2 Tesalonika 2:3 - Allah Wene Hurumbik Keron

³ Eke it aphe obohen Allah wene ninambit ulug uruk iseheg, at ap dahon etno o dagma umbukon etno awan waharuk eleg heheg, At Ninowe etno dulum waruhu fug-o.

2 Tesalonika 2:3 ပူးပေါင်းရင်းမြစ်များ

Yohanes 17:12

Eke An nebe bilin it ninim wilil, Haren An nindi oag werehep naharikin etno hag, Anden Hat hinuk fam inindi oag werehep isarikik-o. Eke it inebe Haren og nitikinon epmano An inaso wereg neyeheg, misig eleg atisi fug-o. Eke misig eleg atisi ari, bilin wene baleg fam ariroho eleg aruhu-o, ulug ebahon etno demat ebag ulug inahla bukag ulug eleg atisi-o.

1 Korintus 6:9

Eke it aphe dag surukon epmano fobik At Allah weregma lahup fug etno hit hinapeleg ano? Hinindimuen hinenggal-at ebetuk am fug-o.

Efesus 5:6

Eke ap misihen enggal yig hisaruk wilil, hinindi kahalik wam nowen-o. Eke it aphe Allah wene inesanggo holtuk eleg wilil, inenggal urukon epmano At Allahen asine inobam umbuhu-o.

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.

1 Yohanes 4:3

Ariroho yig hisarukmu, hiniluk aruhu-o. Eke iren At Yesus Kristus kweanma wapag fug ulug uruk isalug, at antikristus At Kristus inim healeg werehon etnowen-at yig isarukmu uruk-o. At antikristus o kweanma waruhu, ulug yig hisaruson etno, kidia arat waruhu-o.

Wahyu 17:11

Eke walo suon iluk wela­tisireg war atision etno inowesi sabiren angge etno inomin sirehon etno wilil, fobik waruhumu, eke fobik warepfuhu-o.

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.