2 Timotius 1:7 - Allah Wene Hurumbik Keron

⁷ Ari halug, At Allahen Roh Kudus og nisarisireg fam ninakoltoho welahe fug-o; eke Aren angge Roh Kudus etnowen oag werehon etno inim eke ninindi seberohon etno inim, kelegsoho og nisaruk-o.

2 Timotius 1:7 ပူးပေါင်းရင်းမြစ်များ

Lukas 10:19

Hit walo hukalo obam hiniog umbukon etno inim, eke setan oag werehon wilipfukon etno inim Anden oag werehon etno og hisarikikseg fam, war hinabuhup fug-o.

Lukas 15:17

Ariroho suruk atisireg, fobik indi wereg atlug ahla buruk wilil, an nikni anggimbu ari inahumsoho naruk oke, eke an hag orom oboken warariog ulug suruk ahi-o.

Lukas 24:49

Eke An Niknien og hisawon abug yig hisarision etno fobik belap hisa waruhuk-o. Eke hit hag, boholmen oag werehon etno ninobam belabik waruhu ulug aso wilil, o duma welamuhup-o,” ulug yig isebag.

Lukas 8:35

it aphe epmanowen uruk wilil, “Keroho surukmu isehesareg ehesa-o,” ulug wenag inabik lebag. Wenag inabik laruk apareg, fobik At Yesus ambeg waharuk apag, at ap setan anggolo indimu kebahon etno indi ubulukmu atuk apareg, sum wantoho At Yesus inim horieg weregma inilanggen haruk apareg, inakol apag.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 21:13

Yig ituk atukukmu, eke aren yig nisaruk wilil, “Hit nongge farim an nobok yatuk wilil, nindi dahap suruk ahep? An Yesus inuk fam weregma, it o Yerusalemen hele war nabuk fano at-o. Eke nebe nowabuk halug fano at-o,” ulug yig nisaruk atisireg,

Kisah Para Rasul 26:11

Yig isaruk atikikseg, eke fobik it o Allah wene uruk ambeg etno kuruk atikikseg, iren Yesus wene ninambit ukag ulug yikangge anggolo waroko wilip isarikik. Wilip isaruk atikikseg, eke fobik mondog nasine atuken o yatma inim heako war inabil nuruk atikik,” ulug at Paulus etnowen yig isarisi.

Kisah Para Rasul 26:25

Yig ituk atisimu, at Paulusen yig ituk wilil, “Nowe-o, an nenek neken uruk ahi fug-o. Eke yig hisihion epmano nindi fam demat yig hisihi-o.

Kisah Para Rasul 6:8

Nin eke at Stefanus etno At Allah ahien obam umburukmu, oag weregsoho sil nuruk wilil, elalintoho sukfugangge sil nuruk apag.

Kisah Para Rasul 9:22

Uruk apareg weregma, at Saulus etno une oag weregsoho yig isaruk wilil, “At Yesus ari Kristus at-o,” ulug yig isaruk apagma, it Yahudi ap o Damsyik welapahon epmanowen, “Wene onggo keroho yig imuk-o?” ulug inapeleg atuken sohorep isebag.

Roma 5:5

Eke demat fanoroho ninombisahaku ulug ninahla buruk wilil, ninindi dag atuk eleg-o. Eke nit ninindimu At Allahen bilin Roh Kudus kelegsoho og nisarision etnowen yig nisaruk wilil, “At Allahen hit hinebe indi hunduhuk wereg-o,” ulug yig nisaruk-o.

Roma 8:15

Eke Roh Kudus At Allahen og hisarision etnowen hit hinebe anggimburep hisaharuk wilil, hinakoltep hisaharuk eleg-o. Eke At Roh Kudusen hinebe At Allah udaki welamag ulug hinombisaharukon etnowen yig hisarukmu, At Allah obam (Aba) Ninikni ulug yig ituk ahe-o.

1 Korintus 2:4

Eke ariroho wilil, it aphe ninindi wereg ulug inahla burukonen inune enggatoho uruk etno hag wene yig hisarikik fug-o. An Roh Kudus oag werehon etno fam hurumbik dindiloko yig hisiog ulug sirikik-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Kolose 1:8

Roh Kudus hinindimu kuruk atisimu, hinim hinindi hunduhuk welatikibon epmano yig nisarisi-o.

Ibrani 2:15

it aphe waramon etno nintul nantul iniluk wilil inakolen suruk etno fam at iblis anggimbu welapahon etno it inilioko imbisebag-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Yohanes 4:18

Ninim hunduhuk wereg nisalug, ninakol elegsoho-at welahe-o. Eke it we dorat inomini inindimu hunduhuk werehon halug, inakoltoho-at wereg ari, fobik onggo kerohon og nisahu-o ulug inahla buruk wilil, inakoltoho wereg-o.