2 Timotius 1:10 - Allah Wene Hurumbik Keron

¹⁰ eke kidia At Yesus Kristus ninili warukon etnowen At Allahen hinabua hisaruk-o, ulug dindiloko yig nisarisi-o. Ariroho wene fano wene etno yig nisaruk wilil, hiniluk welamon wene etno yig hisaruk ahi-o, ulug yig nisarisireg fam, waratukon alem etno elegsoho imbirisi-o.

2 Timotius 1:10 ပူးပေါင်းရင်းမြစ်များ

Lukas 11:36

Eke hit hinobam obogsoho o seleg etno wereg halug, hondok eral fisahoma selegsoho welahep etno hag hinebe selegma neken-at hinombisaharuk-o,” ulug yig isebag.

Lukas 13:7

Yihik eleg haruk apareg, at anggimbu eyabuk warukon etno yig ituk wilil, ‘E ombomi anggen yihirukon du tahun henahan welatikikseg, anggen yihik ano ulug wenahik waharikikon oke, yihik eleg harikikseg fam, ebe muko sohorep isin-o. Anggen yihiruk elehon farim kwean elam waroko wereg ari dag-o,’ ulug yig ituk apagma,

Lukas 2:11

Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Yohanes 1:9

Ariroho yig isarukmu, at o seleg ebe etno o kweanma ambik waharuk apareg, it aphe obog inindimu selehap isebag.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 4:42

at hwe etno yig ituk wilil, “Nit bilin haren yig nisehenon etno fam At obam ebereheon etno sohorep isalug, kidia ninonggarehen At une ninesanggo holtuk ahereg, Ap du nit kweanmon ninili warukon demat-o ulug ninahla buruk ahereg, ninindi ebetuk ahe-o,” ulug yig epag.

Yohanes 5:40

hiniluk welamon etno holawon oke, An nambeg wamon hinambit-o,” ulug yig isebag.

Kisah Para Rasul 13:23

Uruk apareg, fobik at Daud etamu Yesus etno it Israel aphe inili wahu-o ulug hurumbik yig isebag.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Roma 16:26

Eke wene amuk heraho neken welapahon etno it nabi aben hurumbik wene holal embebag etno fam selegma bukaloko yig nisebag-o. Eke ariroho yig nisebag ari, At Allah ilukon itog mondog werehon etnowen ariroho yig isil alu-o ulug mondep isebareg fam, it yi aphe di aphe o ahik ya da werehon epmano obog-at iniluk amag ulug yig isil laruk-o. Eke ariroho yig isil laruk ari, it aphe obog inim, eke it bilin Allah wene inapeleg welatuson epmano inimen, wene etno inesanggo holtuk wilil ilitoho suruk amag ulug yig isil laruk-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Roma 3:31

Eke ari halug, niren At Yesus obam ebetuk ahe etno fam wene duroho suruk amuk eke duroho suruk am fug ulug ebahon etno imbisaruk ahe buruk ahep ano? Ari eleg-o. Niren At Yesus obam ebetuk ahe etno fam, wene duroho suruk amuk eke duroho suruk am fug ulug ebahon etno ilitoho-at suruk ahe-o.

Roma 6:6

Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

1 Korintus 15:26

Eke At inim healeg werehon eleg amuhubon ari, waratukon alem etno fobik neken elehap suhureg, huli umbuhu-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 5:4

Eke kidia ninibam sum fam falehon epmano wereg nisalug, angginon etno ninobam umburukmu, ea ulug uruk ahe-o, eke ninebe kweanmon epmano eleg amag ulug suruk ahe fuhon oke, eke nit ninebe boholmon etno og nisao ninindien suruk ahe-o. Ari halug, alem niniluk welamon etnowen alem waratuk aheon etno elegsoho umbuhu-o.

