2 Timotius 1:12 - Allah Wene Hurumbik Keron

¹² Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 1:12 ပူးပေါင်းရင်းမြစ်များ

Matius 12:21

Ninowe dil ninaptukon etno ebe du at-o, ulug At obam ebebuhup-o, ulug at Yesayaen amuk holal embebag etno ilitoho seg amag,” ulug At Yesusen yig isaruk apag.

Matius 24:36

Yig isaruk apareg, eke fobik yig isaruk wilil, “Eke ebe suhu etno maram suhu-o? Ari nit ninapeleg-o. Ilikia suhu ano, hupmu suhu ano ulug nit ninapeleg-o. Eke it malaikat epmano inapeleg at-o. Eke An Allahen minduhup naharision etno napeleg at-o. Eke At Ninikni akeleg-at iluk-o.

Matius 7:22

Eke fobik o ari sambit it aphe anggolo epmanowen yig nituk wilil, ‘Ninowe-o, Hat hinuk fam wene yig isaruk soag etno Hat hapeleg ano? Eke Hat hinuk fam yi angge di angge obog-at sukfuganggeroho suruk soag epmano Hat hapeleg ano?’ ulug yig nimuhup-o.

Lukas 10:12

Eke At Allahen bilin o Sodom etno dorat war inapahon oke, eke it aphe nin inambit hun hinaptukon epmano inaren baltuk atlug inabua heheg eleg mondog-at war inabuhu-o,” ulug yig isaruk apareg, lahap isebag.

Lukas 23:46

Kahal atuk apagma, At Yesus etno une suon uruk wilil, “Nikni-o, An nahut Haren wimin-o,” ulug uruk apareg, warapag.

Yohanes 17:15

Eke it inebe epmano o kweanma dumen fuloko og inaplug o misig imbisawag ulug yig hirihi fug-o. Ariroho yig hirihi ari, at setan dag surukon etnowen inindi kahalik wam nowen ulug-at yig hirihi-o.

Yohanes 6:44

Ap misig At An Nikni lahap nabik waharision etnowen nambeg imbik waharuk eleg halug, Aren nambeg wam ari hai-o. Eke Aren imbik waharuk halug, o ari fam iluksoho minduhupfuhuk-o.

Kisah Para Rasul 13:46

Enggali watuk apagma, it Paulus Barnabas etanowen inakol elegsoho yig isaruk wilil, “At Allah awene etno bilin hit-at yig hisuog ulug welahe-o. Ariroho yig hisuog ulug welahe oke, eke hiren ninambit-o ulug uruk wilil, hinili wawon etno sohorep isehepseg fam, niren hit yig hisao sohorep hisahalug, it Allah wene inapelehon epmano-at yig isa lahuk-o.

Kisah Para Rasul 13:50

Su atuk apagma, it Yahudi aben it hweap suon Yahudi wene warukon epmano inim, eke it o epma inowesi suon inim yig isaruk wilil, “It Paulus Barnabas du war inabiek-o,” ulug yig isaruk apagma, it epmanowen Paulus Barnabas muko wilip isebag.

Kisah Para Rasul 21:13

Yig ituk atukukmu, eke aren yig nisaruk wilil, “Hit nongge farim an nobok yatuk wilil, nindi dahap suruk ahep? An Yesus inuk fam weregma, it o Yerusalemen hele war nabuk fano at-o. Eke nebe nowabuk halug fano at-o,” ulug yig nisaruk atisireg,

Kisah Para Rasul 7:59

Umbulug laruk apagma, at Stefanus Allah obam sembahyang uruk wilil, “Yesus Nowe-o, an nahut etno Haren og nabin-o,” ulug yig itukmu, at ebe helep fam watuk iseheg,

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 9:33

Eke helep ari fam at Alkitab etnowen yig nisaruk wilil, “Helep aphe iniog ahap watukon etno o Sion epma umburuk ahi ari, helep suon inambit harukon etno-at umburuk ahi-o. Eke At ebe helep ilitoho werehon etno obam ebetuk isalug, inenggali hahup fug-o,” ulug yig isebag-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

1 Korintus 3:13

ulug inakeleg inakeleg surukon epmano fobik At Yesus waruhu etno fam o ari keroho faltusa ulug obog selegma aruhu-o. Selegma atuk aruhumu eke o ari sambit alem selegma aruhu-o. Ariroho selegma aruhu ari yabuk alem keroho surusa ulug hondok fam selegma aruhu-o.

