2 Petrus 3:16 - Allah Wene Hurumbik Keron

¹⁶ Ari at Paulus Allahen yig itukmu, hurumbik suhuon etno yig nisaruk-o. Hurumbik etno demat uruk oke, it aphe ninen ari keroho uruk-o? ulug inahla buruk wilil, Allah wene holal baleg etno dahapfuruk isalug, inobabut surukon etno famen fobik mondog war inabuhu-o.

2 Petrus 3:16 ပူးပေါင်းရင်းမြစ်များ

Matius 15:3

Yig ituk apagma, eke At Yesusen yig isaruk wilil, “Eke hit hag, At Allahen wene duroho suruk amuk eke duroho suruk am fug ulug yig hisebahon etno hinapeleg neken sohorep isalug, hinonggarehen hinahla buruk ahebon etno-at suruk ahep ari, keroho ulug suruk ahep-o?

Matius 15:6

Ariroho yig isaruk ahep ari, hiniknisi hinisasi ininuk suontepfuk hinamberaken-at suruk wilil, it nin hag ariroho siuk ulug yig isaruk ahep-o. Ariroho yig isaruk wilil, Allah wene etno seberoho umbuog ulug-at suruk ahep hisihi-o.

Matius 22:29

Yig ituk apagma, eke At Yesusen yig isaruk wilil, “Hit wene baleg etno inim, eke At Allahen oag weregsoho surukon etno inim hinapeleg wilil, urunanggeroho-at uruk ahep-o.

Filipi 3:19

Eke it epmano fobik o dagma lahup-o. Eke it inikni suon neken inahum-at wereg-o. Eke it yi angge di angge inenggali haon epmano fam suontepataruk-o. Eke it yi angge di angge kweanmon epmano-at inahla buruk-o.

Ibrani 5:11

Eke alem ari fam niren anggolo yig hisawon oke, hit hinindimu orog-at ebetuk ahep etno fam keroho yig hisuk neken ninapeleg atuk-o.

Yakobus 1:8

Ap ariroho ahla burukon etno indi eleg neken wilil, “Keroho sik, niog kema imbik,” ulug indi seneni ebetuk wilil sil nuruk-o.

1 Petrus 1:1

An Yesus Kristus omini mondep isebahon misig Petrus etnowen wene holal du bal hisihi-o. Hit Allah udaki o Pontus, Galatia, Kapadokia, Asia-Kecil, Bitinia inim huso neken welahebon epmano wene holal du bal hisihi-o.

1 Petrus 2:8

Eke ariroho ebahon etno wereg heheg, eke misig du wereg-o, “It o wut oag ari ninambit ulug uruson etno fam, bule ambulug watahup-o,” ulug holal embebahon etno hiniluk-o. Eke it aphe At Yesus o wut oag neken werehon etno obam ebetuk eleg isalug, At Allahen ebahon etno ilitoho bule amburusareg, watarusa-o.

2 Petrus 2:1

Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

2 Petrus 2:14

Eke it epmano hwe dahon inilag warukon etno-at suog ulug heahil nuruk-o. Heahil nuruk wilil, nintul nantul dag suk ulug inahla buruk-o. Inahla buruk wilil, bak yep suruk etno hag, iren aphe inindi elehen epmano dag sukag ulug inindi kahalik waharuk-o. Ariroho suruk wilil, inindi dag mondog-at wereg isalug, fobik At Allahen waramiek yig isahu-o.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

2 Petrus 3:2

Eke amuk it nabi aben Allah wene ebahon etno inim, eke Ninowe dil ninaptukon omini inune fam komo yig hisebahon epmano inim obog-at hinahla ebebukag ulug holal du bal hisihi-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.