Galatia 5:4

Eke hit ninen it Yahudi aben wene duroho suruk amuk eke duroho suruk am fug ulug ebahon etno ilitoho suruk wilil, At Allahen alem dahon hinobam werehon epmano elehepfukag ulug suruk ahebon halug, At Kristus hinim healsaruk ahep-o. Ariroho suruk ahep ari, At Allahen hinabua hisawon etno elegsoho imbisaruk ahep-o.

Efesus 1:18

Eke hit fanoroho hinindi ebetuk hisalug, fano hinabiog ulug wol hisarision etno inim, eke At udaki ahien inobam umburuk wilil, og hisahuk ulug abug yig hisarision etno inim,

Efesus 1:9

Eke ariroho suruk apareg fam, At Kristus eyabuk suruk etno fam an nahla buruk ahion etno suhuk-o, ulug bilin herako neken ahla bebahon oke, fobik nit niniluk amag ulug dindiloko yig nisebag-o.

2 Tesalonika 2:8

Eke at ap dahon etno arat waharuk aruhumu, At Ninowe suon Yesus etno oag weregsoho waharuk aruhureg, At ele ahahe oag werehon etno fam ap dahon etno warepfuhu-o.

2 Timotius 1:1

Nomin Timotius wai. An Paulusen hat namloho nindi hunduhukon etno holal du bal hituk ahi-o. Eke nebe etno At Allah indi ebetuk apareg, At Kristus Yesus awene yig isil nuruk amag ulug minduhup naharisireg fam,

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Titus 2:11

At Allah indi hunduhuken og nisebahon etno it yi aphe di aphe inili wawag ulug selegma apag-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Titus 3:4

Ariroho suruk atu­kukon oke, eke fobik At Allah ninili warukon etnowen indi hun­duhuk wilil ninabua nisaruk atisireg, ninili warisi-o.

Ibrani 10:32

Ari halug, hiren nit bilin ariroho welatukuk ulug hinindi ebetuk amuk-o. Eke o ari sambit At Allahen o seleg Aren angge etno og hisarisireg fam, it ninen dahon epmano hinobam umburuson oke, hinindi oag weregsoho-at welatikip-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

2 Petrus 1:11

Yi wene di wene yig hisihion epmano obog hiniluk weregma, an ninim nintul nantul dahagsoho yig hisaruk amuhuk-o.

2 Petrus 1:3

At Allahen at ninim ilitoho welamuhuken ulug wol ninaptision etno niniluk wereg halug, At suon oag werehon etnowen yi angge di angge fanowon epmano og nisarisi-o.

2 Petrus 2:20

Eke at ap misig o kweanmen surukon etno sohorep isalug, At Ninowe Yesus Kristus une urukon esanggo holtug halug, fobiken iog suhuluk kwalem dahon etno laruk wilil, dahon etno obam ombataruk-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.

2 Petrus 3:2

Eke amuk it nabi aben Allah wene ebahon etno inim, eke Ninowe dil ninaptukon omini inune fam komo yig hisebahon epmano inim obog-at hinahla ebebukag ulug holal du bal hisihi-o.

1 Yohanes 1:2

Wene etno selegma atisimu harukuk-o. Harukuk halug, kidia uruk ahe-o. Eke hit yig hisarukukon ari, wene niniluk welamon wene etno At Allah Ninikni inim itog mondog welapagma, fobik selegmaroho yig nisebag-o.

1 Yohanes 4:14

Eke aphe inili wawag ulug, At Iknien Amloho belabik wapag etno nit ninilanggen haruk atukukseg, aphe obog yig isaruk ahe-o.

Wahyu 18:1

Eke fobik malaikat misig boholmen ambik waharukmu, ni­lang­gen harikik-o. Ambik waharisireg, ebe suon wilil, at apinag etno kweanma obog yangguk atisi-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 20:14

Haruk atikikseg weregma, waratukon alem etno inim, eke it warehon wereg ambeg welamon alem etno inim hondok olokma hik isa­rukmu harikik-o. Ariroho haruk neyeheg, birenam wara­tukon etno inobam umburukmu harikik-o.

Wahyu 22:14

Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.