2 Timotius 1:8 - Allah Wene Hurumbik Keron

⁸ Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

2 Timotius 1:8 ပူးပေါင်းရင်းမြစ်များ

Markus 8:38

Eke fobik it aphe duma narlog harlog seheg, yi dag di dag seheg suruk iseheg, hit hinim-at wilil An nawene etno yig isao hinenggalien sohorep isaruk amuhup halug, fobik An Allahen minduhup naharision etno it boholma malaikat epmano ninim At An Nikni etnowen ninalontoho lahap nisa waharuk aruhumu, Anden hinili wao sohorep hisahakuk-o,” ulug yig isebag.

Lukas 9:26

Eke hit An ninuk inim, An nawene etno inim yig isao hinenggalien sohorep isaruk amuhup halug, fobik An Allahen minduhup naharision etno An Nikni inim, it boholma malaikat epmano inim ininuk suon wereg etno hag ninuk suontep naharuk amuhupmu, Anden hinili wao sohorep hisahakuk-o,” ulug yig isaruk apareg, eke fobik yig isaruk wilil,

Yohanes 15:27

Ariroho yig hisaruk aruhu etno hag, hit An ninim bilin welatukukon etnowen inim-at An nawene etno yig isil lahup-o.

Yohanes 19:35

Ari halug, iren yiroho diroho suruk apahon epmano at ilanggen harision etnowen yig isarisi-o. Eke aren yig isarision etno demat yig nisarisi ulug niniluk at-o. Eke hiren wene etno eberoko wawag ulug, aren wene demat uruk amon etno yig isaruk ahi ulug iluk wereg-o.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

Roma 8:36

Eke at Alkitab wene holal baleg etnowen yig nisaruk wilil, “Nit hat hawene waruk nisalug, ilikia hupmu-at war ninabuog ulug suruk-o. Ariroho suruk wilil, wam domba war inabuog ulug suruk etno hag war ninabuog ulug suruk-o,” ulug wene holal baleg etno fam yig nisaruk oke, eke nit ninebe At indi hunduhuk welapahon etno ninim welahe ari fam nit ninebe ninoag weregsoho suon-at welamuhuk-o.

Roma 9:33

Eke helep ari fam at Alkitab etnowen yig nisaruk wilil, “Helep aphe iniog ahap watukon etno o Sion epma umburuk ahi ari, helep suon inambit harukon etno-at umburuk ahi-o. Eke At ebe helep ilitoho werehon etno obam ebetuk isalug, inenggali hahup fug-o,” ulug yig isebag-o.

1 Korintus 1:6

At Kristus awene etno hit hinindimu oag weregsoho warikip-o.

2 Korintus 6:7

Eke At Roh Kudusen yig nisarukmu yig isaruk aheon etno inim, eke aphe ninim demat ninindi hunduhuk welaheon etno inim, eke wene demat urukon yig isaruk aheon etno inim, eke At Allah oag fam ninoag weregsoho suruk aheon etno inim, niren obog-at suruk wilil yanggul isil nuruk ahe-o. Eke ininggik bikit fil warukon etno inim, eke ininggik harebag fil werehon etno inim ilitoho-at walug wim abil laruk apag etno hag, nit motoho suruk amon etno-at walug sil nuruk ahe-o.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Efesus 3:13

Eke an hit hinake dahon nobam umburukon ari hinesanggo holtug hinindi oag eleg am fug-o, ulug yig hisaruk ahi-o. Eke hit hinil nealug hinoag weregsoho welamag ulug ariroho welahi-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Efesus 4:17

Eke ari halug, At Ninowe inuk fam nune oag weregsoho yig hisaruk ahi-o, eke it ap Allah wene inapelehon epmano inindimu urunanggeroho ebetuk wilil o hikmu werehon epmano ilitoho suruk am fug-o.

