2 Tesalonika 1:9 - Allah Wene Hurumbik Keron

⁹ Imbisaruk amuhupmu, it epmano epma wilil, it At Allah olohore halug eleg At suon oag werehon etno inim welamuhup fug-o.

2 Tesalonika 1:9 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 22:13

Ariroho weregma, at inowe suon etnowen it anggimbu epmano yig isaruk wilil, ‘Ap ari inggik iog hele waroko ebe selema o hik ambeg epma wilipfiek-o. It inebe o epmen ioba yatuk wilil, inayeg kilit matuk amuhup-o,’ ” ulug at inowe etnowen yig isebahon etno At Yesusen yig isebag.

Matius 24:30

Ariroho suruk heheg, An Allahen minduhup naharision etno waharuk ulug inahla bukag ulug boholmen sukfugangge misig etno suhu-o. Suruk aruhumu, it yi aphe di aphe kweanmon inungguluag obog-at ioba yatuk wilil, An Allahen minduhup naharision etno boholmen ambik waharukmu inilanggen neahup-o. Ariroho inilanggen neahup ari, An nebe suon nalon werehon-at hena famen ambik waharukmu inilanggen neahup-o.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Matius 26:24

ulug yig isaruk apareg, eke fobik yig isaruk wilil, “An Allahen minduhup naharision etno holal amuk balfag etno ilitoho-at wararuhuk oke, eke An Allahen minduhup naharision etno nowabukag ulug yonggo laruk du abua-o, ap ari endag atlep fugmen fano-o,” ulug yig isebag.

Matius 7:23

Yig nituk amuhupmu, eke Anden it aphe obog inil fam yig isaruk wilil, ‘Hit hinebe An napeleg-o. Hit dag suruk atikibon du An nolohotmen wilip amiek-o,’ ulug ariroho yig isahuk-o,” ulug yig isebag.

Lukas 13:27

‘Hit kemen wahep-o? Hinolohore An napeleg-o. Eke hit hinebe dag suruk atikipseg fam An wereg ambehen wilip amiek-o,’ ulug yig hisahu-o.

Yohanes 5:14

Yig isaruk apagma, eke fobik At Yesusen ap etno o Allah ibam epmano weregma haruk apareg, yig ituk wilil, “Hat hebe kidia arat fano ahen du, fobik uk suon etno hobam umbuk nowen, haren dag suruk ahenon epmano sohorep isin-o,” ulug yig epag.

Filipi 3:19

Eke it epmano fobik o dagma lahup-o. Eke it inikni suon neken inahum-at wereg-o. Eke it yi angge di angge inenggali haon epmano fam suontepataruk-o. Eke it yi angge di angge kweanmon epmano-at inahla buruk-o.

1 Tesalonika 5:3

Eke it aphe epmanowen, ninindi aplohok seheg eleg fano welahe-o, ulug awan uruk iseheg hwe udag ahumlarehon yoho endepmin ulug apeleg yuhun-at sil nurukmu, oloken hinel watuk etno hag, at etno hetnogsoho waharuk wilil, it aphe epmano elegsoho imbisil waruhu-o. Ariroho suruk halug, eke it hite wilip am ari hai aruhu-o.

2 Tesalonika 2:8

Eke at ap dahon etno arat waharuk aruhumu, At Ninowe suon Yesus etno oag weregsoho waharuk aruhureg, At ele ahahe oag werehon etno fam ap dahon etno warepfuhu-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 10:29

Ari halug, at ap misihen At Allah Amloho etno ambit heheg, eke At Yesus amep fam aphe inindi dahon horep isalug At Allah inim dambulukon etno hai ulug seberoho embeheg, eke At Roh Kudus ninabua nisarukon etno abug baleheg surukon halug, onggo mondog-at wabukag ulug oag deloko umbukon etno hinindi ebetuk amuk-o.

2 Petrus 2:17

Eke it aphe dag surukon epmano bun ele balegma ik firig atukon neken wereg-o. Eke nin, orom filikon hik isarukon neken wereg-o. Ariroho weregma, At Allahen fobik o dagma epma imbisiog ulug ahla buruk-o.

2 Petrus 3:7

Eke bohol kwean kidia werehon etno fobik At Allah uneyen hondok fam war inabiog ulug wereg-o. Ariroho wereg ari, it dag surukon epmano obog-at hondok fam war inabiog ulug wereg-o.

Yudas 1:13

Ik ulu suon urukmu, ebe wereg buruk ahe etno hag it ap etno wereg-o. It ap epmano soholoal da sulug larukmu bule ambik waharuk etno hag, At Allahen hondok olokma lahap isawon ulug wereg-o.

Wahyu 20:11

Eke fobik At misig horie uruk ambeg suon huluon etno fam horieg weregma nilanggen harikik-o. At etno olohotmen kwean inim, bohol inim inebe eleg atukmu, nilanggen harikik-o.

Wahyu 20:14

Haruk atikikseg weregma, waratukon alem etno inim, eke it warehon wereg ambeg welamon alem etno inim hondok olokma hik isa­rukmu harikik-o. Ariroho haruk neyeheg, birenam wara­tukon etno inobam umburukmu harikik-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.