2 Timotius 2:25 - Allah Wene Hurumbik Keron

²⁵ Eke it hag inindi wereg atlug ioba yatuk wilil, wene demat urukon etno iniluk atuk amuhupseg,

2 Timotius 2:25 ပူးပေါင်းရင်းမြစ်များ

Matius 11:29

Anden angge etno waruk amuhupmu, hinomalo fam umburuk aruhukseg, Anden hit yanggul hisahuk-o. Yang­gul hisa­hukon ari, An fanoroho nindi seberoho wilil sat yal hinaptuk aru­huk-o.

Matius 21:32

Eke at Yohanes aphe ikma belap inaptukon etno hinambeg waharuk apareg, kwalem moron etno lawag ulug yig hisebahon oke, hiren demat yig nisehek ulug hinindi ebetikip fug-o. It ap uang onggo kino urukon etno inim, eke it hweap yuhun-at wanggik surukon etno inim hag, demat yig nisaruk ulug inindi ebetusa-o. Ariroho ebetuson etno hit hinilanggen isaruk atikibon oke, hiren fobik demat yig nisaruk ulug hinindi ebebuk sohorep isalug, we yuhun-at welatikip-o,” ulug yig isebag.

Markus 1:15

Ariroho fanggog ehek ari, At Allah weregmen sukon etno-at fanggog ehek-o. Ari halug, hit hinindi wereg atlug, wene fano wene du-at eberoko wimiek-o,” ulug yig isaruk apag.

Yohanes 5:34

Eke it apheyen An nawene yig hisaruk ari fam ninuk su aruhu fug oke, An yig hisaruk ahi etno hit hinili wawag ulug-at yig hisaruk ahi-o.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 5:21

it mondep isebahon epmano inesanggo holtuk apareg, ilikia hubet o Allah ibam etno kuruk apareg, it aphe epmano wene yig isebag. It etno yig isaruk weregma, it imam ap suon, omini epmano inim, it Yahudi ap inowesi epmano inim dambuksoho wene baluog ulug wol isaruk apagma, wonggalik wapag. Wonggalik waharuk apareg, it aphe dahon imbisaruk ambeg unde epmano yig isaruk wilil, “At Yesus omini aphe dahon imbisaruk ambeg kolap inaptikibon epmano og inaplug hinim maniek-o,” ulug yig isaruk apagma,

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Kisah Para Rasul 8:22

Eke hat hahla buruk ahenon inim, eke dag suruk ahenon inim sohorep isalug, At Allahen hobam hapelegsoho apma hombahukag ulug sembahyang uruk amin-o.

Galatia 6:1

Nomini-o, at ap misig indi oag eleg wilil, dahan fahan suruk halug, hit Roh Kudus hinindimu werehon etnowen ap etno fikfag moturuk amuk-o. Moturuk wilil hinune fanoroho yig ituk amuk-o. Ariroho wilil, hit hinonggareg inim-at hinindi kahaluk nowen ulug hinindi aso fanoroho welamuk-o.

1 Timotius 2:4

it aphe obohen wene du demat-o, ulug inili holawag ulug yig isaruk-o.

1 Timotius 6:11

Eke hat hebe Allah amloho neken welahe halug, haren yi angge di angge dahon epmano sohorep isalug, fanoroho surukon etno inim, eke Allah wene ebahon ilitoho surukon etno inim, eke Allah wene demat ulug ebetukon etno inim, eke aphe hinim hunduhuk welamon etno inim, eke ap winimug yig isaruk elehon etno inim, eke hindi seberoho welamon etno inim obog epmano mutlug laruk arik ulug hindi ebetuk amin-o.

2 Timotius 3:7

Eke it hweap yuhun-at werehon ari, inindien-at suruk wilil, dag anggolo-at suruk-o. Ariroho suruk wilil, wene keron misig niluk amag ulug surukon oke, wene demat urukon etno inapeleg welamuhup-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Titus 3:2

Eke hinenggal-at ap misig obam denggeluk fug ulug yig iseheg, eke aphe inim inindi hunduhuk welamon etno inim, eke inindi seberoho welamon etno inim eke it yi aphe di aphe obog inim fanoroho welamon etno inim, ariroho sukag ulug yig isaruk amin-o.

Yakobus 1:17

Eke yi angge di angge fanowon og nisaruk epmano boholmen-at og nisaruk-o. At Allah boholma mo, bikalem, soholoal embebahon etnowen-at og nisaruk-o. Eke At Allah etno itog mondog wereg-o. At olohore nomog uruk wilil, o hik og nisaruk eleg-o.

1 Petrus 3:15

At Kristus akeleg-at hinindimu hinakol wilil, At akeleg-at Ninowe wereg-o, ulug hinindimu ebetuk amuk-o. O nintul nantul it aphe hinambeg hinog ik waharukmu, Ninowe fano ninaptukon At Yesus at-o, ulug hiren yig isimuk-o.

1 Yohanes 5:16

Eke yi dag di dag nit apheyen suruk aheon epmano wereg oke, eke it wene iniluk wilil oke dag surukon epmano oag deleg neken wereg-o. Ariroho werehon epma At Allahen inapelegsoho apma imbisawag ulug inake sembahyang uk fug-o.