2 Timotius 2:15 - Allah Wene Hurumbik Keron

¹⁵ Eke At Allah hat yabuk fano suruk ahen ulug yig nemag ulug yabuk etno henggali elegsoho wilil suruk amin-o. Eke Allah wene demat ulug yig nisebahon etno fikfag aphe yanggul isaruk amin-o.

2 Timotius 2:15 ပူးပေါင်းရင်းမြစ်များ

Matius 13:52

Yig ituk apagma, Aren yig isaruk wilil, “Ari halug nomini-o. Hit wene unde neken welahebon ari, At Allah weregmen sukon etno hinindimu ebetuk hisalug, at ap ibam unde wereg etnowen o yi angge di angge umburuk ambeg etnowen keron inim, amukon inim walug waharukon etno hag hit ariroho-at welahep-o,” ulug yig isebag.

Markus 4:33

Ariroho wene ilitoho neken anggolo-at yig isaruk wilil, wene fano wene etno yanggul isebag. Ariroho yanggul isebag ari, iren fanoroho-at inindi bukon ulug ahla buruk apareg yanggul isebag. Eke wene misig iren fanoroho ebebukon fug ulug ahla bebahon etno yanggul isebag fug.

Lukas 12:42

At Ninowe etnowen yig ituk wilil, “At anggimbu indi enggaron ilukon etno sa-o? Ari, at o unde etnowen anggimbu fanowon etno o aso welamag ulug heako umbulug, yabuk fanoroho suruk amag ulug yig iseheg, eke anggimbu nin epmano inaharom nintul nantul og iseheg suruk amag ulug minduhupfuruk-o.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Kisah Para Rasul 20:27

Hinonggareg hinakeleg hinobabut fam hinili wao sohorep hisahaku-o.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

Roma 16:10

Eke at Apeles At Kristus inim wilil at obabut suruk ninilukon etno inim-at heahi watuk amuk-o. Eke it at Aristobulus omini inim werehon epmano inim-at heahi war inaptuk amuk-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

1 Korintus 2:6

Eke anden wene iniluk amon etno-at yig isaruk ahi-o. Eke it kweanmon epmano kidia suon neken wereg oke, fobik inoag eleg amuhubon epmanowen inune enggatsoho ukon etno sohorep isalug, anden it inindi werehon epmano wene iniluk amon etno-at yig isaruk ahi-o.

2 Korintus 10:18

Eke onggarehen suontepatarukon halug, doron neken-at wereg-o.

2 Korintus 3:6

Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

2 Korintus 5:9

eke ninibam duma weregma ano, eke At ninim weregma ano, At etno ahien hawag ulug suruk ahe-o.

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

1 Tesalonika 2:4

Eke At Allahen ariroho iuk yig nisarukon etno ilitoho-at yig isaruk ahe-o. Eke wene fano wene etno niren aphe yig isawag ulug At Allahen ninaren baloko minduhup nisaharisireg fam, At Allah ahien nisawag ulug suruk ahe-o. Eke At Allahen ninaren baltuk heheg, aphe inahien nisawag ulug suruk ahe fug-o.

1 Tesalonika 5:14

Eke it yabuk seheg eleg yuhun-at sil nurukon epmano inesanggo wareheg, eke it ap inindi angginon epmano inahlahairep iseheg, eke it inindi oag elehon epmano inindi oag werehep iseheg, eke it obog hinune fanowon-at yig iseheg suruk amag ulug yig hisihi-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

Ibrani 4:11

Ari halug, nit ariroho At Allah ninim kelsaruk amuhuken ulug, fanoroho suruk amuk-o. Eke it epmano inesanggo fanoroho holuk sohorep isalug, kebag fug etno hag, nit ariroho kuk sohorep isehe ha nowen-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

Yakobus 1:18

Eke nit ninebe epmano At udaki manggia neken welamag ulug, Aren ahla bulug yi wene di wene demat surukon epmano yig nisaruk wilil, endag ninaptuk-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.

2 Petrus 1:15

Nebe fobik wararuhuk ari famen yi wene di wene yig hisarikikon epmano hinindimu ebebukag ulug kidia-at yig hisa fano ulug nahla buruk ahi-o.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.