2 Tesalonika 1:11 - Allah Wene Hurumbik Keron

¹¹ Eke ari halug, nintul nantul hinake sembahyang uruk ahe-o. Eke At Allahen wol hinaptisireg fam hiniluk welamon etno holawag ulug fanorep hisahakeg, eke hiren nit fanowon etno suk ninindi-o, ulug uruk hisalug, oag weregsoho og hiseheg, eke At awene demat ulug ebebukon atog imbirision etno atog og hiseheg, suruk amag ulug At Allah obam sembahyang kino uruk ahe-o.

2 Tesalonika 1:11 ပူးပေါင်းရင်းမြစ်များ

Markus 4:28

Eke i etno kweanma kililigmu, abisag-at unggum lahalug, ebe su atuk atlug anggen yihiruk-o.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Roma 11:29

Eke At Allahen inebe fuloko imbiseheg eke ahien inobam embeheg sebahon etno dahan fahan suruk eleg-o, mondog ilitoho-at suruk-o.

Roma 15:14

Nomini-o, hit hag hinobabut fano mondog welahep ari demat ulug nahla buruk ahi-o. Eke hit yi angge di angge obog alem hiniluk wilil, hit hit hinesanggo war war uruk amon etno demat hiniluk welahep ulug nahla buruk ahi-o.

Roma 8:30

Eke it aphe inebe At Allahen bilin fuloko imbisebahon epmano wol inapag-o. Wol inaptuk apareg, ninim fanoroho welamuog ulug alem dahon inobam werehon etno elehep isebag-o. Ariroho suruk apareg, fobik ninim suon-at welamuhuk ulug hurumbik yig isebag-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

Efesus 1:16

Eke hit hinake sembahyang uruk wilil, At Allah Ninowe Yesus Kristus Ikni suon etnowen Roh Kudus og hisawag ulug sembahyang uruk ahi-o. Eke hiren At Allah hiniluk amag ulug, At Roh Kudus etnowen hit hinindi enggatep hisaharuk wilil, At Allah wene etno selegmaroho yig hisaruk-o.

Efesus 1:5

Eke At Allah indi hunduhuken heako ninombisahabareg, At Yesus Kristus inuk fam At udaki inim welamon heako ninombisahiog ulug fuloko ninombisahabag-o. Ariroho fuloko ninombisahabag ari, At ahien haruk wilil, At akeleg-at ahla buruk apareg, fuloko ninombisahabag-o.

Efesus 1:9

Eke ariroho suruk apareg fam, At Kristus eyabuk suruk etno fam an nahla buruk ahion etno suhuk-o, ulug bilin herako neken ahla bebahon oke, fobik nit niniluk amag ulug dindiloko yig nisebag-o.

Filipi 1:6

Eke At Allahen bilin hinindi yabuk fanowon etno atog suruk atisireg, eke fobik At Kristus Yesus waruhu etno fam atog suhu-o ulug, an demat yig hisaruk ahi-o.

Filipi 2:13

Ariroho suruk hiseheg, At Allahen ariroho suruk amuhup ulug yig hisebahon hinahien haruk wilil ilitoho sukon etno nintul nantul og hisaruk-o.

Filipi 3:14

Ariroho suruk wilil, onggo fanowon etno huliog ulug bikit-at laruk ahi-o. Ariroho laruk ahi ari, At Allahen onggo fanowon etno og hisahuk ulug wol nisaruk etno fam laruk ahi-o. Eke onggo fanowon ari, At Kristus Yesus ninonggo balfag etno fam boholmen ninim niniluk welamon etno og nisahu-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

2 Tesalonika 1:5

Eke it ninen dahon etno hinobam umburukmu fanoroho welahep etno fam fobik onggo At Allah weregma-at kuhup-o. Eke ari fam At Allahen aphe ninaren baltug demat oag del ninaptuk ulug ninahla buruk ahe-o.

2 Tesalonika 2:14

Eke niren wene fano wene yig hisarukukon etno fam At Allahen wol hinaptisi-o. Eke At Ninowe Yesus Kristus etno inim suon welamag ulug wol hinaptisi-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

Wahyu 3:4

Eke hit Sardis aphe nin epmano hinasum nintul nantul ho saruk ahep-o. Ariroho ho saruk ahep ari fam, fobik hinasum huluon wantep hisaharuk aruhukseg, og hinaplug ninim lahuk-o.

Wahyu 5:10

Ariroho amburuk senareg fam, it hudaki epmano At Allah anggimbu wilil, eyabuk fanowon etno suruk amag ulug minduhup isaruk senag-o. Ariroho minduhup isaruk senareg fam, o kweanma epmen suon neken-at welamuhup-o,” ulug di misig etno urusa-o.