2 Tesalonika 2:10 - Allah Wene Hurumbik Keron

¹⁰ Eke it aphe fobik o dagma lahubon epmano at ap dahon etnowen yiroho diroho enggal-at surukon epmano fam inindi kahalik waruhu-o. Eke ariroho kahalik waharuk aruhumu, it aphe etnowen wene inili wawon demat urukon etno sohorep isahup ari fam, inonggareg inobaburen o dagma lahup-o.

2 Tesalonika 2:10 ပူးပေါင်းရင်းမြစ်များ

Matius 13:11

eke aren yig isaruk wilil, “At Allah weregmen sukon wene herahowon etno hit unde wilil hiniluk amag ulug yangguloko yig hisaruk ahion oke, it etno hag selegmaroho yig isaruk ahi fug-o.

Yohanes 3:17

Ariroho og isebag ari, it aphe o kweanma dumon epmano oag deloko o dagma imbisawag ulug At Allahen Amloho etno belabik wapag fug-o. Aren it aphe o kweanma duma werehon epmano inili wawag ulug-at belabik wapag-o.

Yohanes 5:34

Eke it apheyen An nawene yig hisaruk ari fam ninuk su aruhu fug oke, An yig hisaruk ahi etno hit hinili wawag ulug-at yig hisaruk ahi-o.

Roma 10:1

Ari halug, nomini-o. It Israel ap an nungguluahon epmano inili wawag ulug nahmu iseheg, eke inake Allah obam sembahyang eheg suruk ahi-o.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

Roma 6:17

Eke hiren At Allah wa ulug yig ituk amuk-o. Eke hit o amuk at alem dag surukon etno anggimbu neken welatikibon oke, kidia wene etno warikipseg, wene demat yanggul nisarukon du ninesanggo holtug ilitoho-at suruk amuk-o, ulug hinahientoho ebetuk ahep-o.

1 Korintus 1:18

Eke it aphe dag surukon o dagma lahubon epmanowen at ebe e fam lenggaloko embebahon wene ari we hai neken inahla buruk oke, nit At Allahen ninili og ninaptukon epmanowen wene du fam At Allahen oag weregsoho ninili og ninaptuk ulug ninahla buruk ahe-o.

1 Korintus 16:22

Eke at misig At Ninowe etno obam indi hunduhuk elehon halug, wene homali etno obam welamag-o. Eke At Ninowe wamon etno aso welamuk-o!

2 Korintus 11:13

Eke it nit mondep nisahabahon at-o, ulug urukon ari, inenggal-at nit nineyabuk du at-o, ulug uruk wilil, At Kristus omini mondep isebahon epmano ilitoho welamuog ulug inobabut akelehon neken suruk-o.

2 Korintus 11:15

Eke at iblis etno ariroho obabut akelehon neken suruk halug, it aphe at anggimbu epmano at alem motoho surukon etno anggimbu neken welamuhuken ulug inobabut akelehon neken suruk-o. Ariroho suruk oke, fobik onggo ilitoho-at og isahu-o.

2 Korintus 2:15

Eke kemenyan etno hondok yalepfurukmu amben fanowon haruk etno hag, At Kristus awene fanowon etno yig isawag ulug lahap nisarukmu, At Allahen ilanggen nisaruk-o. Eke it aphe nin amben dahon misig etno halug, waratuk etno hag, it aphe nin o dagma lahubon epmanowen Allah wene inesanggo holtuk oke, inindimuen ninambit buruk wilil, inili holaruk eleg etno fam waratuk-o. Eke it aphe nin amben fanowon misig halug, inahien suruk etno hag, it aphe nin o fanoma lahubon epmanowen Allah wene inindimuen eberoko waruk ari fam inili holaruk-o. Eke ari halug, Allah wene yig isawon etno at sen iluk wereg-o?

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

1 Tesalonika 2:16

Ariroho wereg ari, it ap Allah wene inapelehon epmano wene inili wawon etno niren yig isa nowen ulug nit bok amag ulug surusa-o. Ariroho surusa ari, iren nintul nantul dag suruson epmano atog ilitoho neken suruk atusama, kidia At Allah asine inobam mondog wereg-o.

2 Tesalonika 2:12

Eke ari fam it aphe awene demat urukon epmano sohorep isalug, dag surukon etno inahiroho suruk ari fam, oag deloko o dagma imbisahu-o.

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

1 Timotius 2:4

it aphe obohen wene du demat-o, ulug inili holawag ulug yig isaruk-o.

Ibrani 3:13

Eke dag sukon etnowen hinindi kahalik waharuk halug, ninindi dahapatehe ha nowen ulug nintul nantul hit hit hinesanggo war war uruk amuk-o. Eke at Alkitab etnowen yig nisaruk wilil, “O yoho At Allah une etno hinesanggo holtuk ahep ulug yig nisebag halug, nintul nantul-at ariroho uruk amuk-o.”

2 Petrus 2:12

Eke it malaikat aphe inobam denggeltuk eleg oke, eke it inenggal wene yig isarukon epmano wam eli neken aben senoko war inabuog ulug wereg-o. Eke it inapelehon neken uruk isalug, fobik mondog war inabuhu-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.