2 Timotius 1:5 - Allah Wene Hurumbik Keron

⁵ Eke hat humbia Lois inim, eke hat hisina Eunike inim Allah wene demat ulug eberoko webag etno hag hat ariroho-at Allah wene demat ulug eberoko waruk ahen etno niluk wilil, hobam nindi ebetuk ahi-o.

2 Timotius 1:5 ပူးပေါင်းရင်းမြစ်များ

Yohanes 1:47

Yig ituk apagma, At Yesusen Natanael etno At ambeg waharukmu ilanggen haruk apareg, At awene etno uruk wilil, “At Israel ap misig enggal eheg eleg demat urukon etno du hinilanggen himiek-o,” ulug yig isebag.

Kisah Para Rasul 16:1

Nin eke at Paulus etno o Derbe inim, o Listra inim lebag. Laruk apareg weregma, ap Allah wene warukon misig inuk Titus etno isina Allah wene warukon ungguluag Yahudi hwe weregma, eke ikni ungguluag Yunani ap welapag.

Kisah Para Rasul 26:26

Eke nikni Agripa wai, anden yi wene di wene ihion epmano hat hiluk weregma, an nakol elegsoho yig hituk ahi-o, ulug ihion epmano selegma-at surukmu, hat obog hiluk atisi-o.

Roma 14:14

Eke an At Ninowe Yesus ninim nindi hunduhuk wilil, yi angge di angge epmano uson eleg ulug nahla buruk wilil, demat niluk atisireg, yig hisaruk ahi-o. Eke ap misihen alem du suruk am usa-o ulug ahla buruk halug, alem ari fam ahla burukon epmano uson na fuhon-at welamag-o.

Roma 14:5

Eke it ap ninen o du fam yi angge di angge suk usa-o, ulug inahla burukon oke, eke it ninen hag o ari fam yi angge di angge suk usa eleg-o, o nintul nantul obog ilitoho-at wereg-o, ulug inahla buruk ari, hit hinindi famen du demat ulug fanoroho ebetuk amuk-o.

Roma 15:14

Nomini-o, hit hag hinobabut fano mondog welahep ari demat ulug nahla buruk ahi-o. Eke hit yi angge di angge obog alem hiniluk wilil, hit hit hinesanggo war war uruk amon etno demat hiniluk welahep ulug nahla buruk ahi-o.

Roma 4:21

Ariroho suontepfuruk wilil At Allahen abug yig nitision etno demat suhu-o ulug indi ebepag-o.

Roma 8:38

Eke waramon etno inim, eke niniluk welamon etno inim, eke it malaikat epmano inim, it inowesi boholmon inoag werehon etno inim, eke fobik sukon etno inim, eke kidia surukon epmano inim, eke it inowesi inoag werehon epmano inim, eke anduhunmu werehon epmano inim, eke apma werehon epmano inim,

2 Korintus 6:6

Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

1 Timotius 1:5

Eke At Allahen hurumbik yig nisebahon etno ninindimuen demat ulug ebetuk wilil, ninindi ninobabut fanoroho welamon etno inim, eke aphe ninindi hunduhuk welamon etno inim og nisawag ulug At Allahen hurumbik etno yig nisebag-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 3:15

Eke Alkitab ari fam wene etno niniluk amuhukseg weregma, At Yesus Kristus obam ebetuk hisalug, aren hinili wahu-o, ulug Alkitaben yig nisaruk-o.

Ibrani 11:13

Eke it aphe epmano inindi demat ulug ebetuk wilil, At Allahen hurumbik yig isebahon etno inilanggen halug eleg-at warapag. Inebe yatmen-at inilanggen yet heheg, eke hurumbik etno inindimu ebetuk wilil, inebe yatmen-at wa eheg suruk apareg, selegmaroho bukaloko uruk wilil, “O kweanma duma ap yatmon wereg etno hag, huso neken-at welahe-o,” ulug uruk apag.

Ibrani 6:9

hit hag hinindi oag weregsoho welahep ari, nit niniluk-o, nomini. Eke hit hinebe hinili wawag ulug at ahien fanoroho hinobam umburuk ari niniluk-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.