2 Tesalonika 2:16 - Allah Wene Hurumbik Keron

¹⁶ Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

2 Tesalonika 2:16 ပူးပေါင်းရင်းမြစ်များ

Lukas 16:25

at Abraham etnowen yig ituk wilil, ‘Namloho-o, hat hiluk wilil, yi angge di angge fanowon epmano obog seneg wereg heyeheg, at Lazarus yi angge di angge dahon obam welatisi etno hag, kidia hat o hondok olokma wereg heyeheg, at Lazarus duma wilil, ahientoho ninim welahe ari hindi eberin-o.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 15:13

Eke at ap misig etno omini inake waratuk etno, omini indi hunduhuk wilil waratuk-o.

Yohanes 15:9

Eke hit ariroho suruk hisalug, hinebe An nomini-at welamuhup-o.

Yohanes 16:22

Eke at hwe etno bilin indi dag atukon oke, fobik ahien haruk etno hag, hit ariroho suruk ahep-o. Hit hinebe kidia hinindi dag atuk ahep oke, fobik hinindimu hinahien harukmu nilanggen hisahuk-o. Ariroho hinahien hahubon etno at ap misihen elehep hisahaku fug-o.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Kisah Para Rasul 15:11

Eleg-o, nit At Yesus onggo eleg og nisebag etno fam ninili waruk-o. Eke it ari fam-at inili waruk-o,” ulug at Petrusen yig isebag.

Kisah Para Rasul 18:27

Yanggul ituk atusama, at Apolos o Akhaya lahuk ulug ahla buruk atisimu, it omini o Akhaya werehon epmanowen, “At Apolos ninambeg waruhumu, heahi wabuhuken,” ulug holal baloko lahap isarusama, at ebe inambeg waharisi. Waharuk atisireg, it bilin At Allahen inabua isalug wol inaptisimu, Allah wene eberoko waruson epmano inindi oag wereg amag ulug yi wene di wene obog-at yig isarisi.

Roma 1:7

Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

Roma 4:4

Eke at ap misihen yabuk onggo og isaruk wilil, werlek-at og isik ulug ahla buruk eleg-o. We yabuk surukon etno onggo ilitoho-at og isik ulug ahla buruk-o.

Roma 5:8

eke At Kristus nit dag suruk nisalug, ninake warapag ari, At Allah ninebe mondog indi hunduhuk wereg ulug selegma apag-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Efesus 5:25

Eke At Kristus etno At udaki indi hunduhuk welapag etno hag, hit aben hinuhwesi hinindi hunduhuk welamuk-o. Eke At Kristus ari At udaki inake warapareg fam,

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 3:11

Eke At Ninikni Allah inim, At Ninowe Yesus inim nit hit hinambeg wamon ninonggalem yahap nisahukag ulug sembahyang uruk ahe-o.

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 7:19

Ariroho hai apag famen, onggo Aren fano ninabuhu-o ulug wene fanowon etno-at yig nisaruk wilil, og ninaplug At Allah wereg ambeg horogsoho neken ninombisaharuk-o.

1 Yohanes 3:16

Eke At Kristus nit ninake warapag etno niniluk-o. Nit halug, nit ninomini inake inili wa fano-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 22:5

o epma hubang­go aruhu fug-o. Eke eral inim, mo yatukon etno inimen o yangguk am hai aruhumu, At Ninikni Allah-at o yangguk etno og isahu-o. Eke iniluk mondog welamon etno og isaruk aruhu ari fam, inebe suon wilil, raja neken-at initog mondog welamuhup-o, ulug heag niti­si-o.

Wahyu 3:9

Eke it iblis udaki epmanowen nit Yahudi ap-at ulug inenggal-at urukon etno, Anden hinolohotma imbisahukmu, inolohore wandukso­ho wereg iseheg, suontep hisahakup-o. Suontep hisaharuk wilil, hit hinebe An ninim nindi hunduhuk welahion epmano iniluk aru­hu-o.