2 Timotius 2:14 - Allah Wene Hurumbik Keron

¹⁴ An ariroho yig hirihion etno haren hudaki yig isaruk wilil, “Hit yi angge di angge farim winimug abuk fug-o,” ulug At Allah il fam yig isaruk amuk-o. Eke yuhun-at winimug aptukon etno fam aphe fano atuk eleg-o; yuhun-at winimug aptukon etno it aphe inesanggo holtuk atlug inindi dag atuk-o.

2 Timotius 2:14 ပူးပေါင်းရင်းမြစ်များ

Matius 16:26

Eke hit o ahik ya da yi angge di angge obog unde welamuhupseg, etno fam fobik waram ari fano buruk ahep ano? Ari eleg-o. Eke hinebe waramuhupseg, fobik niniluk amulen ulug onggo nongge ombatahup-o?

Kisah Para Rasul 13:10

yig ituk wilil, “Hat iblis amloho du wai. Haren yi angge di angge fanowon epmano seberoho umburuk wilil, yi angge di angge dahon uson epmano-at suruk hiyihi-o. Ariroho suruk wilil, at Ninoweyen demat ebahon etno enggal ebag neken buruk ahen-o.

Kisah Para Rasul 15:24

Eke hit epmon ap misig misig iren uruson etno fam hinindi kahaltusa ulug ninesanggo holtukuk ari, niren yig isarukukmu urusa fug-o.

Roma 14:1

Eke ap hiron misig indi oag eleg halug, hinim fanoroho welamuk-o. Ariroho wilil, hinim winimug aptuk am fug-o.

Galatia 1:7

Eke wene ari ebe eleg oke, eke it ninen hinindi kahalik waharuk wilil, Kristus wene fano wene du at-o, ulug yig hisarukon oke, ebe ninon-at uruk-o.

Efesus 4:17

Eke ari halug, At Ninowe inuk fam nune oag weregsoho yig hisaruk ahi-o, eke it ap Allah wene inapelehon epmano inindimu urunanggeroho ebetuk wilil o hikmu werehon epmano ilitoho suruk am fug-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

2 Tesalonika 3:6

Nomini-o, At Ninowe Yesus Kristus inuk fam duroho yig hisaruk ahe-o, it hinomini epmano inaborali wilil, niren yig isarukukon etno ilitoho suruk elehon halug, it inakelegsoho sohorep isiuk-o.

1 Timotius 1:4

Eke iren dindilabug eheg, eke ninetamu inuk ulug yi angge di angge inuk yig iseheg suruk wilil, wene anggolo uruk isalug, At Allahen hurumbik yig nisebahon etno ilitoho suruk eleg-o.

1 Timotius 1:6

Ariroho yig nisebahon oke, eke it ap ninen sohorep isalug, yi wene di wene ebe eleg atukon etno uruk wilil,

1 Timotius 4:8

Eke inebe inoag wereg amag ulug yanggul sawon etno fano-at oke, eke inindi oag wereg amon ari yanggul saruk halug mondog fano at-o. Ariroho nindien yanggul saruk halug, kidia inim, eke fobik inim niniluk welamon etno holahuk-o,

1 Timotius 5:21

Eke At Allah Kristus Yesus inimen, it malaikat imig inapahon epmano inim, it obog inil fam nune oag weregsoho yig hituk ahi-o. Eke anden ariroho siuk ulug yig hirihion etno it hominien suruk isalug, yamintaltoho seberebuk fug-o. Eke yi angge di angge epmano hat homini-at og isaruk am fug-o.

1 Timotius 6:13

Eke At Allah yi angge di angge iniluksoho umburukon etno inim, eke At Kristus Yesus at Pontius Pilatus il fam demat wene ebahon etno inim it ininuk fam yig hituk ahi-o,

2 Timotius 1:6

Ariroho nindi ebetuk wilil, an bilin hungguluag ninggik senetukmu, At Allahen og hitision etno hahla bukag ulug yig hituk ahi-o.

2 Timotius 2:16

Eke At Allah ebe hinapeleg am nowen ulug, yi angge di angge epmano farim winimug aptuk am fug-o.

2 Timotius 2:23

Eke it nin inapeleg wilil, urunanggeroho yi angge di angge farim uruk atlug fobik winimug aptuk etno hag, hat ariroho uk fug-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

Titus 3:1

Suon inim, it inowesi epmano inim inesanggo fanoroho holtuk wilil, hiren yabuk fanowon misig siek ulug yig nisaruk hisalug, nit suhuk at-o, ulug ukag ulug yig isaruk amin-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

2 Petrus 1:13

Yig hisa fano bihion oke, At Nowe Yesus Kristusen bilin yig nepag etno hag, horog kidia nebe wararuhuk-o.