2 Timotius 2:19 - Allah Wene Hurumbik Keron

¹⁹ Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

2 Timotius 2:19 ပူးပေါင်းရင်းမြစ်များ

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Matius 7:23

Yig nituk amuhupmu, eke Anden it aphe obog inil fam yig isaruk wilil, ‘Hit hinebe An napeleg-o. Hit dag suruk atikibon du An nolohotmen wilip amiek-o,’ ulug ariroho yig isahuk-o,” ulug yig isebag.

Matius 7:25

osit haplanggen etno waharuk wilil, ikmuk hiahne inim waharuk apareg, ibam etno sahaloko walug liog ulug suruk apagma, eke o aloma oag weregsoho falfahon etno sahaloko walug lebag fug-o.

Markus 12:16

Og irik waharuk apagma, Aren yig isaruk wilil, “Uang anggen ari sa olohore, sa inuk inim wereg hehep-o?” ulug yig isaruk apagma, it aphe epmanowen yig ituk wilil, “Ari at Kaisar olohore-at wereg hehe-o,”

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Lukas 13:27

‘Hit kemen wahep-o? Hinolohore An napeleg-o. Eke hit hinebe dag suruk atikipseg fam An wereg ambehen wilip amiek-o,’ ulug yig hisahu-o.

Lukas 6:48

It epmano at ap ibam falsarukon etno ilitoho wereg-o. Eke at ap etno ibam falsiog ulug kwean sega fam ele balepfuruk apareg, o wut etno atog helep fam imbik ambebareg falfag-o. Ariroho falepataruk apagma, ikmuk waharuk wilil, ibam etno sahaloko walug liog ulug suruk apagma, eke ibam etno helep fam oag weregsoho falfahon etno sahaloko walug lebag fug-o.

Yohanes 10:14

At etno ariroho wereg oke, eke wam domba fanoroho inaso welahion etno An at-o. Eke At An Nikni etnowen An nebe iluk weregma, Anden At ebe niluk welahi etno hag, Anden it nanggom domba epmano inebe niluk wereg nealug, iren An nebe iniluk wereg-o. Ari halug, An nebe etno it inake waram fano ulug nahla buruk ahi-o.

Yohanes 13:18

Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 3:33

Eke it ninen At awene etno eberoko waruk isalug, ari fam At Allahen demat uruk-o ulug selegmaroho bukaloko yig nisaruk-o.

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 15:17

Eke it yi aphe di aphe o ahik ya da obog Anden nudaki-o ulug inayonggo umburuk aruhukmu, iren Ninikni-o ulug nombolim mug naplug lahup-o,’

Kisah Para Rasul 9:14

Eke kidia at imam suon etnowen holal og itisimu, o Damsyik duma it Hat hinuk warukon epmano ininggik senoko og inaplug liog ulug waharisi-o,” ulug yig ituk apagma,

Roma 11:2

Eke At Allahen At udaki bilin imig inapahon epmano ambit isalug sohorep isarisi fug-o. Eke wene etno Alkitab fam weregma, at Elia etnowen it Israel ap iren surukon Allah yig ituk wilil,

Roma 12:9

Ariroho suruk wilil, hinomini hinim hinindi hunduhuk welahebon epmano nomin ulug hinuneyen hinenggal-at uruk am fug-o. Eke dag surukon epmano hinambit haruk wilil, fano suruk amon etno mutlug laruk amuk-o.

Roma 15:20

Ariroho wene fano wene etno yig isil laruk wilil, it At Kristus inuk inesanggo holtuk eleg ambeg epmano-at yig isil larikik ari, ap misihen o andorli belabeg ambeg etno anden falihi ha nowen ulug, wene inapeleg ambeg-at yig isil larikik-o.

Roma 15:9

eke it ap bilin Allah wene inapeleg welatuson epmanowen At Allahen ninabua nisarisi etno wa ulug inahla buruk wilil inuk suontepfukag ulug seheg suruk apag-o. Eke alem ari fam Alkitab wene holal baleg etnowen yig nisaruk wilil,

Roma 8:28

Eke it At Allah obam inindi hunduhuk werehon epmano it ninen yi angge di angge dahon inobam umburuk-at oke, At Allahen fano inabiog ulug-at suruk-o. Eke it Allah udaki ari, At Allahen ahla buruk apareg-at wol isebag-o.

Roma 9:11

“Hat hudaki at manggion etno ot fobikon etno anggimbu neken welaruhu-o,” ulug ariroho yig epag ari, at udaki etno awan endoho eleg wilil fanowon inim dahon inim suruk eleg iseheg, hurumbik-at yig epag-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

1 Korintus 8:3

Eke at ap misig indi Allah inim hunduhuk wereg halug, At Allahen ap etno iluk wereg-o.

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

Galatia 4:9

Eke kidia At Allahen hit iluk wereg etno fam, hit At Allah hiniluk oke, hit keroho ulug it kwanangge inoag elehon etno farim fobik hinindi ebebuog ulug suruk ahep-o? Ariroho suruk ahep ari, hit nin fobik inim-at inanggimbu welamuog ulug suruk ahep ano?

Efesus 2:20

eke it Allah wene yig isil lawag ulug mondep isebahon epmano inimen o andorli neken oag weregsoho embebag etno fam, At Kristus Yesus ebe-at o wut oag neken wereg heheg, hit epmano o hobat neken hinombisaharisi-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

1 Timotius 3:15

At Allah iluk werehon udaki etno ari wene demat urukon etno waruk wilil, o wut oag helep neken aplohok uruk elehon belabeg etno ilitoho wereg-o.

1 Timotius 6:19

It ariroho fano mondog suruk isalug, iniluk welamon etno holawag ulug kidia o andorli neken umburuk-o. O andorli ari iren fano surukon etno fam fobik iniluk welamon etno holahup-o.

Ibrani 11:10

Eke inibam sum fam falfareg oke, o suon andorli oag weregsoho falegma welamon At Allah akelehen indi kahaloko faluhu ambeg epmano-at welamuhuk-o, ulug ahla buruk wilil, aso welapag.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

1 Yohanes 2:19

Antikristus inebe anggolo atuson epmano ninim welatukukon oke, eke ninim welahe fug-o. Ninim welatlomen, nit welahe ambeg welatlep-o. Eke it inebe niron elegma, selegma amag ulug wilip atusa-o.

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.

Wahyu 21:14

Ariroho baleg weregma, o etno andorli helep dua bela­sen angge etno fam it At Wam Domba Udag etnowen omini mondep isebahon epmano ini­nuk dua belas holal baleg weregma harikik-o.

Wahyu 22:4

Ariroho wilil, iren At olohore inil hahup-o. Eke At inuk etno inilahoag fam holal baloko weregma,

Wahyu 3:8

Eke hiren suruk ahebon etno An niluk-o. Eke hit dorat hinoag wereg ari An niluk-o. Eke hit Anden yig hisaruk seahon etno hinesanggo holtikipseg, nobam eberoko warikip-o. Eke it apheyen larep hisahuk haion oke, Anden sok etno husep hisaharikik-o.