2 Timotius 2:7 - Allah Wene Hurumbik Keron

⁷ Eke yi wene di wene yig hituk ahion epmano At Ninowe etnowen ebe du farim irisi ulug yanggul hemagsoho hindimu fanoroho ebetuk amin-o.

2 Timotius 2:7 ပူးပေါင်းရင်းမြစ်များ

Lukas 21:15

Eke Anden hinindi enggatep hisahalug, yig hisarukmu, it hinim healeg welamuhubon epmanowen wene onggo yig hisao hai atuken, hinenggal uruk ahep ulug yig hisahup fug-o.

Lukas 24:45

Yig isaruk apareg, eke fobik Alkitab wene embebahon epmano inindimuen demat ebebukag ulug yig isaruk wilil,

Lukas 9:44

“Hit Anden yig hisaminon etno hinapeleg am fug-o. An Allahen minduhup naharision it aphe ininggiken senoko og naplug laruk amuhup-o,”

Yohanes 14:26

Eke fobik hag, At Yalmag hinaptukon Roh Kudus An ninuk fam Niknien lahapfik waruhumu, Aren yi wene di wene epmano obog-at yanggul hisaruk halug, hit At Yesusen wene etno obog-at yig nisarisi ulug hinindi ebebuhup-o.

Yohanes 16:13

Eke fobik At Roh Kudus wene demat uruk amon yanggul hisahuon etno waharuk aruhureg, wene demat uruk amon etno obog-at bukaloko yig hisaruk aruhu-o. Ariroho yanggul hisaruk aruhu ari, At akeleg indien bulug-at yig hisaruk aruhu fug-o. At bilin esanggo holtision etno-at yig hisaruk wilil, yiroho diroho fobik suhuon epmano yanggul hisaruk aruhu-o.

Kisah Para Rasul 7:10

Lahapfuruk apagma, At Allah inim laruk apareg, ili oko embebag. Ili oko umburuk apagma, at Yusuf etno it Mesir ap inowe Firaun etno ambeg waharuk apareg, At Allahen yig itukmu indi enggat mondog welapag. Ariroho weregma, at Firaun etnowen Yusuf etno yi angge di angge surukon inowe welamag ulug minduhupfebag.

1 Korintus 12:8

Eke it aphe inindi wereg amag ulug wene yig isarukon etno At Roh Kudusen ap misig og ituk-o. Eke it aphe yi angge di angge alem iniluk amag ulug wene yig isarukon etno At Roh Kudusen ap misig og ituk-o.

Filipi 4:8

Eke yi angge di angge fanowon inim, eke ari suk fano ulug urukon etno inim, eke demat urukon etno inim eke fanoroho surukon etno inim eke motoho surukon etno inim eke sabele elehon etno inim eke ninindi hunduhuk welamon etno inim eke it apheyen ari fano ulug suontepfukon etno inim eke yi angge di angge arion-at huluog ulug hinindi ebetuk amuk-o.

Kolose 1:9

Ariroho yig nisarisimu holtukukseg fam, nintul nantul hit hinake sembahyang uruk ahe-o. Ariroho uruk ahe ari, At Allahen ariroho siuk ulug yig nisarukon etno hiniluk ulug sembahyang uruk ahe-o. Eke At Roh Kudus etnowen hinindi kahaloko yig hisaruk wilil, hiniluksoho yig hisawag ulug sembahyang uruk ahe-o.

1 Timotius 4:15

Eke yi wene di wene yig hirihion epmano hindimu ebetuk wilil, aphe yig isaruk amin-o. Ariroho yig isaruk healug, it apheyen haren balepfulug, wi, ap du indimu iluk mondog wereg-o ulug inahla buhup-o.

2 Timotius 2:6

Eke ap misig eyabuk surukon etnowen fobik anggen wirik atuk halug, aren bilin baluk fano-o.

2 Timotius 2:8

Ebetuk wilil, eke At Yesus Kristus etno inim obam ebetuk amin-o. Eke At Yesus etno Daud etamu neken weregma, aphe waratuk ambehen iluksoho minduhupfebag ulug, wene fano wene etno aphe yig isil nuruk ahi-o.

Ibrani 12:3

Eke At Yesus etno it ap dahonen inambit haruk wilil, inune dahon obam embebahon epmano hinindi ebetuk amuk-o. Ariroho ebetuk wilil, hinindi oag weregsoho welamuhuben hinahlahiroho-at welamuk-o.

Ibrani 13:7

Ariroho uruk wilil, it hinowesi bilin Allah wene yig hisaruson epmano inobam hinindi ebetuk amuk-o. Ari halug, hiren it bilin duroho welatusareg, waratusa ulug inobam hinindi ebetuk wilil, iren inindi demat ulug ebetuk atusa etno hag, hit ariroho-at ebetuk amuk-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

Ibrani 7:4

Eke at etno suon welapag ari, hinindi ebetuk amiek-o. At ninetamu Abrahamen yi angge di angge obog huhul webahon etno nomalowon etno hag at Melkisedek og epag.

Yakobus 1:5

Eke at misig indi fanoroho ebetuk elehon hinim wereg hisalug, At Allah obam sembahyang uruk wilil, “Nindi fanoroho ebebukon etno-at og nimin-o,” ulug sembahyang urukmu, At Allah yi angge di angge anggolo og nisarukon etnowen og hiruhu-o.

Yakobus 3:15

Eke ariroho surukon ari, alem boholmen waharuk eleg-o; kweanmen-at wereg atuk ari, at setanen suruk epmano hag suruk-o.

Yakobus 3:17

Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.