2 Petrus 2:3 - Allah Wene Hurumbik Keron

³ It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

2 Petrus 2:3 ပူးပေါင်းရင်းမြစ်များ

Matius 23:14

It hweap suhweon epma inabua iseheg eleg wilil, inibam muko wilip isalug, hit imig saruk ahebon oke, nit fano-o ulug aphe inil fam sembahyang yaron uruk ahep-o. Ari halug, hinebe oag deloko o dagma-at hinombisahaku-o.

Lukas 18:8

Dulum-at yalmako imbisaruk aruhureg, inili wahu-o. Inili wahuon oke, fobik An Allahen minduhup naharision etno o kweanma duma ambik waruhukseg, it aphe An nobam ebetukon epmano inebe nilanggen isahuk ano, eleg ano?” ulug At Yesusen yig isebag.

Lukas 20:20

It epmano bok atuk apareg, o ke sul hele wabuhuk ulug aso wilil, it ap nin nit fano-at welahe-o ulug urukon epmano uang anggen dorat og isebag. Og isaruk apareg, yig isaruk wilil, “At Yesus enggali wabuhuken hiren hinog wak lalihip-o,” ulug yig isaruk apareg, uruk wilil, “Fobik dahan fahan uruk halug, at Gubernur etnowen aren balukag ulug senoko og imuhup-o,” ulug inahla bebag.

Lukas 22:47

Awan yig isarukmu, it ap dohaleg epmano wapag. Waharuk wilil, at Yudas bilin omini dua belas neken inim sil nuruk apahon etno kwalem yanggul isil bilin waharuk apareg, aren Yesus mitig hiog ulug suruk apagma,

Yohanes 2:16

it ap sue yalme onggo hundutukon epmano yig isaruk wilil, “Hit yi angge di angge duma walug wilip amiek-o. Hit An Nikni ibam dumen yi angge di angge hundutuk am ari hai-o,” ulug yig isebag.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

1 Tesalonika 2:5

Eke hit hinahien nisawag ulug yuhun-at nit ninune fanoroho yig hisa waharukuk fug etno hit hiniluk-o. Eke ninaharek anggolo amag ulug ninune fanowon ninenggal-at yig hisaruk atukuk fug etno At Allah iluk-o.

1 Tesalonika 5:3

Eke it aphe epmanowen, ninindi aplohok seheg eleg fano welahe-o, ulug awan uruk iseheg hwe udag ahumlarehon yoho endepmin ulug apeleg yuhun-at sil nurukmu, oloken hinel watuk etno hag, at etno hetnogsoho waharuk wilil, it aphe epmano elegsoho imbisil waruhu-o. Ariroho suruk halug, eke it hite wilip am ari hai aruhu-o.

1 Timotius 3:3

eke ambusu nenek surukon etno naruk elehon halug, eke asine elehon halug, eke indi humbulihon halug, eke indi fanowon halug, eke yikangge aptuk elehon halug, eke yi angge di angge kweanmon nindi ulug heahil sil nuruk elehon halug, it ap aphe inindi aso welamon etno arion-at fuloko imbisawag-o.

1 Timotius 3:8

Eke it ap yalmag inaptukon ari, it inobabut fanowon halug, eke inune biren eheg eleg misig-at urukon halug, eke ambusu nenek surukon etno naruk elehon halug, eke yi angge di angge kweanmon epmano heahil sil nuruk elehon halug, ap arion-at minduhupfuk fano-o.

1 Timotius 6:5

Eke it ariroho surukon ari wene demat ulug ebetukon etno sohorep isalug wene du fam naharek anggolo aruhu-o, ulug inahla buruk-o.

Titus 1:11

Eke it ap ariroho inenggal urukon etno bok amag ulug yig isimuk-o. Eke it epmano dahan fahan suruk wilil, inaharek anggolo amag ulug o sili misig keheg sil nuruk wilil, wene dahon-at it yi aphe di aphe yig isaruk-o.

Titus 1:7

Eke at ap Allah wene yig isarukon ari dag suruk eleg halug, Allah yabuk etno aso welamag-o.

1 Petrus 2:8

Eke ariroho ebahon etno wereg heheg, eke misig du wereg-o, “It o wut oag ari ninambit ulug uruson etno fam, bule ambulug watahup-o,” ulug holal embebahon etno hiniluk-o. Eke it aphe At Yesus o wut oag neken werehon etno obam ebetuk eleg isalug, At Allahen ebahon etno ilitoho bule amburusareg, watarusa-o.

1 Petrus 5:2

It Allah udaki epmano yaharoho welamuhuben ulug minduhup hisahabahon etno yabuk fanoroho-at surukmu, At Allahen une yig hisarukmu, yabuk hinahiroho-at suruk amiek-o. Eke yi angge di angge nawon epmano og nisahup, ulug hinahla buruk am fug-o. Fanoroho inaso wilil, yaharoho welamuk ulug hinahla buruk amiek-o.

2 Petrus 1:16

Ari halug nomini-o, At Ninowe Yesus Kristus oag werehon waruhu ulug, yig hisaruk ahi etno yi wene di wene inenggal urukon epmano mutlug lawag ulug yig hisaruk ahi fug-o. Nit ninilanggen At Yesus sukfuganggeroho surukmu harukuk-o.

2 Petrus 2:1

Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

2 Petrus 2:9

Eke bilin at Lot ili webag etno hag, fobik At Allahen it aphe inobabut fanowon epmano o fanoma imbiseheg, it dag surukon o dagma imbiseheg suhu-o. Eke it Allah wene ninambit-o, ulug urukon epmano inim, it kweanmen surukon etno inim obog-at dagma imbisiog ulug wereg-o.

Yudas 1:11

It ap epmano at Kain onggalem etno-at laruk-o. Eke alem uang etno fam at Bileam sebag etno hag suruk-o. It ap epmano at Korah uwa ebagma wapag etno hag war inabuhu-o.

Yudas 1:15

Eke it At Allah inuk wao sohorep isalug dag sil nurukon etno inim, At Allah ari dag surukon ulug inenggal-at obam denggeltil nurukon etno inim it o dagma imbisuog ulug wamuhup-o,” ulug at Henokh etnowen amuk-at hurumbik ebag.

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Yudas 1:7

Eke misig du weregma yig hisamin-o. It Sodom Gomora aphe epmano it malaikat etnowen dag sebag etno hag, it ap ap seheg, ap uhweon seheg suruk apagma, At Allahen hit aphe hinusuruk ahi-o, ulug arat hondok olokma imbisebag-o.