit isaruk wilil, at Paulusen ebahon etno, “Enggal ehek-o,” ulug yig isaruk apareg, at Paulus etno enggali wapag.

Kisah Para Rasul 14:8

Eke it etano o Listra waharuk apagma, ap misig isina ahlen iog oag elehon endag apareg, kwalem lao haien bok wilil, at Paulusen ebahon etno esanggo holtuk apag.

Kisah Para Rasul 20:19

An At Ninowe anggimbu etno nindi seberoho ioba yatuk wilil, yabuk etno suruk atikikon oke, it Yahudi aben nowabuog ulug surukmu, angginon etno nobam wereg heheg, yabuk sirikik-o.

Kisah Para Rasul 23:10

Uruk atusama, it epmano winimug anggolo uruk atusareg weregma, at Roma ap inowe suon etnowen at Paulus etno iren wabuk nowen ulug akol haruk atisireg, at osi epmano yig isaruk wilil, “Hit ap obog wonggaleheson du inambeg kuruk atlihipseg, at Paulus walug o nit ninibam oag werehon etno fam imbik manu-o,” ulug yig isarisi.

Kisah Para Rasul 26:17

Eke hat o ahik ya da lahap hahakukmu, it Israel ap inim, eke it Allah wene inapelehon epmano inimen howabuog ulug suruk isalug, Anden hili wahuk-o.

Kisah Para Rasul 26:22

Ariroho suruson oke, eke At Allahen nili oko ninim weregma, o yoho du fam hit suon inim, doron inim, obog-at nawene yig hisaruk ahi-o. Eke anden yig hisaruk ahion etno hag, it nabi ap inim, eke at Musa inimen hurumbik yig nisaruk wilil,

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

Roma 15:31

Eke it Yudea aphe Allah wene ninambit urukon epmanowen nowabuk nowen ulug hit nake sembahyang uruk amuk-o. Eke it Allah udaki o Yerusalem werehon epmano yi angge di angge og isa lahukon ari inahientoho holawag ulug sembahyang uruk amuk-o.

2 Korintus 1:5

Eke At Kristus obam dahon anggolo embebag epmano hag, ninobam umburukon oke, eke At Kristus ahlahiroho welapag etno hag, nit ninahlahiroho welamag ulug yig nisaruk-o.

2 Korintus 1:7

Eke ari halug, hit hinoag weregsoho welamuhup ulug ninahla buruk ahe-o, eke nit dahon ninobam umburuk epmano hag, hit hinobam umburukon oke, eke nit ninahlahiroho welamag ulug yig nisaruk etno hag hit yig hisaruk ari niniluk-o.

2 Korintus 12:10

Eke ari halug, anden At Kristus inuk fam yi seheg di seheg suruk nealug, noag elehepfeheg, eke inune dahon nobam embeheg, eke yi angge di angge obok welamag ulug elegsoho nombahakeg, eke nebe muko wilip nahakeg, eke yi angge di angge dahon nobam nombahakeg suruk isalug, nahientoho-at welahi-o. Eke an nebe noag eleg nealug, noag werehep naharuk-o.

2 Timotius 4:7

Eke it aben onggo huluog ulug buahen laruk etno hag, an nebe wene demat urukon etno nintul nantul eberoko waruk wilil, neyabuk og nitision etno obog-at suruk atikikseg, kidia onggo fanowon etno huliog ulug suruk ahi-o.

2 Petrus 2:9

Eke bilin at Lot ili webag etno hag, fobik At Allahen it aphe inobabut fanowon epmano o fanoma imbiseheg, it dag surukon o dagma imbiseheg suhu-o. Eke it Allah wene ninambit-o, ulug urukon epmano inim, it kweanmen surukon etno inim obog-at dagma imbisiog ulug wereg-o.