2 Timotius 2:18 - Allah Wene Hurumbik Keron

¹⁸ It epmanowen wene demat ulug ukon etno sohorep isalug, it aphe nin demat ulug ebetukon epmano inindi kahalukag ulug yig isaruk wilil, “Ninebe min ninaptukon etno fobik min ninabuhu fug-o; arat min ninaptisi-o,” ulug yig isaruk-o.

2 Timotius 2:18 ပူးပေါင်းရင်းမြစ်များ

Matius 15:13

Yig ituk apagma, At Yesus etnowen yig isaruk wilil, “Eleg-o, yi angge di angge An Nikni boholma werehon etnowen i yatisi fuhon etno hohol angge ulug henoko wahu-o.

Matius 22:29

Yig ituk apagma, eke At Yesusen yig isaruk wilil, “Hit wene baleg etno inim, eke At Allahen oag weregsoho surukon etno inim hinapeleg wilil, urunanggeroho-at uruk ahep-o.

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Kisah Para Rasul 5:39

Eke At Allahen yig isarukmu suruk isalug, hiren war inabuk ulug hinahla buk fug-o. Ariroho suruk wilil, At Allah hinim healeg neken welam ari hai-o,” ulug at Gamaliel etnowen yig isebag. Yig isebahon etno demat ehek ulug inindi ebetuk wilil,

1 Korintus 11:19

Eke it hinim welahebon arien fano surukon epmano selegma amag ulug, hinim healeg welahep etno alem ari-at-o.

1 Korintus 15:12

Eke At Allahen Kristus warapag ambehen minduhupfebahon wene etno selegmaroho yig hisaruk nisalug, it aphe hiron ninen “Nit waratuk ambeg epmen minahe ha fug-o,” ulug uruk ari keroho ulug uruk-o?

Kolose 3:1

Eke ari halug, At Kristus hinim hinilukep hisaharisireg fam, yi angge di angge boholmon epmano-at heahil laruk amuk-o. Eke At Kristus Allah inggik bikit fil boholma-at horieg wereg etno fam, yi angge di angge boholmon-at ebetuk amiek-o.

1 Timotius 1:19

Ari halug, hat hobabut fanoroho suruk amin-o. Eke it ap ninen inobabut surukon etno yaha fanoroho wereg eleg isalug, iren demat ulug eberoko warukon etno inapeleg atisi-o.

1 Timotius 6:10

Eke yi dag di dag surukon epmano alem yi angge di angge inim, uang inim nindi nindi urukon etno-at wereg-o. Eke it ap ninen uang ari-at nindi-o, ulug uruk wilil, wene demat ulug urukon etno sohorep isalug, eke ap misig wataruk wilil, yahayen bal saruk etno hag, it aphe nindi nindi urukon etno eleg atuk halug, inindi dag atuk-o.

1 Timotius 6:21

Eke it ninen wene ari heag sehe-o ulug, Allah wene demat ebetukon etno inapeleg atisi-o. Eke At Allahen hit obog hinabua hisawag ulug yig hisihi-o.

2 Timotius 2:14

An ariroho yig hirihion etno haren hudaki yig isaruk wilil, “Hit yi angge di angge farim winimug abuk fug-o,” ulug At Allah il fam yig isaruk amuk-o. Eke yuhun-at winimug aptukon etno fam aphe fano atuk eleg-o; yuhun-at winimug aptukon etno it aphe inesanggo holtuk atlug inindi dag atuk-o.

Titus 1:11

Eke it ap ariroho inenggal urukon etno bok amag ulug yig isimuk-o. Eke it epmano dahan fahan suruk wilil, inaharek anggolo amag ulug o sili misig keheg sil nuruk wilil, wene dahon-at it yi aphe di aphe yig isaruk-o.

Ibrani 3:10

Iren ariroho suruk apagma, Anden winimug isaruk atikikseg, uruk wilil, ‘It aphe duma inahla ebetuk etno, nintul nantul dahan fahan-at ebetuk-o.

Yakobus 5:19

Ari halug, nomini-o, ap hit hinomin misihen fano surukon wene etno sohorep isalug dahan fahan sil laruk halug, hiren at etno indi werehap suk ari, fano-o.

1 Yohanes 2:19

Antikristus inebe anggolo atuson epmano ninim welatukukon oke, eke ninim welahe fug-o. Ninim welatlomen, nit welahe ambeg welatlep-o. Eke it inebe niron elegma, selegma amag ulug wilip atusa-o.