2 Tesalonika 3:1 - Allah Wene Hurumbik Keron

¹ Nomini-o, At Allah wene hit hinanggelegmen su atisi etno hag, o ahik ya da obog wawag ulug ninake sembahyang iuk-o.

2 Tesalonika 3:1 ပူးပေါင်းရင်းမြစ်များ

Matius 9:38

At orom yabuk unde wereg etnowen ap orom yabuk surukon obam seberoho og hisawag ulug kino yig imuk-o,” ulug At Yesusen omini epmano yig isebag.

Lukas 10:2

“Orom ebe anggolo wereg oke, it baltukon epmano hag, inebe dorat wereg-o. Eke orom ebe obog-at baltuk amag ulug, At ap orom unde etnowen omini orom baltukon nin epmano lahap isawag ulug sembahyang yig imuk-o.

Kisah Para Rasul 12:24

At etno waratuk apagma, Allah wene etno o ahik ya da obog-at su apag.

Kisah Para Rasul 19:20

Ariroho hondok yaltuk atusama, At Allah wene etno oag weregsoho obog-at su atisi.

Kisah Para Rasul 6:7

Minduhup isebareg weregma, Allah wene su atuk haruk apareg, it nin obog o Yerusalem etnowen Allah wene webag. Waruk apagma, it imam ap suon nin inim Allah wene waruk apag.

Roma 15:30

Ari halug, nomini-o. At Roh Kudus etno ninindi hunduhuk wilil, At Ninowe Yesus Kristus ninim welahe ari fam yig hisamin ari, hiren ap wim duhure bik isa laruk etno hag, an nake nintul nantul At Allah obam sembahyang uruk amuk-o.

1 Korintus 16:9

Eke it aphe duma ninen wene ninambit-o ulug urukon oke, anden yig isarukmu it obohen inesanggo holukag ulug yanggul isahuk-o.

2 Korintus 1:11

Eke hiren inili wahun ulug ninake sembahyang uruk wilil, yalmag ninaptuk ahep-o. Eke it aphe obohen ninake sembahyang urukon epmano At Allahen esanggo holtug ninili warisi etno fam, it obohen wa ulug ninake sembahyang uruk amuhup-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

Kolose 4:3

Hit ariroho sembahyang uruk wilil, At Paulusen it aphe Allah wene fanoroho yig isaruk amag ulug hinindi ebetuk wilil, nake sembahyang uruk amiek-o.

1 Tesalonika 1:5

Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.

1 Tesalonika 1:8

Eke hit hinebe alem neken weregma, Allah wene etno o Tesalonika, hit welahep ambeg epmanowen o Makedonia laheg, eke o Akhaya laheg suruk wilil o ahik ya da obog-at su atisimu, niren Allah wene warukukon etno o duma it aphe obog-at inesanggo holtusa-o. Ariroho suruson etno hiniluk heheg, yig hisolowon oke, sohorep isehe-o.

1 Tesalonika 2:1

Nomini-o, nit bik hisa waharukuk etno werlek-at bik hisa waharukuk fug-o. Nit bik hisa waharukuk ari hit hiniluk-o.

1 Tesalonika 2:13

Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Tesalonika 5:17

Eke hit ilikia hupmu sembahyang uruk amuk-o.

1 Tesalonika 5:25

Eke hiren ninake sembahyang uruk amuk-o nomini.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.