2 Petrus 3:10 - Allah Wene Hurumbik Keron

¹⁰ Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

2 Petrus 3:10 ပူးပေါင်းရင်းမြစ်များ

Matius 24:35

Eke bohol inim, kwean inim ari eleg aruhu oke eke An nune etno hag eleg aruhu fug-o,” ulug yig isebag.

Markus 13:31

Eke bohol kwean inim ari eleg aruhu oke, An nune etno hag eleg aruhu fug-o. Itog mondog welaruhu-o,” ulug yig isebag.

Lukas 12:39

Eke alem misig du yig hisamin-o. At ap o unde etnowen ari sambit ap heraharukon etnowen yi angge di angge herahik wamuhup ulug iluk welatlepmen, at ap o unde werehon etno aso yaharoho weregma, at ap heraharukon etnowen herahalep fug-o.

Roma 8:20

Eke yi angge di angge wal hebahon epmano inonggareg inahla buluhen inebe eleg amuog ulug wereg eleg-o, At Allah ahla buruk apareg, inebe eleg amag ulug imbisebareg fam, inebe eleg amuog ulug wereg-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

1 Korintus 5:5

ap ariroho surukon etno ahap dag aruhureg oke, indi At Ninowe waruhu etno fam fano sukag ulug, hiren ap ari oag deloko at iblis og imuog ulug fuloko imbiek-o.

2 Korintus 1:14

Eke ari halug, At Ninowe Yesus waruhu ari sambit hiren nit suontep nisahakeg, eke niren hit suontep hisahakeg suruk amuhuk-o.

1 Tesalonika 5:2

At Ninowe wamon etno ap inalomnangge herahuog ulug o hubanggo laruk etno hag hetnogsoho waruhu ulug hit bilin arat hiniluk atisi-o.

1 Tesalonika 5:4

Eke ariroho suhu oke, eke hit o hikmu neken welahep fug-o nomini. Eke at ap o aso werehon etno it inalomnangge herahuog ulug kurukim ilanggen yaharoho wereg etno hag, hit yuhun-at weregma, at etno sambit waruhu halug, hinahut lahu fug-o.

2 Petrus 3:11

Yi angge di angge obog ariroho-at eleg atuk halug, hit ap sandeg neken welamuhup-o?

2 Petrus 3:12

Ari nomini, At Ninowe horog kidia waruhu ano? ulug aso wilil, dag seheg eleg, Allah yabuk fanoroho suruk amuk-o. At Ninowe fobik waruhuon etno aso wilil, bohol etno hondok oloken eleg waruhu-o.

2 Petrus 3:7

Eke bohol kwean kidia werehon etno fobik At Allah uneyen hondok fam war inabiog ulug wereg-o. Ariroho wereg ari, it dag surukon epmano obog-at hondok fam war inabiog ulug wereg-o.

Yudas 1:6

Eke misig du wereg-o. It malaikat epmano At Allah inuk sohorep isalug, it inibam wilip apagma, At Allah oag deloko imbisahuk ulug hele waroko o hikmu imbisebahon wereg-o.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.

Wahyu 20:11

Eke fobik At misig horie uruk ambeg suon huluon etno fam horieg weregma nilanggen harikik-o. At etno olohotmen kwean inim, bohol inim inebe eleg atukmu, nilanggen harikik-o.

Wahyu 21:1

Eke fobik bohol amukon etno inim, kwean amukon etno inim, ik suon etno inim eleg atusama, bohol keron kwean keron etno harikik-o.

Wahyu 3:3

Ari halug, bilin iren yanggul hisarukmu, hinesanggo holtiki­bon etno hinindi ebetuk wilil, ilitoho suruk amuhuben dag suruk atikibon epmano sohorep isiek-o. Eke hinebe hiniluksoho minatuk eleg hiseheg, it ap inalomnangge herahuog ulug herako laruk etno hag, An nebe hetnogsoho hinambeg waharukon etno mo ari fam waruhu ulug hinapeleg-at welamuhup-o.

Wahyu 6:14

Ambik waha­ruk atusama, eke sum yinggiloko umburuk etno hag, bohol ebe eleg atisi-o. Eleg atuk wilil, dom inim, o ik anggenma werehon inim obog akeleg sik ya umbulug da umbulug seg atisi-o.