2 Timotius 2:13 - Allah Wene Hurumbik Keron

¹³ Eke nit we dorat ninindimu demat ulug ebetuk aheon oke, At hag demat ulug ahla buruk wilil welaruhu-o. Eke Aren bilin ebahon etno onggarehen sohorep isaruk eleg-o.”

2 Timotius 2:13 ပူးပေါင်းရင်းမြစ်များ

Matius 24:35

Eke bohol inim, kwean inim ari eleg aruhu oke eke An nune etno hag eleg aruhu fug-o,” ulug yig isebag.

Roma 3:3

Ariroho og isebareg fam, eke it ninen wene eberoko webag fuhon oke, ari fam At Allahen duroho suhuk ulug hurumbik ebahon etno ilitoho suhu fug buruk ahep ano? Ari eleg-o. It aphe obog-at inenggal uruk atlebon oke, At Allah etno demat urukon wereg ulug, Alkitab fam yig nisaruk wilil,

Roma 9:6

Eke anden ihion ari, At Allahen hurumbik yig isebahon etno hai apag ulug yig hisaruk ahi fug-o. Eke it Israel aphe epmano it nin inobabut At Allahen udaki imig inapahon neken welapag fug-o.

1 Korintus 1:9

At Allahen Amloho Ninowe Yesus Kristus hinim hinindi hunduhuk welamuhuben ulug wol hisebahon etnowen At indi ebetukon etno demat suruk ulug hinahla buruk amuk-o.

1 Tesalonika 5:24

Eke At wol hisarision etno demat surukon halug, ilitoho-at suhu-o.

2 Tesalonika 3:3

Eke At Allahen ebahon etno ilitoho-at suhu-o. Eke Aren hit hinindi oag werehep hisaharuk wilil, at ap dag surukon hinapma seberepfuhu-o.

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Ibrani 6:18

Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.