2 Petrus 3:7 - Allah Wene Hurumbik Keron

⁷ Eke bohol kwean kidia werehon etno fobik At Allah uneyen hondok fam war inabiog ulug wereg-o. Ariroho wereg ari, it dag surukon epmano obog-at hondok fam war inabiog ulug wereg-o.

2 Petrus 3:7 ပူးပေါင်းရင်းမြစ်များ

Matius 10:15

Eke At Allahen fobik aphe inaren baltuk wilil, o Sodom Gomora dorat ahmu isahuon oke, eke it aphe heahi war hinaptuk elehon epmano mondog inabua isahu fug-o, ulug ariroho suhuon etno hinindi ebetuk amiek-o,” ulug inesanggo watuk apareg, lahap isebag.

Matius 11:22

Eke At Allahen inaren baluhu ari sambit it Tirus Sidon aphe inabuaroho imbisaruk wilil, hit hag war hinabuhu-o, ulug yig hisihi ari hinindi ebetuk amiek-o.

Matius 11:24

Eke At Alla­hen o in­aren baluhu ari sambit it Sodom aphe inabuaroho imbisa­ruk wi­lil, hit hag war hinabuhu-o, ulug yig hisihi ari hinindi ebetuk amiek-o,” ulug yig isebag.

Matius 12:36

Eke misig du yig hisamin-o; fobik At Allahen hinaren baltuk weregma, hiren yi angge di angge yuhun-at irikibon epmano obog-at alem ari fam irikik uhup-o.

Matius 24:35

Eke bohol inim, kwean inim ari eleg aruhu oke eke An nune etno hag eleg aruhu fug-o,” ulug yig isebag.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Markus 6:11

Laruk amuhupmu, eke it o misihen heahi war hinabeheg eleg-at hinune etno seberoho umburuk isalug, it inakol amagsoho inil fam o etno hiniog sabele horeho imbisalug, o sili misig alu-o,

Yohanes 12:48

Ari halug, it aphe ninen An nobam ebetuk eleg wilil, An nawene ninambit-o, ulug uruk isalug At misihen inoag deloko imbisahu-o. Ariroho imbisahu ari, wene Anden yig isaruk ahion etnowen-at inoag deloko imbisahu-o.

Roma 2:5

Eke At Allah asineyen demat ninaren balepfulug onggo baloko selegma ninombisahaku etno sambit o dagma hombahakuon oke, hat hahlahiroho welahen ari fam mondog dagma-at hombahaku-o.

1 Korintus 3:13

ulug inakeleg inakeleg surukon epmano fobik At Yesus waruhu etno fam o ari keroho faltusa ulug obog selegma aruhu-o. Selegma atuk aruhumu eke o ari sambit alem selegma aruhu-o. Ariroho selegma aruhu ari yabuk alem keroho surusa ulug hondok fam selegma aruhu-o.

Filipi 1:28

Eke hit hinim healeg walehebon epmano hinakol isaruk eleg wilil, hinindi hinahlahiroho-at welamuk-o. Eke ariroho welamuhup etno fam it hinim healeg welahebon etnowen inahla buruk wilil, it ap Allah inim werehon duen nit seberep nisahalug, it suon amuhup-o, ulug inahla buhup-o.

2 Tesalonika 2:3

Eke it aphe obohen Allah wene ninambit ulug uruk iseheg, at ap dahon etno o dagma umbukon etno awan waharuk eleg heheg, At Ninowe etno dulum waruhu fug-o.

1 Timotius 6:9

Eke it aphe ninen ninaharek anggolo amag ulug heahil sil nurukon epmanowen yi angge di angge nindi nindi urukmu, inindi kahalik waharuk-o. Eke inindi kahalik waharukmu, bak helema waratuk etno hag, it aphe yi angge di angge nindi nindi urukon epmano inonggarehen wataruk amuhupseg, fobik mondog dag amuhup-o.

Ibrani 12:29

Eke At Ninikni Allah ari, hondok ninakol haruk ahe etno hag alon werehon-at wereg-o.

2 Petrus 2:9

Eke bilin at Lot ili webag etno hag, fobik At Allahen it aphe inobabut fanowon epmano o fanoma imbiseheg, it dag surukon o dagma imbiseheg suhu-o. Eke it Allah wene ninambit-o, ulug urukon epmano inim, it kweanmen surukon etno inim obog-at dagma imbisiog ulug wereg-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

2 Petrus 3:12

Ari nomini, At Ninowe horog kidia waruhu ano? ulug aso wilil, dag seheg eleg, Allah yabuk fanoroho suruk amuk-o. At Ninowe fobik waruhuon etno aso wilil, bohol etno hondok oloken eleg waruhu-o.

1 Yohanes 4:17

Eke At Kristus aphe indimu hunduhuk welapag etno hag o kweanma niniluk wilil suruk nisalug, fobik aphe oag del inaptuk wilil, hit fanoroho welatikip ano ulug yig nisahumu, niren ninakol elegsoho-at yig imuhuk-o. Ninakol elegsoho-at yig imuhuken ulug, ninomini ninindi hunduhuk welamuk-o.

Yudas 1:7

Eke misig du weregma yig hisamin-o. It Sodom Gomora aphe epmano it malaikat etnowen dag sebag etno hag, it ap ap seheg, ap uhweon seheg suruk apagma, At Allahen hit aphe hinusuruk ahi-o, ulug arat hondok olokma imbisebag-o.

Wahyu 17:11

Eke walo suon iluk wela­tisireg war atision etno inowesi sabiren angge etno inomin sirehon etno wilil, fobik waruhumu, eke fobik warepfuhu-o.

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.

Wahyu 20:11

Eke fobik At misig horie uruk ambeg suon huluon etno fam horieg weregma nilanggen harikik-o. At etno olohotmen kwean inim, bohol inim inebe eleg atukmu, nilanggen harikik-o.

Wahyu 21:1

Eke fobik bohol amukon etno inim, kwean amukon etno inim, ik suon etno inim eleg atusama, bohol keron kwean keron etno harikik-o.