2 Timotius 2:9 - Allah Wene Hurumbik Keron

⁹ Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

2 Timotius 2:9 ပူးပေါင်းရင်းမြစ်များ

Lukas 23:32

Yig isaruk apareg weregma, it ap biren dag suruk apahon etano At Yesus inim war inabukag ulug og inaplug wapag.

Kisah Para Rasul 21:33

Sohorep isaruk atusama, it ap inowe sehen senehon etnowen at Paulus etno senoko hele bisuemanggen biren fam hele wabukag ulug yig isaruk atisareg, hinog uruk wilil, “Ap du inuk sa-o? Aren keroho sehek-o?” ulug hinog og inaptuk atisimu,

Kisah Para Rasul 28:31

At Allah weregmen sukon wene etno yig iseheg, At Ninowe Yesus Kristus awene etno yanggul iseheg suruk wilil, akol elegsoho indi ahien atlug yig isaruk atisi.

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Filipi 1:17

Eke it iniluk wereg oke, eke it nin epmano inambit hun naptuk wilil, an hele wareg welahion etno obam seberoho dahon nobam umbuog ulug winimug neken uruk wilil, nit-at suon welamuhuken ulug inindi biren neken wilil, At Kristus awene etno yig isarukon ari fano at-o.

Filipi 1:7

Eke hit nintul nantul an nindimu neken welahep ari fam, an nahientoho hinobam ebetuk ahi-o. Eke bilin an nebe o ahik ya da laruk wilil, Allah wene yig iseheg, eke inindi ayeg warep iseheg, suruk atikikseg, kidia an nebe hele wareg welahion oke, At Allahen nit obog ninabua nisawon wene hit an ninim dambuksoho seneg welatukuk-o.

Kolose 4:18

Eke an Paulusen heahi war hinaptuk ahi-o, ulug holal ari an ninggiken-at balihi-o. Eke an hele wareg welahion etno hinapeleg am fug-o. Eke At Allahen hinabua hisawag ulug yig hisihi-o.

Kolose 4:3

Hit ariroho sembahyang uruk wilil, At Paulusen it aphe Allah wene fanoroho yig isaruk amag ulug hinindi ebetuk wilil, nake sembahyang uruk amiek-o.

1 Tesalonika 1:8

Eke hit hinebe alem neken weregma, Allah wene etno o Tesalonika, hit welahep ambeg epmanowen o Makedonia laheg, eke o Akhaya laheg suruk wilil o ahik ya da obog-at su atisimu, niren Allah wene warukukon etno o duma it aphe obog-at inesanggo holtusa-o. Ariroho suruson etno hiniluk heheg, yig hisolowon oke, sohorep isehe-o.

2 Tesalonika 3:1

Nomini-o, At Allah wene hit hinanggelegmen su atisi etno hag, o ahik ya da obog wawag ulug ninake sembahyang iuk-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 1:16

Eke at Onesiforus omini inim epmano At Allahen inabua hawag ulug an inake sembahyang uruk ahi-o. At Onesiforus etno an nabua haruk wilil, at Paulus hele wareg wereg ulug akol eleg-at wilil,

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

2 Timotius 2:3

Eke hat hag, At Yesus Kristus anggimbu fanowon weregma, dahon etno hobam umburuk isalug, hahla bugsoho welamin-o.

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

1 Petrus 2:14

Eke at inowe suon inim, eke aren it ap iniknisi suon minduhup isebahon epmano inimen dag surukon hondorep iseheg, fano surukon lehep iseheg suruk isalug, inapma welamiek-o.

1 Petrus 3:16

Yig isaruk wilil, hinune winimug yig iseheg eleg-at yig isimuk-o. Eke hiren hinobam denggelepata fug-o. It ninen inune dahon hinobam uruk wilil, “At Kristus udaki dag suruk duma yet isimiek-o,” ulug uruk isalug, fobik inenggali hahup-o.

1 Petrus 4:15

Hiren ap wareheg, hinalomnangge herahakeg, eke dag seheg, aphe ineyabuk dahapseheg neken surukmu dahon etno hinobam embelepmen, yuhun-at welatlep-o.