Filipi 1:20

Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

Filipi 3:10

Eke At Kristus ebe niluk welamon etno inim, eke At ebe iluk atlug minapareg fam oag werehon og nisawon etno inim, eke At obam dahon umburusa etno hag an nobam umbukon etno inim,

Filipi 3:21

Eke Aren nit ninebe waratuk aheon olohore nintoho seko umbulug, At ebe fanowon itog mondog werehon etno-at ilitoho seko ninombisahaku-o. Eke Aren yi angge di angge obog at apmarepatarukon halug, at oag wereg etno fam ninebe ketoho ninombisahaku-o.

Filipi 3:8

Eke At Ninowe Yesus Kristus ninim wilil At ebe niluk welahion etno ari-at fano ulug nahla buruk ahi-o. Eke yi angge di angge ninon obog doron-at ulug At Kristus inuk fam hik isarikik-o. Eke ariroho hik isaruk atikikseg, At Kristus ninim dambuksoho welamon etno-at huliog ulug nahla buruk ahi-o. Eke wene duroho suruk amuk eke duroho suruk am fug ulug ebahon etno it apheyen inesanggo holtug,

1 Tesalonika 2:16

Ariroho wereg ari, it ap Allah wene inapelehon epmano wene inili wawon etno niren yig isa nowen ulug nit bok amag ulug surusa-o. Ariroho surusa ari, iren nintul nantul dag suruson epmano atog ilitoho neken suruk atusama, kidia At Allah asine inobam mondog wereg-o.

1 Tesalonika 5:4

Eke ariroho suhu oke, eke hit o hikmu neken welahep fug-o nomini. Eke at ap o aso werehon etno it inalomnangge herahuog ulug kurukim ilanggen yaharoho wereg etno hag, hit yuhun-at weregma, at etno sambit waruhu halug, hinahut lahu fug-o.

1 Timotius 6:20

Timotius wai, yi wene di wene hat unde welamag ulug yig hitikikon epmano fanoroho hat seneg welaruhun-o. Eke it aben inune suon uruk wilil, inenggal urukon etno inim, eke it Allah wene inapeleg wilil nit wene keron etno niniluk at-o, ulug yamintal neken urukon etno inim, obog-at sohorep isin-o.

2 Timotius 1:14

Eke oag werehon etno og nisaruk halug, yi angge di angge fanowon og hitision etno fanoroho seneg welaruhun-o.

2 Timotius 1:16

Eke at Onesiforus omini inim epmano At Allahen inabua hawag ulug an inake sembahyang uruk ahi-o. At Onesiforus etno an nabua haruk wilil, at Paulus hele wareg wereg ulug akol eleg-at wilil,

2 Timotius 1:18

Nebe bik nea waharisireg fam, At Yesus waruhu etno sambit At Allahen abua hawag ulug sembahyang uruk ahi-o. Eke at bilin an o Efesus wereg neyeheg yalmag naptisi etno hat hiluk-o.

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Titus 3:8

Eke yi wene di wene yig hirihion epmano it aphe fikfag yig isawag ulug yig hiri­hi-o. Eke it obog Allah wene demat ulug eberoko warukon epmanowen nintul nantul yi angge di angge fanowon-at suruk arik ulug inahla bukag ulug yig hirihi-o. Eke yi angge di angge fanoroho suruk wilil, inindi fanowon keron-at heag sahup-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 2:18

Eke it ninen At obam dahon etno umburuk wilil, indi kahaluog ulug suruk apahon oke, indi oag weregsoho welapag etno hag, kidia it aphe inindi kahalik waharuk isalug, inindi oag weregsoho welamag ulug-at yig isaruk-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.

1 Petrus 4:16

Yuhun-at welatlebon oke, eke Kristus inuk warikipseg fam dahon etno hinobam umburuk isalug, hinenggali haruk am fug-o. Hit At Kristus inuk warukukseg welahe-o, ulug At Allah wa yig ituk wilil, sembahyang uruk amiek-o.

1 Petrus 4:19

dahon etno hinobam umburuk isalug, hinindi seneni ebebuk fug-o. At Allah ahla burukon etno ilitoho suruk-o, ulug hinindi ebetuk wilil, fano surukon etno-at suruk ahe-o, ulug hinahla bugsoho welamiek-o. Ariroho wilil, At ninebe wal hebahon etnowen abug fanowon yig nisarision etno suhu-o, ulug hinindi ebetuk amiek-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.