2 Timotius 2:11 - Allah Wene Hurumbik Keron

¹¹ Eke wene du demat yig nisaruk wilil, “At ninim waratukuk halug, At ninim-at niniluk welamuhuk-o.

2 Timotius 2:11 ပူးပေါင်းရင်းမြစ်များ

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Roma 6:5

Eke At Yesus warapag etno hag ninim waratukuk halug, At ebe iluksoho minduhupfebag etno hag, nit ariroho ninim dambuksoho minduhup nisahaku-o.

Roma 6:8

Eke nit At Kristus ninim waratuk soag halug, nit At ninim-at niniluk welamuhuk ulug ninahla buruk ahe-o.

2 Korintus 13:4

Eke At ebe oag elehon neken e fam lenggaloko embebagma warapahon oke, At Allahen oag werehon etno-at og epagma, ebe iluk wereg-o. Eke nit At Kristus ninim wilil, At il fam ninoag elehon-at oke, eke fobik hit hineyabuk suruk nisalug, At Allahen oag werehon etno og nisaruk aruhumu, At Kristus ninim niniluk-at welamuhuk-o.

2 Korintus 4:10

Eke At Yesus wapag etno hag, ninebe war ninabuog ulug suruk ari fam, At etno iluk wereg-o, ulug selegma amag ulug ninebe niniluk welahe-o.

1 Tesalonika 4:17

Minduhup isaruk aruhureg, eke o ari sambit nit ninilukon etno inim eke it minduhup isahuon etno inim, obog-at balurep nisaharuk aruhureg, og ninaplug hena fam lahakureg, boholmen At Ninowe etno ninim heahi war war uruk amuhukseg, nintul nantul At Ninowe etno ninim welamuhuk-o.

1 Tesalonika 5:10

Eke nit ninilukon inim, it waratuson inim At ninim niniluk welamag ulug nit ninake warapag-o.

1 Timotius 1:15

Eke it aphe obohen eberoko wawag ulug, wene du demat yig hituk ahi-o, At Kristus Yesus etno it aphe dag surukon epmano fano inabiog ulug o kweanma duma wapag-o.

1 Timotius 3:1

Ap misihen an aphe inindi aso welaruhuk, ulug ahla buruk halug, yabuk fanowon-at huliog ulug suruk-o, ulug an demat yig hituk ahi-o.

Titus 3:8

Eke yi wene di wene yig hirihion epmano it aphe fikfag yig isawag ulug yig hiri­hi-o. Eke it obog Allah wene demat ulug eberoko warukon epmanowen nintul nantul yi angge di angge fanowon-at suruk arik ulug inahla bukag ulug yig hirihi-o. Eke yi angge di angge fanoroho suruk wilil, inindi fanowon keron-at heag sahup-o.