Filipi 1:7

Eke hit nintul nantul an nindimu neken welahep ari fam, an nahientoho hinobam ebetuk ahi-o. Eke bilin an nebe o ahik ya da laruk wilil, Allah wene yig iseheg, eke inindi ayeg warep iseheg, suruk atikikseg, kidia an nebe hele wareg welahion oke, At Allahen nit obog ninabua nisawon wene hit an ninim dambuksoho seneg welatukuk-o.

Filipi 3:10

Eke At Kristus ebe niluk welamon etno inim, eke At ebe iluk atlug minapareg fam oag werehon og nisawon etno inim, eke At obam dahon umburusa etno hag an nobam umbukon etno inim,

Filipi 4:13

Ariroho nahla buruk wilil, o ahik ya da epmano sil nuruk neyeheg, At Kristusen oag werehon etno og nitukmu, yi seheg di seheg noag weregsoho-at suruk ahi-o.

Kolose 1:11

Eke At Allah oag wereg halug, hit hinoag weregsoho welamuk-o. Eke it ninen hit seberep hisahuog ulug waharuk amuhupmu, hit hinahla bugsoho wilil, minduhuk welamuhup-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

1 Tesalonika 3:4

Eke nit ninebe bilin ninim wilil, dahon etno ninobam umbuhup-o, ulug hurumbik yig hisarukukseg fam, kidia ilitoho dahon hinobam umburuk etno hiniluk-o.

1 Timotius 2:6

Eke At Yesus ari nit yi aphe di aphe obog-at ninonggo warapag-o. Eke At etno bilin warapareg fam, At Allahen aphe obog ninili wiog ulug suruk-o, ulug niniluk atuk-o.

2 Timotius 1:10

eke kidia At Yesus Kristus ninili warukon etnowen At Allahen hinabua hisaruk-o, ulug dindiloko yig nisarisi-o. Ariroho wene fano wene etno yig nisaruk wilil, hiniluk welamon wene etno yig hisaruk ahi-o, ulug yig nisarisireg fam, waratukon alem etno elegsoho imbirisi-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 1:16

Eke at Onesiforus omini inim epmano At Allahen inabua hawag ulug an inake sembahyang uruk ahi-o. At Onesiforus etno an nabua haruk wilil, at Paulus hele wareg wereg ulug akol eleg-at wilil,

2 Timotius 2:3

Eke hat hag, At Yesus Kristus anggimbu fanowon weregma, dahon etno hobam umburuk isalug, hahla bugsoho welamin-o.

2 Timotius 2:8

Ebetuk wilil, eke At Yesus Kristus etno inim obam ebetuk amin-o. Eke At Yesus etno Daud etamu neken weregma, aphe waratuk ambehen iluksoho minduhupfebag ulug, wene fano wene etno aphe yig isil nuruk ahi-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.

2 Timotius 4:5

Ariroho suruk amuhubon oke, eke hat hag nintul nantul hindi aso fanoroho welamuk-o; eke wene fano wene yig isil larukon yabuk etno-at suruk amin-o; eke hat hebe At Allah anggimbu wilil yabuk fanoroho suruk heyeheg, it ninen dahon hobam umburuk isalug, hahla bugsoho welamin-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.

1 Yohanes 4:14

Eke aphe inili wawag ulug, At Iknien Amloho belabik wapag etno nit ninilanggen haruk atukukseg, aphe obog yig isaruk ahe-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.

Wahyu 1:2

Belabik waharuk apareg, yig ituk apagma, at Yohanesen ilanggen hebahon etno aphe obog iniluk amag ulug buku du fam wene holal embe­bag-o. Ari halug, At Allahen ebahon inim, eke At Yesus Kristu­sen wene demat urukon ebahon etno inim, obog-at buku du fam weregma,

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.

Wahyu 12:11

Eke At Wam Domba Udag etnowen amep inake delfag halug, it ninomini epmanowen at setan etno seberepfehesa-o. Eke it epmanowen wene demat urukon etno yig isaruk wi­lil, nit waram fano at-o, ulug uruk atusa-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.