2 Timotius 2:3 - Allah Wene Hurumbik Keron

³ Eke hat hag, At Yesus Kristus anggimbu fanowon weregma, dahon etno hobam umburuk isalug, hahla bugsoho welamin-o.

2 Timotius 2:3 ပူးပေါင်းရင်းမြစ်များ

Kisah Para Rasul 23:31

Umburuk atisimu, it at osi epmanowen yig isarision etno ilitoho suruk wilil, at Paulus walug o etno sambit hubanggo o Antipatris etno imbik waharusa.

1 Korintus 13:7

Eke yi angge di angge surukon epmano inobam inapelegsoho apma imbisaruk-o. Eke yi angge di angge demat ulug ahla buruk-o. Eke yi angge di angge fano ban suruk amuhup ulug indi ebereg wereg-o. Eke at ebe obabut fano mondog wilil ariroho suruk-o.

1 Korintus 9:7

Eke ap sehen senehon misig wim surukon etno onggarehen onggo ombatalug yabuk sik laruk ano? Eke ap misig eyabukmu i angge yahapatalug anggen yihikon epmano nenggeg eleg-at wereg buruk ahep ano? Eke ap misig it wam domba epmano inaso werehon etnowen inag ambusu bereloko nenggeg eleg-at wereg buruk ahep ano? Ari eleg-o.

2 Korintus 1:6

Eke nit hag dahon epmano ninobam umburuk isalug, ari hit hinahlahiroho wilil hinili holawag ulug welahe-o, eke nit hag ninahlahiroho welamag ulug yig nisaruk halug ari, hit ariroho-at hinahlahiroho welamag ulug yig hisaruk wilil, hit nit ilitoho-at dahon epmano hinobam umburuk isalug, hinahla bugsoho wilil, hinindi oag weregsoho welamag ulug yig hisaruk-o.

1 Timotius 1:18

Eke hat hag, namloho Timotius wai. Bilin it ap nabien Allah ahurumbik yig isebahon etno ilitoho kidia yig hituk ahi-o. Eke iren demat ulug ebahon etno hindimuen eberoko waruk wilil, ap inim aptuk etno ilitoho iblis hinim wim fanoroho aptuk amag ulug yig hirihi-o.

2 Timotius 1:1

Nomin Timotius wai. An Paulusen hat namloho nindi hunduhukon etno holal du bal hituk ahi-o. Eke nebe etno At Allah indi ebetuk apareg, At Kristus Yesus awene yig isil nuruk amag ulug minduhup naharisireg fam,

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

2 Timotius 3:11

Eke o Antiokhia inim, o Ikonium inim, eke o Listra inim dahon mondog nobam umburukmu welatikik etno hiluk-o. Eke iren dahon etno nobam umburuson oke, At Allahen nili warisi-o.

2 Timotius 4:5

Ariroho suruk amuhubon oke, eke hat hag nintul nantul hindi aso fanoroho welamuk-o; eke wene fano wene yig isil larukon yabuk etno-at suruk amin-o; eke hat hebe At Allah anggimbu wilil yabuk fanoroho suruk heyeheg, it ninen dahon hobam umburuk isalug, hahla bugsoho welamin-o.

Ibrani 10:32

Ari halug, hiren nit bilin ariroho welatukuk ulug hinindi ebetuk amuk-o. Eke o ari sambit At Allahen o seleg Aren angge etno og hisarisireg fam, it ninen dahon epmano hinobam umburuson oke, hinindi oag weregsoho-at welatikip-o.

Ibrani 11:27

Eke at Musa etno indi demat ulug ebetuk wilil, at Firaun etnowen winimug umon etno akol eleg-at welapag. Ariroho wilil, at ebe o Mesiren wilip apag-o. Wilip atuk apareg, At Allah ninilanggen haruk ahe fuhon etno ilanggen haruk neken wilil, an niog suhuluk lao nambit-o, ulug ahla bebag-o.

Ibrani 6:15

Yig ituk apagma, at Abraham etno indi seberoho wilil, og umon etno aso weregma, At Allahen abug yig epahon etno arat og epag-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.