2 Timotius 2:24 - Allah Wene Hurumbik Keron

²⁴ Eke At Allah anggimbu etnowen winimug abuk ari hai-o. Eke At Allah anggimbu halug, it aphe obog fanoroho inim welaheg, eke wene fanoroho yanggul iseheg suruk amag-o. Eke at ap Allah anggimbu etnowen it inenggal urukon epmano winimug yig isiog ulug suruk halug, une wiogsoho orog-at yig isao fano-o. Une ariroho yig isaruk heheg, At Allahen it ap inenggal urukon epmano inindi werehap inabuhu ano, ulug ahla buruk wilil, orog-at yig isaruk-o.

2 Timotius 2:24 ပူးပေါင်းရင်းမြစ်များ

Matius 12:19

Ariroho yig isahuon oke, une winimug neken fanggogsoho yig isahu fug-o. Eke kwalema epmanowen wene yaron yig isahu fug-o.

Yohanes 6:52

Yig isaruk apagma, it Yahudi ap epmanowen irit winimug aptuk wilil, “Ap du ebe-at oke, nit nawag ulug keroho og nisahu-o?” ulug hinog webag.

Kisah Para Rasul 15:2

alem ari fam it aphe epmanowen Paulus Barnabas inim winimug aptuk apagma, it ninen uruk wilil, “It Paulus Barnabas etano o Antiokhia ap nin inim alem ari fam it mondep isebahon epmano hinog og inabukag ulug o Yerusalem lawag-o,” ulug it Allah wene warukon epmanowen lahap isaruk apagma,

Kisah Para Rasul 23:9

Winimug aptuk wilil, inune anggolo sahaltuk atusareg, it Farisi ap wene holal baleg unde nin epmano minatuk atusareg, uruk wilil, “At Paulus du demat dag sirisi fug heheon oke, at malaikat misihen yig itisimu, yig nisaruk ano? Eke At Allah une demat yig nisaruk halug, niren at une sahaluk fug-o,” ulug urusa.

Kisah Para Rasul 7:26

noholug ilikia it omini Israel ap biren yikangge aptukmu ilanggen isebag. Isaruk apareg, dambul inabiog ulug suruk wilil, ‘Holiek-o. Hit an nominien yikangge aptuk ahep du keroho ulug suruk ahep-o?’ ulug yig isaruk apagma,

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 10:4

Eke it wim aptuk wilil inasehen inasega holaruk epmano hag, nit it kweanmonen angge holaruk ahe fuhon oke, At Allahen oag werehon og nisarukon etno hag holaruk ahe-o.

2 Korintus 6:4

Eke it ninen dahon epmano ninobam umburuk isalug ninahlahiroho welaheg, eke nit yi angge di angge obok heheg, eke ninindi seneni ebereheg suruk wilil we yuhun-at welahe-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 4:2

Ariroho suruk wilil, hinindi seberoho welaheg, eke hinune fanoroho yig iseheg, suruk amuk-o. Eke hinomini hinim hinindi hunduhuk wilil, fanoroho hinim welamuk-o.

Filipi 2:14

Eke hiren yi angge di angge suruk wilil, nambit eheg, eke winimug neken abeheg, uk ari sohorep isalug, yamintal neken suruk elehon inim, eke apheyen hinobam denggeltuk elehon inim hit hinebe arion-at welamuk-o.

Filipi 2:3

Eke hiren uruk wilil, an nebe suon-at welaruhuk-o, ulug hinonggarehen suontepataruk wilil, suruk am fug-o. Eke nomini du fano wereg heheg, an dag welahi-o ulug it hinomini inil fam seberepataruk amiek-o.

Kolose 3:13

Eke hit winimug abeheg eleg wilil, hinomini yalmag inaptuk amiek-o. Eke At Allahen hit dag suruk atikibon epmano hinapelegsoho apma hinombisaharisi halug, hit ariroho hinebe healeg neken welam fug-o.

1 Tesalonika 2:7

Eke At Kristusen mondep nisa waharisireg fam, hiren nininuk suontep nisahukag ulug solowon oke, eke hit hinabua hisaruk wilil-at ninim welatukuk-o. Eke at inisina etnowen udaki ahmu isaruk etno hag ninahmu hisarukuk-o.

1 Timotius 6:11

Eke hat hebe Allah amloho neken welahe halug, haren yi angge di angge dahon epmano sohorep isalug, fanoroho surukon etno inim, eke Allah wene ebahon ilitoho surukon etno inim, eke Allah wene demat ulug ebetukon etno inim, eke aphe hinim hunduhuk welamon etno inim, eke ap winimug yig isaruk elehon etno inim, eke hindi seberoho welamon etno inim obog epmano mutlug laruk arik ulug hindi ebetuk amin-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Titus 1:7

Eke at ap Allah wene yig isarukon ari dag suruk eleg halug, Allah yabuk etno aso welamag-o.

Titus 1:9

eke wene du demat ulug indi fam eberoko waru­kon inim, ap arion aphe inindi aso welamag ulug minduhupfuk ari fano-o. Eke ap arion halug, wene etno fanoroho iluk wilil, it aphe nin inesanggo wareheg, eke it nin inenggal urukon epmano winimug yig iseheg suruk aruhu-o.

Titus 3:2

Eke hinenggal-at ap misig obam denggeluk fug ulug yig iseheg, eke aphe inim inindi hunduhuk welamon etno inim, eke inindi seberoho welamon etno inim eke it yi aphe di aphe obog inim fanoroho welamon etno inim, ariroho sukag ulug yig isaruk amin-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

Yakobus 3:17

Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.

Yakobus 4:2

Eke yi angge di angge nindi nindi ulug oke, holawon hai atuk halug, ap wabuog ulug seheg, winimug abeheg suruk ahep-o. Ariroho suruk wilil, At Allahen og nisawag ulug sembahyang uruk elegma, yi angge di angge holawon epmano hai atuk-o.

1 Petrus 3:8

Eke ari halug, nomini-o, hit hinindi misig-at wilil, hinomini hinim hinindi hunduhuk welamiek-o. An hapma-at welahi-o, ulug at misihen eheg, at misihen eheg uruk amiek-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.