Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Tesalonika 1:10 - Allah Wene Hurumbik Keron

10 Eke At etno o ari sambit waharuk aruhumu, it udaki At obam ebetukon epmanowen inuk mondog suontepfuruk amuhup-o. Eke hit hag wene yig hisaruk atukukon epmano eberoko waruk ahep etno fam, At Yesus inuk suontepfuruk amuhup-o.

အခန်းကိုကြည့်ပါ။ ကော်ပီ




2 Tesalonika 1:10
40 ပူးပေါင်းရင်းမြစ်များ  

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.


Eke misig du hinindi ebetuk amiek-o. Hit aphe nin duma welahebon epmano waraheg eleg hiniluk wilil, An Allah Amloho suon waharukmu hinilanggen neahup-o,” ulug yig isebag.


Yig isaruk apareg, eke fobik yig isaruk wilil, “Eke ebe suhu etno maram suhu-o? Ari nit ninapeleg-o. Ilikia suhu ano, hupmu suhu ano ulug nit ninapeleg-o. Eke it malaikat epmano inapeleg at-o. Eke An Allahen minduhup naharision etno napeleg at-o. Eke At Ninikni akeleg-at iluk-o.


Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.


Eke fobik o ari sambit it aphe anggolo epmanowen yig nituk wilil, ‘Ninowe-o, Hat hinuk fam wene yig isaruk soag etno Hat hapeleg ano? Eke Hat hinuk fam yi angge di angge obog-at sukfuganggeroho suruk soag epmano Hat hapeleg ano?’ ulug yig nimuhup-o.


Eke At Allahen bilin o Sodom etno dorat war inapahon oke, eke it aphe nin inambit hun hinaptukon epmano inaren baltuk atlug inabua heheg eleg mondog-at war inabuhu-o,” ulug yig isaruk apareg, lahap isebag.


At Yesus etno esanggo holtuk apareg, uruk wilil, “At Lazarus uk waruk ari, warariog ulug suruk eleg-o. Uk ari, At Allah inuk su amag ulug obam umburuk-o. Eke ari fam At Allah Amloho etno inim-at inuk suontepfuhup-o,” ulug ebag.


Eke Hat unde welahenon epmano An unde at-o. Eke An unde welahion epmano Hat unde at-o. Eke iren surukon epmano fam An ninuk suontep naharuk-o.


At Kristus awene etno hit hinindimu oag weregsoho warikip-o.


ulug inakeleg inakeleg surukon epmano fobik At Yesus waruhu etno fam o ari keroho faltusa ulug obog selegma aruhu-o. Selegma atuk aruhumu eke o ari sambit alem selegma aruhu-o. Ariroho selegma aruhu ari yabuk alem keroho surusa ulug hondok fam selegma aruhu-o.


iren an farim At Allah inuk suontepfurusa-o.


Ariroho fuloko ninombisahabareg fam, nit bilin neken At Kristusen fano ninabuhu ulug ninindi ebetukukon epmanowen At Allah inuk-at suontepfuruk amuk-o.


Eke At Roh Kudus etno og hisarisireg fam, At Allahen it nudaki ari fanowon etno og hisahuk ulug abug yig nisebahon etno demat og nisahu ulug ninindi ebetuk wilil, At Allahen aphe At udakion ninili oko suontep nisahaku-o, ulug ninindi ebetuk ahe-o. Eke niren At inuk-at suontepfuruk amuk-o.


Eke hit fanoroho hinindi ebetuk hisalug, fano hinabiog ulug wol hisarision etno inim, eke At udaki ahien inobam umburuk wilil, og hisahuk ulug abug yig hisarision etno inim,


Eke At Allahen ninabua nisaruk wilil, At Amloho indi hunduhukon etno onggo eleg yuhun-at og nisebareg fam, At Allah wa ulug uruk wilil, inuk suontepfuruk amuk-o.


Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.


Eke At Allah yi angge di angge obog wal hebahon etno bilin wene du heraho welamag ulug dugsoho embebahon oke, eke kidia At awene warukon epmanowen it malaikat inim, eke it inowesi boholmon inim, At Allah yiroho diroho suruk ilukon etnowen ahla buruk atlug, duroho suruk-o, ulug iren iniluk amag ulug yig isaruk-o.


Eke At Allah suon yi angge di angge obog unde werehon etnowen Aren angge Roh Kudus etno fam hinindi oag werehep hisahakeg,


Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.


Nomini-o, nit bik hisa waharukuk etno werlek-at bik hisa waharukuk fug-o. Nit bik hisa waharukuk ari hit hiniluk-o.


Eke hinesanggo wareheg, eke yonggon hinabeheg suruk wilil, At Allahen an weregma ninim suon welamuhuken ulug wol hinaptuk-o ulug ariroho yig hisaruk wilil, At Allah ahien hisawagsoho hit Allah wene etno ilitoho suruk amiek-o, ulug yig hisaruk atukuk-o.


Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.


Eke ariroho fanoroho wereg hisalug, hit farim At Ninowe Yesus inuk suontepfeheg, eke At Yesus farim hit hininuk suontepfeheg suruk amuhup-o. Eke At Ninikni Allah inim, eke At Ninowe Yesus Kristus inimen ninabua nisarusa-o ulug suontepfuruk amuhup-o.


Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.


Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.


Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.


Nebe bik nea waharisireg fam, At Yesus waruhu etno sambit At Allahen abua hawag ulug sembahyang uruk ahi-o. Eke at bilin an o Efesus wereg neyeheg yalmag naptisi etno hat hiluk-o.


Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.


It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