2 Petrus 3:17 - Allah Wene Hurumbik Keron

¹⁷ War inabuhu oke, eke hit nomini, holal du bal hisihion etno fam arat hiniluk aha-o. Ari yig hisihi ari, it inenggal wene urukon epmanowen hinindi kahaltukmu bule ambulug watehep ha nowen ulug yig hisihi-o, nomini. Ari hit hinindi yaharoho welamag ulug yig hisihi-o.

2 Petrus 3:17 ပူးပေါင်းရင်းမြစ်များ

Matius 16:11

Eke kidia Anden orom roti farim yig hisihi fug ari, keroho ulug hinapeleg aha-o? Roti su amag ulug inim matuk etno ilitoho it Farisi Saduki ap inimen wene dahon etno suapsil laruk ari, hit fanoroho yaha welamiek-o, wene ebe ari-at yig hisihi-o,” ulug yig isebag.

Matius 16:6

Laruk apagma, At Yesus etnowen yig isaruk wilil, “Roti su amag ulug umburukon etno ilitoho, it Farisi Saduki ap inim ariroho wereg-o. Ari halug, inaren baluhuben hinindi ebetuk amiek-o,” ulug yig isebag.

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

Yohanes 16:4

Eke fobik iren ariroho sukon etno arat fanggog uruk halug, hiren At Yesusen ariroho hurumbik yig nisarisi ulug, hinindi ebebuhuben ulug yi wene di wene epmano obog-at yig hisihi-o,’ ” ulug yig isebag.

Kisah Para Rasul 2:42

Eke ikma belap inapahon epmano inindi misig-at weregma, At Yesus omini mondep isebahon epmanowen inim dambuksoho wilil, Allah wene yig iseheg, orom nenggeg, sembahyang eheg, suruk apag.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

1 Korintus 10:12

Eke ari halug, ap misihen, an suon minduhuk welahi-o, ulug ahla burukon ari dag surukim indi aso welamag-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

2 Korintus 11:3

Eke bilin at walo etnowen hwe Hawa enggal-at yig ituk wilil indi kahalfag etno hag, hit ariroho hinindi ebetuk ahebon epmano hinapeleg atlug At Kristus mutlug motoho lawon etno sohorep isao ari an nakol-o.

Galatia 5:4

Eke hit ninen it Yahudi aben wene duroho suruk amuk eke duroho suruk am fug ulug ebahon etno ilitoho suruk wilil, At Allahen alem dahon hinobam werehon epmano elehepfukag ulug suruk ahebon halug, At Kristus hinim healsaruk ahep-o. Ariroho suruk ahep ari, At Allahen hinabua hisawon etno elegsoho imbisaruk ahep-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

Filipi 3:2

Eke it ap dag surukon epmanowen yangge neken wilil, hiniyunggul ambilik balsaruk amiek-o, ulug urukon etno yaharoho welamiek-o.

Kolose 2:5

Eke an nebe yatma-at welahi oke, nahla buruk ahion etno hit hinim horog-at wereg-o. Ariroho weregma, At Kristus awene eberoko waruk wilil hinoag weregsoho welahebon etno nilanggen haruk wilil, an nahientoho-at welahi-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

2 Timotius 4:15

Eke at ap etnowen niren wene yig isarukukon etno mondog nambit irisi halug, hat hag at ebe yaharoho welaruhun-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

1 Petrus 5:9

Heag hinabil nuruk halug, Allah inuk waruk wilil, hat iblis hebe ulug yig ituk amiek-o. Ariroho sil nuruk wilil, it hinomini Allah udaki o kweanma werehon epmano obog at iblisen dahon inobam umburuk etno hit hiniluk-o.

2 Petrus 2:7

War inaptuk wilil oke, eke at Lot etno it dag surukmu ambit isaruk wilil obabut fano weregma, ili webag.

2 Petrus 3:1

Ari halug nomini-o, hit hinahla burukon eleg amag ulug, yi wene di wene obog-at holal birenam bal hisihion du fam yig hisihi-o.

Wahyu 2:5

Eke hit hinebe dag sirikibon epmano hinin­di eberiek-o. Ari halug, hiren dag suruk ahebon epmano sohorep isalug, bilin suruk atikip epmano ilitoho suruk amiek-o. Eke hiren dag suruk ahebon epmano sohorep isaruk eleg hisalug, An fobik hinambeg waharuk aruhukseg, hiren eral fisako umburuk ahep ambeg etno walug o werlekma umbuhuk-o.