2 Tesalonika 3:3 - Allah Wene Hurumbik Keron

³ Eke At Allahen ebahon etno ilitoho-at suhu-o. Eke Aren hit hinindi oag werehep hisaharuk wilil, at ap dag surukon hinapma seberepfuhu-o.

2 Tesalonika 3:3 ပူးပေါင်းရင်းမြစ်များ

Matius 5:37

Eke ari halug, hit yu-o ulug hinambilik famen uhupseg, ariroho-at su­hup-o. Eke eleg-o ulug hi­nambilik famen uhupseg, ari­ro­ho-at suhup-o. Eke it ninen yi angge di angge ininuk fam urukon ari, alem iblisen yig isarukmu-at uruk-o,” ulug yig isebag.

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Lukas 11:4

It onggo og nisawag ulug werehon epmano inobam inapelegsoho ninapma imbisaruk ahe etno hag, Haren nit dag suruk aheon epmano ninobam ninapelegsoho hapma ninombisahuk-o. Eke ninindi kahalik waharukim, iblis lisoko wilipfin-o,’ ulug ihi etno ilitoho hit sembahyang uruk amuhup-o,” ulug yig isebag.

Yohanes 17:15

Eke it inebe epmano o kweanma dumen fuloko og inaplug o misig imbisawag ulug yig hirihi fug-o. Ariroho yig hirihi ari, at setan dag surukon etnowen inindi kahalik wam nowen ulug-at yig hirihi-o.

1 Korintus 1:9

At Allahen Amloho Ninowe Yesus Kristus hinim hinindi hunduhuk welamuhuben ulug wol hisebahon etnowen At indi ebetukon etno demat suruk ulug hinahla buruk amuk-o.

1 Korintus 10:13

Eke hinindi kahalik wamon etno hag, it yi aphe di aphe obog-at inindi kahalik waharuk halug, hinindi oag eleg am nowen ulug, At Allahen bilin hurumbik yig hisebag etno ilitoho maha hinombisahaku-o. Eke at misihen hinindi kahalik waharuk halug, hinindi oag weregsoho welamuhuben ulug, At Allahen hinili wahu-o.

1 Tesalonika 5:24

Eke At wol hisarision etno demat surukon halug, ilitoho-at suhu-o.

2 Timotius 4:18

Eke it apheyen dahon epmano nobam umburukmu At Allahen nili waruk aruhu-o. Nili waruk aruhureg, boholma At wereg ambeg epma nombahaku-o. Ari halug At inuk-at nintul nantul suontepfuruk amuk-o, ulug an demat yig hisaruk ahi-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

2 Petrus 2:9

Eke bilin at Lot ili webag etno hag, fobik At Allahen it aphe inobabut fanowon epmano o fanoma imbiseheg, it dag surukon o dagma imbiseheg suhu-o. Eke it Allah wene ninambit-o, ulug urukon epmano inim, it kweanmen surukon etno inim obog-at dagma imbisiog ulug wereg-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.